Ipisu 5:18 - Manobo Western Bukidnon

¹⁸ Kenè kew mebpelelangut te vinu su ebpekezezaat heini keniyu, kekenà, kinahanglan he egkepurung kew egkeulini te Wag̵as he Mulin-ulin.

Ipisu 5:18 Referans Kwoze

Ruma 13:13

Ed-ul-ulahan tew is hustu su iyan heini ulaula he zait te menge etew he neteyawan te Megbevayà. Kenè ki en edtampu te ketig̵uman te ebpemelelangut ne kenè ta egkevuten is kenè ta esawa. Kenè ki ebpekid-eg̵et wey kenè ki egkesina.

Lucas 1:15

su utew zekelà is pid-etawan din sumalà is ked-isipa kandin te Nengazen. Kenà sikandin ed-inum te vinu wey minsan hengkey he ebpekelangut. Ne puun dà dutun te kenè pa sikandin id-anak egkepurung sikandin egkeulini te Wag̵as he Mulin-ulin.

Nengeulaula 11:24

Ne si Bernabe, meupiya is ulaula zin, ne meheg̵et is ked-ulini kandin te Wag̵as he Mulin-ulin ne meheg̵et daan is kedtuu zin te Megbevayà, ne mezakel zutun is nemeketuu te Nengazen tew he si Jesus.

1 Tiselunika 5:7

Sikan is edlipezeng, edlipezeng te mezukilem, ne sikan is egkelangut, egkelangut daan te mezukilem.

Lucas 12:45

Iyan, kehizu zin ke iyan diyà te isip din is menaney pa ed-ulì haazà is egalen din ne ebpemug̵elen din is menge zuma zin he sulug̵uen he maama wey vahi ne iyan dà baal zin is egkaan wey ed-inum ne egkelangut.

Lucas 11:13

Ne sikiyu is menusiyà he kenà memetazeng, emun meupiya is ibeg̵ey niw ziyà te menge anak niw, iyan pe be is Amey tew he Megbevayà diyà te langit kenà mebeg̵ey keniyu te Wag̵as he Mulin-ulin ke ebuyuen niw.”

1 Kurintu 6:10

is tekawen, is leg̵ezen, is lelenguten, is ebpen-ulug te salà diyà te zuma zin, wey is limbungan, wey is minsan hentei etawa he ed-ulaula te iring kayi, ne kenà sikandin egkehedian keuzemà te Megbevayà, kekenà, edsilutan sikandin.

Tito 1:6

Is ebmeg̵urangen, kinahanglan he wazà supak din, sevaha zà is esawa zin, ne kenè din selselai. Kinahanglan he menge tumutuu is menge anak din, ne kenà sikandan ed-isipen te menge etew he iyan dan dà ebpen-ahaan is kelibutanen he kelipey. Kinahanglan he metinumanen sikandan te menge idsug̵ù kandan.

Lucas 21:34

Ne ke si Jesus te, “Uram kew wey kew kenà kayi zà egketaman te kegkebibu wey kebpemenginum wey te kedlag̵ud niw te menge kelibutanen he menge kinahanglan niw. Su emun kenè kew ed-uram ne egketik-awan kew egkesaut te andew te kedlimasa te Megbevayà te menusiyà. Ne egkeiring kew te egketelebpì he rumat.

1 Kurintu 11:21

Umba egkeg̵iyen ku heini su zuen kun duma keniyu he leg̵ezen ne edhuna zan kun egkaan ne kenè dan edsemaan is menge zuma zan ne tenged dutun egkengevitil is duma. Ne kenà iyan dà haazà su ebpemelelangut is duma!

Mateo 23:25

Kehizu niw te menge menunudlù te kesug̵uan wey sikiyu is menge Perisiyu su tarù is kedtuu niw te Megbevayà! Ebpurungan niw ebentayi is menge vetasan niw, iyan, diyà te isip niw wey g̵ehinawa niw ne zuen keheheramham wey kelelalung. Iring kew te vasu wey pinggan he nelumpiyuwan diyà te g̵awas, iyan, meremerik is diyà te seled.

Mateo 24:49

ne ebpemug̵elen din is menge zuma zin he sulug̵uen; ne egkaan wey ed-inum duma te menge lelenguten.

Juan 2:10

ne migkeg̵iyan din te, “Sumalà te vetasan tew, ke zuen keemuran, ibpenag̵ey idhuna is utew metaam he vinu, ne emun dekelè en is egkeinum te menge etew human ebpeneg̵aya is kenà utew metaam. Iyan, sikew, guntaan nu en peneg̵aya heini is binu he utew metaam!” ke sikandin.