Impezayag 22:2 - Manobo Western Bukidnon

² Ne haazà is wahig, diyà edtudà te teliwazà te kersada zutun te inged. Ne te pesiziveluyà he veyvey zutun te wahig egkeahà is menge kayu he ebpekeveg̵ey te untung. Ne haazà is kayu, sepulù wey zezuwa he kelasi is beg̵as din ne kada vulan ebpemeg̵as te sengekelasi. Ne is dahun dutun, ne vawì he ebpekeulì te menge etew he sakup te menge g̵inhedian dini te lumpad.

Impezayag 22:2 Referans Kwoze

Impezayag 22:1

Ne, impaahà kediey zutun te velinsug̵uen is wahig he egngezanan te Wahig he Ebpekeveg̵ey te Untung. Ne haazà is wahig ne utew metingew iring te ispihu. Ne ziyà ebpuun haazà te pinuuwà te Megbevayà he iyan sikan is pinuuwà te nati he kerehidu.

1 Pedro 2:24

Iyan si Kristu midsilutan tenged te menge salè tew zutun te kedrensanga kandin diyà te krus. Umba iyan sikandin midsilutan su wey tew meengkezi is menge mezaat he ulaula ne wey tew iyan meulaula is metazeng. Is menge palì din dutun, ne iyan nekevawì kenitew.

Impezayag 2:7

Is minsan hentei keniyu, mebpemineg kayi te egkeg̵iyen te Wag̵as he Mulin-ulin diyan te keniyu te menge tumutuu! Is etew he ebpekezaag ki Setanas, edtug̵utan ku he mekekaan sikandin te veg̵as te kayu he iyan puunà te untung he wazà pidtemanan he ziyà te ed-ubpaan te Megbevayà.’ ”

Impezayag 22:14

Utew egkengelipey haazà is langun he ebpìpian dan is ugelingen dan, he ke và dà egkeg̵iya, ibpepalis dan is menge salè dan su wey utew meputì su emun ebeelan dan haazà, ebeg̵ayan sikandan te ketenged te kegkaan te veg̵as dutun te kayu he ebpekeveg̵ey te untung wey te kedseled dutun te menge pultahan te inged.

Impezayag 22:19

Ne ke zuen minsan hentei he id-awè din kayi te ibpesavut he impezayag kediey is minsan hengkey, id-awà daan te Megbevayà is kandin he vahin dutun te veg̵as duen te kayu he ebpekeveg̵ey te untung he nekag̵i kayi. Ne id-awà daan diyà te kandin is ketenged din te ked-ubpà dutun te inged te Megbevayà he nekag̵i kayi te libru.

Impezayag 21:24

Ne haazà is inged, ne egketeyawan te anlag din is langun he menge etew zutun he kelibutan. Ne is menge hadì te menge g̵inhedian dutun, ed-uwiten dan dutun te inged is ketig̵eyunan dan.

Impezayag 21:21

Ne haazà is sepulù wey zezuwa he pultahan, ne sepulù wey zezuwa he pirlas su is kada pultahan, ne hinimu te sevaha he pirlas, ne is kersada zutun te inged, ne vulawan he utew wag̵as su iring te ispihu he edlahus is mata ta.

Lucas 4:18

“Mid-ulinan a te Wag̵as he Mulin-ulin he ebpuun te Megbevayà. Ne mibpilì a te Nengazen su wey ku ikepesavut te menge egkengeayuayu is Meupiya he Tudtulanen. Ne mibpeveyaan din kedì is menge etew wey ku sikandan metudtuli he egkengevelukasan is nengevihag ni Setanas, ne egkengeulian is nengelakap wey zan mekeahà ne egketevangan is egkengereg̵enan.