Hibriyuhanen 2:13 - Manobo Western Bukidnon

¹³ Ne g̵eina te menusiyà daan sikandin migkag̵i sikandin te, “Edserig̵an ku is Megbevayà.” Ne ke sikandin daan te, “Heini e zed he edumahan te menge zuma ku he menge anak te Megbevayà he insarig din kedì.”

Hibriyuhanen 2:13 Referans Kwoze

1 Kurintu 4:15

Su minsan pa te utew mezakel is menge etew he ed-ag̵ak keniyu te menge tumutuu ki Kristu, sebsevaha ku zà is iring te amey niw tenged te kedtuu niw. Su hein impesavut ku keniyu is Meupiya he Tudtulanen, nehimu a he amey niw zutun te kedtuu niw ki Jesu Kristu.

Juan 10:29

Is Amey ku he Megbevayà he lavew te langun, imbeg̵ey zin sikandan kediey, ne wazà minsan hentei he ebpekeag̵ew kandan diyà te kandin.

Mateo 27:43

Edsarig kun sikandin te Megbevayà ne egkeg̵iyen din daan he Anak sikandin te Megbevayà. Ed-ahaan ta g̵untaan ke edlibriyen sikandin te Megbevayà ke tutuu he igkesuat sikandin te Megbevayà,” ke sikandan.