Juan 13:3 - Manobo Western Bukidnon

³ Ne si Jesus, netuenan din he insarig kandin te Amey zin is kebayàbayà te langun. Netuenan din daan he ziyà sikandin ebpuun te Megbevayà ne ziyà daan sikandin ed-ulì.

Juan 13:3 Referans Kwoze

Juan 3:35

Utew mahal ziyà te g̵ehinawa te Amey tew he Megbevayà is Anak din, ne insarig din kandin is kebayàbayà te langun.

Mateo 11:27

Ne mid-uman megkag̵i si Jesus diyà te menge etew te, “Is minsan hengkey, insarig kediey te Amey ku he Megbevayà. Wazà nesayud kedì te Anak te Megbevayà, kekenà, iyan dà is Amey ku he Megbevayà. Ne wazà daan nesayud te Amey ku he Megbevayà, kekenà, iyan e zà is Anak din wey sikan is menge etew he mibpengelinteuwan ku he mesayud dan kandin.

Hibriyuhanen 1:2

Iyan, guntaan, duen impesavut te Megbevayà kenitew pinaag̵i te Anak din. Ne heini is Anak din, pinaag̵i kandin ne nelimbag te Megbevayà is minsan hengkey; ne midhimu sikandin te Megbevayà he Nengazen te minsan hengkey.

Juan 17:2

Insarig nu kediey is kebayàbayà te tivuuk he menusiyà su wey ku meveg̵ayi te untung he wazà pidtemanan is langun he menge etew he imbeg̵ey nu kediey.

Juan 8:42

Ne migkag̵i kandan si Jesus te, “Angin pezem ke amey niw is Megbevayà su mahal a g̵eina ziyan te g̵ehinawa niw su te kedhendini ku, diyà a ebpuun te kandin. Kenà kediey zà he suat is kedhendini ku, kekenà, midsug̵ù e zin.

Mateo 28:18

Ne mid-uvayan sikandan ni Jesus, ne ke sikandin te, “Imbeg̵ey kedì is ke g̵ehem te kebayàbayà diyà te langit wey zini te tanà.

1 Kurintu 15:27

Su zuen insurat he Lalag te Megbevayà he edhenduen te, “Is Megbevayà, ebpehedian din ki Kristu is minsan hengkey.” Ne egketuenan ta he haazà is egkeg̵iyen he “minsan hengkey,” ne wazà iragkes is Megbevayà dutun te minsan hengkey he edhedian ni Kristu.

Nengeulaula 2:36

Na,” ke si Pedro, “kinahanglan he edsevuten tew te langun he menge kevuwazan ni Israyil he si Jesus, sikan is inransang niw te krus, midhimu en te Megbevayà he Nengazen wey hadì tew te langun.”

Juan 13:1

Sengeandew pa zutun ne egketuman en is Pista te Kedlevayi. Netuenan ni Jesus he uvey en is ked-awè din dini te kelibutan su ed-ulì en diyà te Amey zin he Megbevayà. Utew mahal ziyà te g̵ehinawa zin is menge sumusundan din dini te kelibutan, ne zutun ibpeehè din ke hengkey kemahal sikandan diyà te g̵ehinawa zin.

Juan 7:33

Ne migkag̵i si Jesus te, “Kenè en utew egkeug̵et ne ed-ewaan ku sikiyu su ed-ulì a ziyà te Megbevayà he midsug̵ù kedì.

Juan 7:29

Netuenan ku mulà ke hentei sikandin, su ziyà a ebpuun te kandin, ne iyan midsug̵ù kedì.”

Juan 3:13

Hentei is nekehendiyà te langit? Iyan e zà is Kakey te Menusiyà su ziyà a ebpuun te langit.”

Juan 1:18

Wazè pa menusiyà he nekeahà te Megbevayà, iyan, sikan is Anak din he vudtung, impetuenan din kenitew is Amey zin he Megbevayà su iyan dan layun telezuma.

Lucas 10:22

Ne zutun mid-uman megkag̵i si Jesus diyà te menge etew te, “Is minsan hengkey, insarig kediey te Amey ku he Megbevayà. Wazà nesayud kedì te Anak te Megbevayà, kekenà, iyan dà is Amey ku he Megbevayà. Ne wazà daan nesayud te Amey ku he Megbevayà, kekenà, iyan e zà is Anak din wey sikan is menge etew he mibpengelinteuwan ku he mesayud dan kandin.”

Juan 8:14

Ne midtavak si Jesus te, “Minsan ke iyan a ebpenistig̵us te keugelingen ku, egkeserig̵an is kebpenistig̵us ku su netuenan ku ke hendei a ebpuun wey ke hendei a ebpevayà. Iyan, sikiyu, kenè niw egketuenan ke hendei a ebpuun wey ke hendei a ebpevayà.