Impezayag 5:7 - Manobo Western Bukidnon

⁷ Ne haazà is nati he kerehidu, mid-uvey ne migkuwa zin sikan is belesahan he ziyà te kewanan he velad te ebpimpinuu zutun.

Impezayag 5:7 Referans Kwoze

Impezayag 5:1

Ne haazà is ebpimpinuu ziyà te pinuuwà te edhadì, neehè ku he egewezan din diyà te kewanan he velad din is midlulun he velesahan. Midsuratan is pesiziveluyà dutun te velesahan ne zuen pitu he tiyap he impezeket dutun su wey kenà meebriyi.

Impezayag 1:1

Iyan heini kedtudtula te impezayag ni Jesu Kristu. Insarig heini kandin te Megbevayà wey zin daan ikepesavut diyà te menge sulug̵uen te Megbevayà ke hengkey is meg̵aan en he egkengeulaula. Impesavut heini ni Kristu pinaag̵i te kedsug̵ua zin te velinsug̵uen din diyà te kediey te sulug̵uen din he si Juan.