Hibriyuhanen 3:10 - Manobo Western Bukidnon

¹⁰ Umba, utew a zutun nepauk kandan, ne ke siak te, ‘Layun egkesayep is ed-isipen dan ne kenè dan egkesuat he edtuman te menge sug̵ù ku.’

Hibriyuhanen 3:10 Referans Kwoze

Ipisu 4:30

Ne kenè niw ul-ulaha is minsan hengkey he kenà egkesuatan te Wag̵as he Mulin-ulin su iyan sikandin tuus diyan te keniyu he g̵aked kew te Megbevayà, wey tuus daan he keuzemà egkeuma is andew he zutun edhimesaza te Megbevayà is langun he nepuunan din en he vaal te kedlibriya zin keniyu te kebpekesalà.

Hibriyuhanen 3:12

Umba, menge suled, susiya niw is gehinawa niw. Kinahanglan he wazà minsan sevaha keniyu he mezaat is ed-isipen din nè wazè din kedtuu, su pinaag̵i kayi egkeengkezan din is wazè din kemetayen he Megbevayà.

Juan 8:45

Tutuu mulà is kediey he lalag keniyu, ne tenged kayi kenè niw edtuuwan is egkeg̵iyen ku.

Marcos 3:5

Ne te ebpenlangulangu si Jesus dutun te mezakel he menge etew, utew zin egkepeuki sikandan ne utew zaan mibmesakit is gehinawa zin su haazà is menge etew, wazè dan kehizu. Ne zutun migkeg̵iyan din haazà is etew he nezeetan is belad din te, “Ketenga nu, Mama, is belad nu.” Ne migketeng dutun te etew haazà is belad din ne segugunà neulii.

Ruma 3:7

Ne zuen daan menge pilusupu he etew he egkag̵i te, “Deyzey ke egkag̵i ki te tarù su emun egketuenan te menge etew he teruen ki, egkeisip dan he kenà mulà teruen is Megbevayà ne edelig̵en dan sikandin ne utew meupiya haazà. Ne emun pinaag̵i te menge tarù ta ebpekelepew he tutuu mulà is menge Lalag te Megbevayà, maan is edsilutan ki pa tenged te menge tarù ta?”

Ruma 1:28

Ne g̵eina te egkeg̵iyen dan he wazè en pulus te kedtuuwi te Megbevayà, mid-iniyug̵an sikandan te Megbevayà ne tenged kayi iyan ebayàbayà kandan is kelelalung he netag̵ù diyà te isip dan ne ed-ul-ulahan dan is kenà hustu.

Mateo 20:24

Ne hein nezineg haazà duen te zuma zan he sepulù he sumusundan, wazè dan ikesuat is mibeelan dutun te zezuwa he telehazi.