Hudas 1:12 - Manobo Western Bukidnon

¹² Ebpekezezaat sikandan te zengeg niw ke edtampu zan te keemuran niw su kenè dan mulà egkeeled dutun te kedtumana zan te mezaat he kebayè dan ke ebpekidtug̵en dan keniyu. Iyan dà egkeisip dan is kandan dà he egkesuatan. Wazè dan menge pulus; iring sikandan te menge g̵apun he wazà duen uzan he mibpagwis te keramag. Iring sikandan te menge kayu he kenà ebpemeg̵as minsan pa te iyan en pezem timpu te kebpemeg̵as. Ne umba kenà ebpekepemeg̵as su nepiley en ne neg̵angu.

Hudas 1:12 Referans Kwoze

Mateo 15:13

Ne midtavak si Jesus te, “Ebezuten is minsan hengkey he pinemula he wazà ipemula te Amey ku he Megbevayà.

Pilipus 3:19

Siguradu egkeimpirnu sikandan su iyan ebayàbayà kandan is menge mezaat he kebayà te lawa zan. Ibmeupiya te g̵ehinawa zan is menge mezaat he ulaula, iyan, meupiya pezem ke igkeeled dan; ne iyan dan dà egkeisip is menge vutang he zini te kelibutan.

Ipisu 4:14

Dutun ne egkehimu he kenè kiw en ebpekeiring te vatà su is etew he iring dutun ne egkehalinhalin is kedtuu zin su melemu ebpeketuu te minsan hengkey he tuluuwen he ibpenurù kandin te menge teruen he etew he metau he edlimbung.

Lucas 21:34

Ne ke si Jesus te, “Uram kew wey kew kenà kayi zà egketaman te kegkebibu wey kebpemenginum wey te kedlag̵ud niw te menge kelibutanen he menge kinahanglan niw. Su emun kenè kew ed-uram ne egketik-awan kew egkesaut te andew te kedlimasa te Megbevayà te menusiyà. Ne egkeiring kew te egketelebpì he rumat.

Lucas 8:6

Ne zuen daan benì din he nengeulug he nemekeuntud diyà te menipis he tana he nekeapid te vatu ne midtuvù haazà, iyan, petuluy zà neg̵angu su nemezahan haazà is tanà.

Santiago 5:5

Dini te kelibutan utew meupiya is kebpekesavuk niw ne edlipey kew layun, iyan, iring kew g̵untaan te nati he ibpelambù he edlepaan su kunaan niw ke kenè kew egkesaut te andew te kedsilut.

1 Timoteo 5:6

Iyan, haazà is balu he vahi he iyan dà mulà egkesuatan din is menge kelibutanen he kelipey, minsan ke uuyag pa, iring sikandin te minatey en.

Lucas 16:19

Ne mid-uman megkag̵i si Jesus te, “Duen sevaha he etew he sepian utew. Ne haazà is sepian, utew menge mahal he manggad is idsun-ud din. Ne kada andew ne iyan dà ibpekaan kandin is utew mahal wey metaam he egkeenen.

Lucas 12:45

Iyan, kehizu zin ke iyan diyà te isip din is menaney pa ed-ulì haazà is egalen din ne ebpemug̵elen din is menge zuma zin he sulug̵uen he maama wey vahi ne iyan dà baal zin is egkaan wey ed-inum ne egkelangut.

Marcos 4:6

Asal hein mid-andew, neg̵angu petuluy haazà is menge pinemula su mevavew zà is nesenevan te zalid dan.

Mateo 13:6

Asal hein mid-andew, neg̵angu petuluy haazà is menge pinemula su mevavew zà is nesenevan te zalid dan.

Hibriyuhanen 13:9

Umba, kenè niw tuuwi is menge selakew he tuluuwen he kenà iyan kes tutuu he impenurù keniyu. Iyan hustu he ibmelig-en te kedtuu tew is kedtevangi kenitew te Megbevayà, ne kenà iyan is kedlikayi te menge egkeenen he indawey te kesug̵uan su wazà heini ikezeyzey te menge etew he ebantey kayi.