Impezayag 21:24 - Manobo Western Bukidnon

²⁴ Ne haazà is inged, ne egketeyawan te anlag din is langun he menge etew zutun he kelibutan. Ne is menge hadì te menge g̵inhedian dutun, ed-uwiten dan dutun te inged is ketig̵eyunan dan.

Impezayag 21:24 Referans Kwoze

Impezayag 22:2

Ne haazà is wahig, diyà edtudà te teliwazà te kersada zutun te inged. Ne te pesiziveluyà he veyvey zutun te wahig egkeahà is menge kayu he ebpekeveg̵ey te untung. Ne haazà is kayu, sepulù wey zezuwa he kelasi is beg̵as din ne kada vulan ebpemeg̵as te sengekelasi. Ne is dahun dutun, ne vawì he ebpekeulì te menge etew he sakup te menge g̵inhedian dini te lumpad.

Impezayag 21:26

Ne ed-uwiten dutun seled te inged is menge mahal he azen wey is menge ketig̵eyunan te langun he menge g̵inhedian.

Ruma 15:16

wey a mehimu he sug̵ù ni Jesu Kristu ziyan te keniyu te menge etew he kenà menge Hudiyu. Henduen te memumuhat a su ke pinaag̵i kedì ebpeketuu is menge etew; egkehimu zan he iring te pemuhat ku he pinaag̵i te kedlumpiyuwi kandan te Wag̵as he Mulin-ulin edewaten te Megbevayà.

Ruma 15:26

Su is menge tumutuu zini te prubinsya he Mesidunya, wey te prubinsya he Gerisya, neisip dan he meupiya ke ebeg̵ey zan te tavang diyà te menge tumutuu he egkengeayuayu ziyà te inged he Hiruselim.