Impezayag 17:17 - Manobo Western Bukidnon

¹⁷ Umba ed-ul-ulahan dan haazà su is Megbevayà, midhimu zin he egkesuatan dan te edtuman is tuyù te Megbevayà. Ne tenged dutun sevaha zà is egkeisip dan ne idtavang dan te langgam is keg̵ehem dan te kedhadì taman te egkengetuman is nengetagnà he menge Lalag te Megbevayà.

Impezayag 17:17 Referans Kwoze

Impezayag 10:7

Ne emun edhiyupen dutun te ikepitu he velinsug̵uen is budyung din, ne human dutun ed-ul-ulaha te Megbevayà is tuyù he in-eles din sumalà is migkag̵i zin dengan diyà te menge ebpeneuven din he menge sulug̵uen din.”

2 Kurintu 8:16

Dekelà is kebpeselemati zey te Megbevayà su imbeg̵ey zin ki Tito is dekelà he g̵ustu te kedtavang keniyu iring te kenami zaan he g̵ustu.

Juan 13:2

Si Jesus wey is menge sumusundan din, ne edlavung dan dutun. Ne si Hudas he tigKeriyuti he anak ni Simon, daan en he impeseled ni Setanas diyà te isip din is ked-ekali zin ki Jesus.

Impezayag 17:13

Sevaha zà is tuyù dutun te sepulù he hadì ne edtevangan dan is langgam pinaag̵i te zesen dan wey keg̵ehem dan te kedhadì.

Juan 13:18

Kenè kew pudu is egkeg̵iyan ku kayi su netuenan ku ke hengkey is gehinawa te uman sevaha keniyu te menge pinilì ku. Duen sevaha keniyu he ed-ekalan e zin. Umba egkeulaula heini su wey metuman sikan is netagnà dengan diyà te insurat he Lalag te Megbevayà he edhenduen te, ‘Is duma ku he ebpekidtug̵en kediey, iyan nehimu he kuntada ku.’

Lucas 22:22

Siak is Kakey te Menusiyà, ebpatey e zed gihapun sumalà is imbanglis kedì te Megbevayà, iyan, kehizu utew te etew he ed-akal kedì.”

Impezayag 15:1

Ne zutun neehè ku ziyà te langit is selakew pa he utew zekelà he egkein-inuwan he iyan kebpeelunga te egkeulaula. Duen pitu he velinsug̵uen ne is kada sevaha kandan, ne egkulangan te idrasey zin te menusiyà. Ne emun egkeulaula en heini ne egketapus en is idsilut kandan te Megbevayà dini te kelibutan.

Juan 19:28

Ne zutun netuenan ni Jesus he nepasad din en is langun he netagnà mehitenged kandin, ne migkag̵i te, “Egkemezahan a.” Ne pinaag̵i zutun netuman is netagnà dengan diyà te insurat he Lalag te Megbevayà.

Juan 19:24

Ne tenged dutun migkag̵i is menge sundaru te, “Kenè tew ebindasen, kekenà, edripahan tew wey tew metueni ke hentei kenitew is ebpekeg̵aked.” Umba neulaula zan heini su egketuman kes netagnà dengan he Lalag te Megbevayà he insurat he edhenduen te, “Mibahinbahin dan is ugelingen ku ne midripahan dan is bisti ku.” Ne neulaula haazà dutun te menge sundaru.

Juan 10:35

Ne ke si Jesus te, “Kenà egkehimu he edhelinen is insurat he Lalag te Megbevayà. Umba, ke migngezanan din te menge megbevayà is menge kepuun tew zengan he mibeg̵ayan te lalag din,

Lucas 22:37

Su kinahanglan he egketuman en dini te kedì sikan is insurat he Lalag te Megbevayà he edhenduen te, ‘Inragkes sikandin dutun te menge selaan he etew.’ ”

Lucas 22:3

Ne zutun he timpu si Hudas, is sevaha zutun te sepulù wey zezuwa he sumusundan ni Jesus, ne mid-ulinan sikandin ni Setanas.

Impezayag 6:11

Ne zutun impemeg̵ey ziyà te uman sevaha kandan is meputì he kumbalà. Ne migkeg̵iyan sikandan te Nengazen he medhimeley zan dè pa taman te egkeamin egkevunù is menge zuma zan daan he sulug̵uen te Megbevayà he edhimetayan daan iring kandan.

Impezayag 19:9

Ne migkeg̵iyan a zutun te velinsug̵uen, ke sikandin te, “Isurat nu heini: Utew zeyzey is langun he ibpemetelavuk dutun te eseweey te nati he kerehidu.” Ne impelaus din haazà is lalag din te, “Iyan heini tutuu he menge Lalag te Megbevayà!”