Impezayag 10:5 - Manobo Western Bukidnon

⁵ Ne zutun, sikan is belinsug̵uen he neehè ku he edhithitindeg he ziyà is sevaha he paa zin te tanà ne is sevaha ziyà te zag̵at, imbayew zin diyà te langit is kewanan he velad din.

Impezayag 10:5 Referans Kwoze

Impezayag 16:17

Ne zutun, is ikepitu he velinsug̵uen, mid-ulaan din diyà te keramag is lediyà he ziyà te kandin ne nezineg ku is egkag̵i he ziyà ebpuun te pinuuwà te edhadì he ziyà te simbahan, ke sikandin te, “Netapus en!”

Impezayag 14:7

Ne mibpekezag̵ing is egkag̵i te, “Tehuza niw is Megbevayà wey ventug̵a sikandin su neuma en is timpu te kedsusi zin te menge ulaula te tivuuk he menusiyà! Ezapa niw is Megbevayà he iyan nenlimbag te langit wey tanà wey zag̵at wey menge puunà te wahig!”

Impezayag 10:2

Ne ziyà te velad din egewezan din is nevekar en he zeisek he velesahan. Is kewanan he paa zin, ne ziyè din ig̵iek te lawed te zag̵at ne is givang, ne ziyà te tanà.

Impezayag 4:11

“He Nengazen dey he Megbevayà, dait ka he edelig̵en, dait ka he edtehuzen. Mekeg̵eg̵ehem ka su nenlimbag ka te minsan hengkey. Nesuat ka he edlimbag ne pinaag̵i kayi nehimu is langun.”

Nengeulaula 14:15

“Maan is ed-ezapen key keniyu, menge suled? Menge etew key zà daan; menusiyè key zaan iring keniyu! Midhendini key te inged niw wey zey ikepesavut keniyu is Meupiya he Tudtulanen wey niw meengkezi heini is menge ulaula niw he wazè din pulus ne wey niw zaan tuuwi is Megbevayà he wazè din kemetayen. Iyan sikandin nenlimbag te langit wey tanà wey zag̵at wey is minsan hengkey he tag̵ù kayi.

Impezayag 4:9

Ne haazà is heepat he linimbag, emun ebentug̵en dan wey edtehuzen dan wey ebpeselematan dan is wazà pidtemanan he Megbevayà he ebpimpinuu zutun te pinuuwà te edhadì, edlangkeb sikan is

Impezayag 1:18

Iyan a kes Megbevayà he wazè din kemetayen. Mibpehimatey a ne g̵untaan kenà ad maan ebpatey te minsan keenu. Iyan a ebayàbayà te menge minatey, ne zuen ku zaan keg̵ehem diyà te Iveyaan.

Hibriyuhanen 6:13

Isipa niw si Abraham. Dutun te kebpenaazi kandin te Megbevayà, is Megbevayà, ne wazà duma he ngazan he neg̵amit din te kedlig-eni zin te penaad din, kekenà, migamit din is kandin he keugelingen he ngazan su wazà lavew kandin.

Ruma 1:20

Su is Megbevayà, minsan te kenà sikandin egkeahà, puun pa te kedlimbag̵a zin te kelibutan, egketuusan sikandin gihapun pinaag̵i te langun he midlimbag din, pinaag̵i te utew zekelà he g̵ehem din he wazè din pidtemanan, wey pinaag̵i te nekag̵i he kegkemegbevayè din. Ne tenged dutun kenà ebpekevarew is minsan hentei he kenè dan egketuenan he zuen Megbevayà.

Nengeulaula 17:23

Su te kedrig̵urig̵u ku kayi te inged niw nengeehè ku is menge ed-ezapen niw. Ne zuen daan sevaha he pemuhatà he neehè ku he insurat dutun is lalag he edhenduen te, ‘Kayi ed-ezapa is Megbevayà he Wazè Pa Metueni.’ Ne sikan is Megbevayà he ed-ezapen niw minsan wazè niw pa metueni, iyan heini is ibpesavut ku en keniyu.