Ipisu 4:30 - Manobo Western Bukidnon

³⁰ Ne kenè niw ul-ulaha is minsan hengkey he kenà egkesuatan te Wag̵as he Mulin-ulin su iyan sikandin tuus diyan te keniyu he g̵aked kew te Megbevayà, wey tuus daan he keuzemà egkeuma is andew he zutun edhimesaza te Megbevayà is langun he nepuunan din en he vaal te kedlibriya zin keniyu te kebpekesalà.

Ipisu 4:30 Referans Kwoze

1 Tiselunika 5:19

Kenè niw verawa is menge sug̵ù keniyu te Wag̵as he Mulin-ulin.

Nengeulaula 7:51

Ne ke si Esteban te, “Sikiyu is menge zuma ku he Hudiyu, utew memehunit is gehinawa niw. Kenè kew egkesuat he ebpemineg; ne kenè kew zaan edtuman te Lalag te Megbevayà. Kenè kew ed-engked he edsupak te Wag̵as he Mulin-ulin. Kes mid-ulaula te menge kepuun tew, iyan daan ed-ul-ulahan niw.

Ruma 8:23

Ne kenà duen dà taman, su sikita zaan is nekezawat te Wag̵as he Mulin-ulin he iyan tuus he zuen pa keuzemà ibeg̵ey kenita te Megbevayà, utew egkeheg̵et is kebperetenga ta kayi. Su utew ta egkesuati he meume en haazà is timpu he zutun edhimesazen te Megbevayà is ked-anak-anak din kenita wey edtumanen din is kedtulusa zin te lawa ta.

Ruma 8:11

Is Megbevayà, ne iyan mibanhew ki Jesu Kristu. Ne emun dini ed-ubpà te kenita is Wag̵as he Mulin-ulin he midsug̵ù din, ne ebenhawen ki zin daan pinaag̵i te Mulin-ulin he zini ed-ubpà te kenita.

Marcos 3:5

Ne te ebpenlangulangu si Jesus dutun te mezakel he menge etew, utew zin egkepeuki sikandan ne utew zaan mibmesakit is gehinawa zin su haazà is menge etew, wazè dan kehizu. Ne zutun migkeg̵iyan din haazà is etew he nezeetan is belad din te, “Ketenga nu, Mama, is belad nu.” Ne migketeng dutun te etew haazà is belad din ne segugunà neulii.

Hibriyuhanen 3:10

Umba, utew a zutun nepauk kandan, ne ke siak te, ‘Layun egkesayep is ed-isipen dan ne kenè dan egkesuat he edtuman te menge sug̵ù ku.’

1 Kurintu 1:30

Ne minsan pa zutun, midhimu te Megbevayà he mesevaha si Jesu Kristu wey sikitew ne midhimu zin daan he zuen ketau tew he ebpuun te ki Kristu. Ne pinaag̵i ki Kristu mid-isip kiw en he metazeng te Megbevayà ne nehimu kiw en daan he menge g̵aked te Megbevayà, ne nevelukasan kiw zin te kegkeuripen tew te mezaat he ulaula.

Hibriyuhanen 3:17

Ne hentei is menge etew he nepeukan dengan te Megbevayà seled te kepatan he tuig? Iyan ded heini is menge zuma te kevuwazan ni Israyil he mibaal te salà diyà te Megbevayà ne tenged kayi midsilutan din sikandan ne minatey sikandan dutun te tanà he wazà meubpai te etew.

1 Kurintu 15:54

Ne zutun, sikitew is duen din kemetayen, ne kenè kiw en human ebpatey ne egketuman en haazà is insurat he Lalag te Megbevayà he edhenduen te, “Nepurung en maawà is gehem te kemetayen.”

Lucas 21:28

Ne emun egkepuun en heini egkengetuman is langun he migkag̵i ku, ne andam kew wey keg̵alew kew su meg̵aan en is kedlibriya keniyu te Megbevayà.”

Juan 3:33

Iyan, is minsan hentei he edawat kayi ebpekepenistig̵us he tutuu is egkeg̵iyen te Megbevayà.

Hibriyuhanen 10:29

Ne emun iyan haazà, wey pe be kenà utew meveg̵at is idsilut dutun te etew g̵untaan he edsumpeliten din is hizu kandin te Anak te Megbevayà. Utew meveg̵at is idsilut kandin su igkepesavut din pinaag̵i zutun te mid-ulaula zin he wazà pulus dutun te lengesa ni Jesus he ibpalis pezem kandin he iyan tuus te veg̵u en he paag̵i te kebpekidsevaha te Megbevayà te menusiyà. Meveg̵at is silut kandin su edsumpeliten din is belig̵eg̵awen he Wag̵as he Mulin-ulin.