Juan 11:39 - Manobo Western Bukidnon

³⁹ “Iawè niw heini is batu!” ke si Jesus. Ne si Marta, is etevey zutun te minatey, migkag̵i sikandin te, “Memahù en su heepat en guntaan he andew is kedlevenga kandin.”

Juan 11:39 Referans Kwoze

Juan 11:17

Ne zutun te kebpekeuma eni Jesus diyà te Bitanya, nezineg din he heepat en he andew zutun is kedlevenga ki Lazaro.

Marcos 16:3

Ne ebpein-inseey zan te, “Hentei is ebpekelilid kenitew zuen te zekelà he vatu he inlekeb duen te idselang te penlevengà?”

Pilipus 3:21

Ne zutun te andew, ne edhelinen din en is memeg̵uyà he menge lawa tew ne edhimuwen din he iring te mekeg̵eg̵ehem he lawa zin. Ne kayi te kedhelina zin kenitew, egemiten din is dekelà he g̵ehem din he iyan ingkehimu zin he ebayàbayà te minsan hengkey.

Nengeulaula 2:27

su netuenan ku he kenè nu ebpesegdanen is gimukud ku ziyà te Iveyaan. Siak is metinumanen he sulug̵uen nu, netuenan ku zaan he kenè nu idtug̵ut he meredak is lawa ku.

Nengeulaula 13:36

Ne netuenan ta, menge suled,” ke si Pablo, “he neug̵et en si David. Midtuman din is mibpeveelan kandin te Megbevayà ne hein neumuran sikandin ne minatey. Inleveng uvey te menge lukes din ne neredak is lawa zin.

2 Kurintu 2:16

Ne haazà is menge etew he kenà ebpelibri, is ibpesavut dey kandan ne henduen be te utew memahù su nesavut dan he neangken dan en is kemetayen. Ne haazà mulà is menge etew he ebpelibri ki Kristu, is ibpesavut dey kandan, ne henduen be te utew mehemut su nesavut dan he neangken dan en is untung he wazà pidtemanan. Hentei vuwa is dait te kedsengyawa kayi te tudtul?