Hibriyuhanen 6:19 - Manobo Western Bukidnon

^19-20 Ne utew mezesen wey nelig-enan heini is kebpeebuta tew he edtumanen te Megbevayà is penaad din su iyan edserig̵an tew is Megbevayà. Ne si Jesus, ne nehimu en sikandin he zatù tew ne ziyè en sikandin te etuvangan te Megbevayà. Ne nehimu en si Jesus he lavew he memumuhat tew he wazè din pidtemanan he iring te memumuhat dengan he si Milkisidik.

Hibriyuhanen 6:19 Referans Kwoze

Hibriyuhanen 9:7

Iyan, haazà is sevaha he rug̵u he egngezanan te utew mahal he rug̵u, iyan dà ebpekeseled dutun is lavew he memumuhat. Ne kesevaha zà sikandin edseled dutun te sengetuig. Ne emun ed-ahuk sikandin dutun, kinahanglan he ed-uwiten din is lengesa he ibpemuhat wey mepalis is menge salè din wey is menge salà he wazà tuyua te langun he menge zuma zin he kevuwazan ni Israyil.

Hibriyuhanen 9:3

Duen kurtina zutun te idselang te valey he terapal ne zuen daan kurtina he intaltal zutun te mid-elangan te zezuwa he rug̵u. Ne heini is ikezuwa he rug̵u ne iyan kes egngezanan te utew mahal he rug̵u.

Mateo 27:51

Ne zutundutun, is manggad he utew mekepal he ingkurtina ziyà te seled te simbahan he Valey te Megbevayà, neliwazà mevindas puun te zivavew pehendiyà te zizalem. Ne midlinug ne mibpemeka is dezekelà he vatu.

Kulusas 3:1

Ne, menge suled, nevanhew si Kristu ne iring te nevanhew kiw zaan duma kandin su zuen tew en untung he wazè din pidtemanan. Ne tenged kayi, kinahanglan he ebpurungan ta layun ed-isipa is ibpeisip-isip kenita te Megbevayà diyà te langit he zutun edhadì si Kristu he ebpinuu ziyà te zapit te egkekewanan te Megbevayà.

2 Timoteo 2:19

Ne minsan pa zutun kenà egkehalin kes tuluuwen he midtukud te Megbevayà su zuen insurat he Lalag te Megbevayà he edhenduen te, “Egketuenan te Nengazen ke hentei is menge etew he g̵aked din,” wey zuen pa zaan lalag he edhenduen te, “Is minsan hentei he egkag̵i he g̵aked sikandin te Nengazen, ne kinahanglan he ed-iniyug̵an din is mezaat he ulaula.”

Nengeulaula 27:29

Ne zutun nahandek dan su kela ke mekesukung haazà is barku te menge vatu, umba, inhiket dan is heepat he perivatu ziyà te huziyan he zulung dutun te barku. Ne egkesuatan dan pezem he mepawè en haazà.

Ruma 4:16

Umba midhimu te Megbevayà he egkezawat tew is impenaad din pinaag̵i zà te kedtuu tew su wey mehimu heini pinaag̵i te g̵ag̵ew zin, ne kenà pinaag̵i te ed-ul-ulahan tew. Ne tenged kayi kenè en ebperis he egkezawat tew te langun he menge kevuwazan ni Abraham is impenaad te Megbevayà. Ne kenà iyan dà ebpekezawat is menge Hudiyu he nesakup te kesug̵uan, kekenà, elin daan is minsan hentei he zuen din kedtuu he iring ki Abraham su nehimu si Abraham he kepuun te langun he edtuu, Hudiyu se kenà Hudiyu.

Nengeulaula 27:40

Ne zutun migetas dan is menge pisì he inhiket dutun te menge perivatu su wey metag̵ak is menge perivatu, ne mibpenhekad dan is menge vagkes dutun te menge vegsey he idtandang dutun te barku su egemiten dan. Intaud dan is layag he ziyà te egkehuna he zulung su wey meuwit te keramag is barku pehendutun te tanà. Ne zutun migenat is barku.

Hibriyuhanen 4:16

Ne tenged kandin, wazà igkelenew te isip tew te ked-uvey zutun te etuvangan te mekeg̵eg̵ehem he Megbevayà pinaag̵i te ked-ampù su utew velig̵eg̵awen is Megbevayà. Ingkehizu kiw zin ne edtevangan kiw zin dutun te timpu te menge kemereg̵enan.

Ipisu 2:6

Ne is Megbevayà, tenged te nekidsevaha kiw ki Kristu, dutun te kebenhawa zin ki Kristu, mibanhew kiw zin daan wey kiw mekehadì duma ki Kristu ziyà te langit.

1 Kurintu 15:58

Na, menge mahal ku he menge suled, geina te iyan heini, heg̵eta niw is kedsarig niw te Megbevayà su wey wazà ebpekezezaat te kedtuu niw. Peniguduwi niw tumana is ebpeveelan keniyu te Nengazen; hag̵ù kew te taman te egkehimu niw su netuenan niw he emun iyan edtumanen niw is ebpeveelan te Nengazen, kenà egkehimu he wazà pulus te vaal niw.

Nengeulaula 23:6

Ne naahà ni Pablo he menge Sedusiyu is duma zutun te nengetig̵um he menge ebmeg̵urangen, ne is duma, ne menge Perisiyu. Ne tenged dutun, mibpekezag̵ing is egkag̵i te, “Menge suled, Perisiyu a ne Perisiyu zaan is ginikanan ku. Iyan ketezengan ke maan is mid-uwit e zan dini te keniyu g̵untaan is: edtuu a he keuzemà ebenhawen te Megbevayà is menge minatey.”

Ruma 4:18

Si Abraham, minsan te henduen be te kenè en dutun egkehimu he egketuman is penaad kandin te Megbevayà, midtuuwan din gihapun is migkag̵i te Megbevayà he egkevuwad sikandin, ne nehimu iyan sikandin he kepuun te utew mezakel he menge etew. Su migkag̵i kandin te Megbevayà he iring kezakel is menge kevuwazan din te menge vituen diyà te langit.

Ruma 5:4

Ne emun meinentusen ki, igkesuat heini te Megbevayà, ne emun netuenan ta he igkesuat te Megbevayà is menge ulaula ta, ne kenà ebperis he zuen meupiya he egkeperateng ta.

1 Kurintu 13:13

Na, duen tetelu he ebpeveelan kenita he kenà egkeawà. Kinahanglan he edtuuwan ta is Megbevayà, kinahanglan daan he layun ta ebperetenga is kegketuman te impenaad kenita te Megbevayà, ne kinahanglan daan he ebmahalen ta is menge zuma ta. Ne is lavew he meupiya kayi te tetelu, ne iyan is kebmahala ta te menge zuma ta.

Kulusas 1:27

su egkesuatan din he sikitew is menge g̵aked din, ne egkesayud kiw ke hengkey is utew lavew he meupiya he edhimuwen din diyà te langun he menge etew. Ibpesayud din en kenitew he edlumunan kiw ni Kristu ne tenged kayi egketuenan tew he edtulusen kiw keuzemà.

1 Pedro 1:3

Utew zekelà is kebpeselemati tew te Megbevayà he iyan Amey te Nengazen tew he si Jesu Kristu. Su tenged te zekelà is hizu zin kenitew, mibeg̵ayan kiw zin te veg̵u en he untung. Ne g̵untaan ebpekeperateng kiw he egkevanhew kiw keuzemà su mibanhew zin si Jesu Kristu.