Hibriyuhanen 3:3 - Manobo Western Bukidnon

³ Iyan, si Jesus, ed-isipen sikandin te Megbevayà he utew pa lavew kenà si Moises, iring te lavew is ebevaley kenà te valey.

Hibriyuhanen 3:3 Referans Kwoze

1 Kurintu 3:9

Siak wey si Epulu, ebpetevangè key su telezuma key he sulug̵uen te Megbevayà. Ne sikiyu, iring kew te kamet te Megbevayà he iyan edterebehuwen dey. Iring kew zaan te ebelayan te Megbevayà.

Hibriyuhanen 2:9

Ne minsan pa zutun, mibpeetew si Jesus ne pinaag̵i kayi midhimu he lavew kandin is menge velinsug̵uen taman te mevavè dà he timpu su wey tenged te zekelà he g̵ag̵ew te Megbevayà, mebpehimatey sikandin he elili te tivuuk he menusiyà. Ne tenged kayi te kebpehimatey zin, ne nehimu en sikandin guntaan he utew telehuzen wey utew belentug̵en ne imbeg̵ey kandin te Megbevayà is kebayàbayà te minsan hengkey.

Hibriyuhanen 3:6

Ne si Jesus mulà, Anak sikandin te Megbevayà he metinumanen is kebayàbayè din te valey. Ne iyan kiw valey zin emun edhemenan tew is kedsundan tew kandin wey is melipayen he kedteg̵azi tew te langun he impenaad kenitew ni Kristu.

Kulusas 1:18

Wey tenged te iyan sikandin ebayàbayà te lawa zin, he ke và dà egkeg̵iya, is langun he menge tumutuu kandin, wey tenged daan te iyan sikandin ebeg̵ey te untung diyà te langun he menge tumutuu su iyan sikandin lavew te langun he egkengevanhew ne tenged kayi iyan sikandin lavew te minsan hengkey.

Mateo 16:18

Ne tenged kayi egeraran ku sikew ki Pedro, he ke và dà egkeg̵iya, batu. Ne iring te vatu is edtukuzan ku te iglisya ku, he ke và dà egkeg̵iya, is menge etew he edtuu kediey. Ne minsan is gehem te kemetayen, ne kenà ebpekezaag kandan.

2 Kurintu 3:7

Dutun te kedsurata zengan te Megbevayà te kesug̵uan, duen te menge edsuratan he vatu, neselikuvungan si Moises te ed-anlag he g̵ehem te Megbevayà. Ne zutun nenganlag is paras ni Moises tenged te g̵ehem te Megbevayà ne nekesirang te menge etew he kevuwazan ni Israyil. Ne minsan pa zutun te utew merayag haazà, naawà gihapun haazà is gehem. Iyan ibpesavut kenita pinaag̵i te kesug̵uan is: ebpatey is gimukud te menusiyà. Ne minsan pa zutun utew zekelà is gehem he impaahà te Megbevayà dutun te kedsurata zin kayi.

Hibriyuhanen 3:4

Netuenan ta he ke zuen baley ne zuen daan mibaal zutun te valey, ne is mibaal te minsan hengkey ne iyan is Megbevayà.