Hibriyuhanen 8:10 - Manobo Western Bukidnon

¹⁰ Ne mid-uman megkag̵i is Nengazen te, “Is beg̵u he paag̵i he edtukuzen ku wey ku mezawat is menge kevuwazan ni Israyil, ne iyan heini: is menge sug̵ù ku, ne idsurat ku ziyà te g̵ehinawa zan wey ziyà te isip dan ne egkesuatan dan human te edtuman heini. Ne human a egkehimu he Megbevayà dan ne egkehimu sikandan he menge g̵aked ku.

Hibriyuhanen 8:10 Referans Kwoze

2 Kurintu 3:3

Su iring is kedtuu niw te surat he ibpesavut dutun he hustu is ulaula zey. Ne iyan mibaal kayi te surat si Kristu su midsug̵ù key zin diyan wey kew meketuu. Ne zeyzey heini is surat su wazà isurat pinaag̵i te kintà ne wazà daan isurat diyà te menge edsuratan he vatu iring te kesug̵uan he imbilinbilin ni Moises, kekenà, pinaag̵i te Wag̵as he Mulin-ulin insurat te Megbevayà diyà te g̵ehinawa niw te menge etew.

1 Pedro 2:9

Iyan, sikitew mulà, pinilì kiw zin. Menge memumuhat kiw te mibpilì he hadì he iyan si Kristu. Iyan kiw menge sakup din; iyan kiw menge g̵aked din he etew. Umba mibpilì kiw zin su wey tew mesangyew is tudtul te utew egkein-inuwan he menge vaal zin. Iyan sikandin nengelintau wey kiw meketuu wey kiw maawà dutun te kerusireman. Ne g̵untaan edteyawan kiw zin, he ke và dà egkeg̵iya, utew en meupiya is kedtuvazi zin kenitew.

Ruma 11:27

Ne zutun te ked-ewaa ku te menge ulaula zan he mezaat, human egketuman is penaad ku zengan kandan,” ke sikandin.

Santiago 1:21

Engkezi niw en is minsan hengkey he meremerik he ulaula wey is kelelalung. Pesakup kew te Megbevayà; hemeni niw is lalag din he impesavut en keniyu su iyan ebpekelibri keniyu te silut.

Tito 2:14

Mibpehimatey sikandin he elili kenitew wey kiw zin melibri te kebpekeulaula tew te mezaat ne wey kiw zin daan mehimu he menge g̵aked din he etew he nelumpiyuwan he utew en egkengesuat he ed-ulaula te meupiya.

1 Pedro 1:23

Su mid-umanan ki limbag̵a te Megbevayà ne veg̵u ki en maan he etew pinaag̵i te wazà pidtemanan he Lalag te Megbevayà he iyan ebpekeveg̵ey te untung.

Santiago 1:18

Tenged te iyan egkesuatan din midhimu kiw zin he menge anak din pinaag̵i te kebpesevuta zin kenitew te tutuu he tuluuwen. Egkesuatan din he iyan kiw edhimuwen din he lavew te langun he menge linimbag.

Mateo 22:32

Su minsan te minatey en dutun si Abraham, si Isaak, wey si Hakub, migkag̵i is Megbevayà te, ‘Iyan a Megbevayà he ed-ezapen ni Abraham wey ni Isaak wey ni Hakub,’ he ke va dà egkeg̵iya, kemulu zan pa ed-azap te Megbevayà; su is ed-azap kandin, minsan ke ebpatey, duen din pa untung.”

Hibriyuhanen 11:16

Su ebpen-ahaan dan is inged he utew pa meupiya, kenà haazà is mid-ewaan dan su iyan ebperetengen dan is egkeubpaan dan he inged diyà te langit. Ne g̵eina te iyan haazà, ne mid-angken sikandan te Megbevayà ne netuenan ta he kenè din igkeeled is kegngezani zan kandin he Megbevayà dan su mid-andam din en is inged he egkeubpaan dan.

1 Kurintu 6:16

Siguradu netuenan niw he is maama he edhulid te vahi he meremerik is ulaula zin, egkehimu is lawa zan te zezuwa he sevaha zà he lawa. Su zuen insurat he Lalag te Megbevayà mehitenged te maama wey vahi he ebpeked-esawa he edhenduen te, “Haazà is dezuwa, ne egkehimu en he sevaha zà he lawa.”