Ne tenged kayi, ed-etuvang ki en te Megbevayà, ne kenà tarù is ked-ezapa ta kandin. Edheg̵eten ta is kedtuu ta ne kenè ki eduwazuwa. Su netuenan ta he nepelisan ki en te lengesa ni Jesus ne netuenan ta zaan he in-awà kayi is menge salè ta. Nengebewtismuwan kiw en he tuus te kedlumpiyuwi kenitew te Megbevayà.
Hibriyuhanen 9:14 - Manobo Western Bukidnon14 Ne emun egkehimu he egkelumpiyuwan haazà pinaag̵i zà te lengesa te menge vaka wey kambing, iyan pe be kenà utew pa lavew is egkelumpiyuwan pinaag̵i te lengesa ni Kristu. Su pinaag̵i te tavang te Wag̵as he Mulin-ulin he wazè din pidtemanan, impemuhat ni Kristu ziyà te Megbevayà is kandin he lawa; ne wazà igkesewayi kandin. Ne pinaag̵i te kebpelisi kenita te lengesa zin, in-awè din is menge salè ta wey is kebpekesarig ta te menge ulaula he wazè dan pulus. Ne tenged kayi ebpekeazap ki en te wazè din kemetayen he Megbevayà. Gade chapit la |
Hibriyuhanen 9:14
76 Referans Kwoze
Ne kesevaha zà is kedseled din dutun te utew mahal he rug̵u te simbahan he ziyà te langit ne kenè en ed-uman. Ne wazà sikandin mekeseled dutun tenged te kebpelengesa zin te lengesa te menge ayam dà duen, iring te menge kambing wey menge nati he vaka, kekenà, nekeseled dutun tenged te impelengesa zin is kandin he lengesa. Ne tenged kayi te kebpemuhata te lawa zin, midhimu zin he wazà pidtemanan te kedlibriya zin kenita te silut.
Kenà sikandin iring te menge zaan he lavew he memumuhat su wazà kinahanglan he ebpemuhat sikandin andew-andew iring kandan. Su andew-andew ebpemuhat dan. Edhuna zan ebpemuhat tenged te kandan he keugelingen he salà, ne human dan ebpemuhat tenged te menge salà te menge etew. Iyan, si Jesus mulà, kesevaha zà is kandin he kebpemuhat ne wazè din en umani. Midhimu zin heini zutun te kebpehimatey zin diyà te krus.
Pinaag̵i kayi te Anak din ibpezayag is mekeg̵eg̵ehem he anlag te Megbevayà su neked-iring dan. Ke hengkey is Megbevayà ne iyan ded daan sikan is Anak din. Ne pinaag̵i te g̵ehem te kegkag̵i kayi te Anak ebeyveyaan din is minsan hengkey he linimbag. Ne hein nepasad din en is ked-ewaa zin te menge salè tew, mid-ulì diyà te langit ne mibpinuu ziyà te egkekewanan te Megbevayà su edhadì.
Ne tenged dutun, menge suled, netengkaan en is ked-istudyuwi tew zuen te menge nehuna he melemu he tuluuwen he impenurù kenitew mehitenged ki Kristu. Kinahanglan he edlaus kiw en dutun te ked-istudyu te menge penurù he zait te menge etew he mezesen en is kedtuu zan. Kenè tew ed-ul-ulitan te ed-istudyu is menge nehuna he impenurù kenitew iring te ked-engkezi te kedsarig te menge ulaula he wazà pulus, wey is kedtuu te Megbevayà.
Kenè ta egemiten is minsan hengkey he vahin te lawa ta te ked-ulaula te mezaat, kekenà, idtug̵ut ta he iyan ebayàbayà kenita is Megbevayà su zait heini kenita te nelibri en te kemetayen ne mibeg̵ayan te veg̵u en he untung. Ne idtug̵ut ta he iyan egamit te lawa ta is Megbevayà wey ta meulaula is metazeng.
Iyan, guntaan, nevelukasan ki en te Megbevayà, ne nelibri ki en te kebpekeulaula ta te mezaat. Ne tenged kayi menge sulug̵uen ki en te Megbevayà, ne utew zekelà is pulus kayi kenita su ebpeketuman ki en te egkesuatan din, ne iyan rimeg̵as kayi te mid-ulaula te Megbevayà is kegkeveg̵ayi kenita te untung he wazà pidtemanan.
Ne pinaag̵i te supak te menge Hudiyu he iyan is kenè dan kedtuu, midtuvazan te Megbevayà te utew meupiya is tivuuk he menusiyà. Ne pinaag̵i zaan te naawà diyà te menge Hudiyu is kedtuvazi kandan te Megbevayà, utew zekelà is kebpaahaa te Megbevayà te menge etew he kenà Hudiyu te g̵ag̵ew zin. Ne emun iyan heini, wey pe be kenà utew pa zekelà is meupiya he egkezawat te menge etew he kenà menge Hudiyu zutun te timpu keuzemà ke edlikuan te menge Hudiyu is kedtuu zan.
Ne is simbahan he Valey te Megbevayà he zutun ed-ezapa sikandin, kenà egkehimu he zutun daan ed-ezapa is menge tarù he ed-ezapen. Ne iring din ded daan sikitew is tumutuu su iyan kiw iring te valey he ed-ubpaan te wazè din kemetayen he Megbevayà. Su migkag̵i is Megbevayà te, “Edlumunan ku sikandan ne ebpekiduma a kandan ne egkehimu he iyan a edsimbahan dan he Megbevayà ne iyan sikandan menge g̵aked ku he etew.”
Ne sikiyu is kenà menge Hudiyu, kenè kew tutuu he menge subpang dutun te kayu su ziyè kew ebpuun te kayu he kenà pinemula, ne midhimu kew zin he subpang dutun te kayu he ed-elimahan din. Ne emun egkehimu heini keniyu te ebpuun te kayu he kenà pinemula, wey pe be kenè din egkehimu he idlikù din sikan is tutuu he menge subpang dutun te zaan he ebpuunan dan.
Su is Megbevayà, minsan te kenà sikandin egkeahà, puun pa te kedlimbag̵a zin te kelibutan, egketuusan sikandin gihapun pinaag̵i te langun he midlimbag din, pinaag̵i te utew zekelà he g̵ehem din he wazè din pidtemanan, wey pinaag̵i te nekag̵i he kegkemegbevayè din. Ne tenged dutun kenà ebpekevarew is minsan hentei he kenè dan egketuenan he zuen Megbevayà.
“Mid-ulinan a te Wag̵as he Mulin-ulin he ebpuun te Megbevayà. Ne mibpilì a te Nengazen su wey ku ikepesavut te menge egkengeayuayu is Meupiya he Tudtulanen. Ne mibpeveyaan din kedì is menge etew wey ku sikandan metudtuli he egkengevelukasan is nengevihag ni Setanas, ne egkengeulian is nengelakap wey zan mekeahà ne egketevangan is egkengereg̵enan.
“Maan is ed-ezapen key keniyu, menge suled? Menge etew key zà daan; menusiyè key zaan iring keniyu! Midhendini key te inged niw wey zey ikepesavut keniyu is Meupiya he Tudtulanen wey niw meengkezi heini is menge ulaula niw he wazè din pulus ne wey niw zaan tuuwi is Megbevayà he wazè din kemetayen. Iyan sikandin nenlimbag te langit wey tanà wey zag̵at wey is minsan hengkey he tag̵ù kayi.
Si Jesus he tigNeserit, mibpeulinan sikandin te Megbevayà te Wag̵as he Mulin-ulin ne mibeg̵ayan sikandin te zekelà he g̵ehem. Ne mid-eneb din is menge inged ne meupiya is baal zin diyà te menge etew ne nengeulian din is langun he edlelungen ni Setanas. Neveelan din heini su kenà edsuwey kandin is Megbevayà.
Iyan, haazà is sevaha he rug̵u he egngezanan te utew mahal he rug̵u, iyan dà ebpekeseled dutun is lavew he memumuhat. Ne kesevaha zà sikandin edseled dutun te sengetuig. Ne emun ed-ahuk sikandin dutun, kinahanglan he ed-uwiten din is lengesa he ibpemuhat wey mepalis is menge salè din wey is menge salà he wazà tuyua te langun he menge zuma zin he kevuwazan ni Israyil.
Umba ebpesuratan ku sikew su kela ke mesanggen a. Ne emun egkesanggen a egketuenan nu g̵ihapun ke hengkey is hustu he ed-ul-ulahan he zait tew te menge anak te Megbevayà. Iyan kiw iglisya, he ke và dà egkeg̵iya, menge tumutuu te wazè din kemetayen he Megbevayà. Iyan kiw kes menge tukud wey vangel he zutun mekesavuk is tutuu he tuluuwen.
taman en te kebetuna kandin te Megbevayà pehendiyà te langit. Hein midhimetayan si Jesus ne nevanhew, mezakel is paag̵i te kebpaahaa zin te menge epustul te timaan he nevanhew en sikandin. Su seled te kepatan he andew zutun, layun sikandin ebpaahà kandan. Impenurù din kandan is kedhadì te Megbevayà. Ne te wazè pa sikandin betuna pehendiyà te langit, impenurù din daan pinaag̵i te g̵ehem te Wag̵as he Mulin-ulin is ebpeveelan din kandan te menge epustul he zaan he nepilì din.
Su zuen insurat he Lalag te Megbevayà he edhenduen te, “Haazà is nehuna he etew he si Adan, ne mibeg̵ayan te Megbevayà is lawa zin te g̵ehinawa su wey mekeubpà dini te tanà.” Iyan, si Kristu mulà, haazà is migeraran te huziyan he Adan, iyan sikandin ebeg̵ey te untung he wazà pidtemanan su wey kiw mekeubpà diyà te langit.
su emun iyan haazà egkinehenglanen, puun pa te kedlimbag̵a te kelibutan, ne utew mezakel is kebpekeantus din te kebpehimatey. Iyan, wazà iyan haazà kinehenglana su iyan mid-ulaula zin kayi te timpu he meg̵aan en egketapus is kelibutan is: midlepew sikandin wey zin maawà is salè tew pinaag̵i te kebpemuhata zin te keugelingen din he lawa. Ne kesevaha zà is kedhimuwa zin kayi.
Piblisite