Hibriyuhanen 8:2 - Manobo Western Bukidnon

² Edtumanen din is kegkememumuhat din diyà te etuvangan te Megbevayà, diyà te tutuu he valey he ed-ezapan he wazà beeli te etew, kekenà, mibeelan te Megbevayà su ziyà te langit.

Hibriyuhanen 8:2 Referans Kwoze

2 Kurintu 5:1

Is lawa ta, ne iring te valey he egkeubpaan ta. Ne netuenan ta he ke egkerundus heini is baley, duen baley he egkeubpaan ta ziyà te langit he iyan is beg̵u he lawa he ibeg̵ey te Megbevayà. Kandin he vaal heini ne wazè din pidtemanan.

Ruma 15:8

Benar is egkeg̵iyen ku he si Kristu, nehimu sikandin he iring te sulug̵uen te menge Hudiyu su wey zin ikepaahà kandan he tutuu iyan he edtumanen te Megbevayà is menge penaad din dengan diyà te menge kepuun dan.

Hibriyuhanen 11:10

Su si Abraham, ne iyan hustu he ebperetengen din he inged sikan is inged diyà te langit he kenà egkezeetan te wazè din pidtemanan. Ne iyan mibpelanu wey mibaal kayi is Megbevayà.

Hibriyuhanen 10:21

Ne kenà duen dà taman su zuen te en utew lavew he memumuhat he ebayàbayà kenitew te menge sakup te Megbevayà.

Kulusas 2:11

Ne tenged kayi, minsan kenè kew menge Hudiyu, is midhimu keniyu te Megbevayà, ne iring duen te kedsirkunsidara zengan te menge Hudiyu su nehimu kew en he menge g̵aked te Megbevayà pinaag̵i te kebpekidsevaha niw ki Kristu. Iyan, selakew heini, su kenà pinaag̵i te kebpelii te lawa zà duen, kekenà, in-awà ni Kristu is gehem te mezaat he kebayà te lawa niw.

Lucas 24:44

Ne zutun migkag̵i si Jesus diyà te kandan te, “Iyan heini sikan is migkag̵i ku keniyu hein kemulu e pa zuma niw. Is langun mehitenged kedì he impesurat dengan te Megbevayà ki Moises, wey kes langun he impesurat din te zuma pa he ebpemeneuven din, wey minsan kes insurat dengan duen te libru te menge Salmo, ne kinahanglan he egketuman pinaag̵i te neulaula zini te kedì.”

Hibriyuhanen 9:1

Ne zutun te nehuna he paag̵i te kebpekidsevaha te Megbevayà te menusiyà, impenurù te Megbevayà is paag̵i te ked-ezapa zan kandin wey ke ebmenmenuwen is kebeeli te simbahan dini te kelibutan.

Hibriyuhanen 10:11

Ne zutun te zaan he paag̵i te ked-azap, is menge memumuhat he Hudiyu, ne andew-andew ziyè dan te simbahan edhithitindeg is edterebahu su edtumanen dan is baal zan te kebpemuhat. Ne heini is menge kebpemuhat dan, ne kenà gihapun ebpekeawà te menge salà te menge etew.

Impezayag 21:3

Ne nezineg ku is egkag̵i he utew mezag̵ing diyà te pinuuwà te edhadì, ne ke sikandin te, “Mid-amur en human is Megbevayà diyà te menusiyà. Ed-amur sikandin kandan ne egkehimu sikandan he menge gin-etawan din. Iyan sikandin duma zan wey ed-ezapen dan he Megbevayà.