Hibriyuhanen 13:17 - Manobo Western Bukidnon

¹⁷ Tumana niw is sug̵ù te menge egalen niw te menge tumutuu ne ipeehè niw is kedtehuza niw kandan su iyan sikandan ed-elima keniyu te edtuu, ne zuen timpu keuzemà he edsusiyen te Megbevayà ke metinumanen dan be is ed-elima keniyu. Emun ebpemineg̵en niw is sug̵ù dan, utew ibmeupiya te g̵ehinawa zan is baal zan. Ne emun kenè kew ebpemineg, utew mereg̵en is baal zan ne egkehimu zaan heini he idlised niw.

Hibriyuhanen 13:17 Referans Kwoze

1 Timoteo 5:17

Is menge ebmeg̵urangen he meupiya is ked-uwita zan te menge tumutuu, kinahanglan he isipa niw sikandan he zait he edtekepen is suhul kandan, lavew en sikandan is dekelà is baal zan te kedwali wey kebpenurù.

Hibriyuhanen 13:7

Kenè niw lipati is menge egalen niw te nengehuna he timpu he nekepenurù keniyu te Lalag te Megbevayà. Isipa niw is meupiya he nehimu pinaag̵i te menge ulaula zan ne iring kandan hemeni niw is kedtuu niw ki Jesu Kristu.

1 Pedro 5:5

Sikiyu menge menguhed, edhengyuan ku sikiyu he pevayàbayè kew te menge ebmeg̵urangen. Kinahanglan he kenè kew mepelevawen, kekenà, mebpetebtevangè kew su zuen insurat he Lalag te Megbevayà he edhenduen te, “Kuntada te Megbevayà is mepelevawen, iyan, igkehizu zin is kenà ebpelavew.”

Nengeulaula 20:28

Bentayi niw is ulaula niw wey ventayi niw zaan is langun he tumutuu he insarig keniyu te Wag̵as he Mulin-ulin; kinahanglan he iyan kew edlig-en te kedtuu te menge tumutuu te Megbevayà. Nehimu kiw zin he sakup pinaag̵i te kebpehimatey te anak din.

1 Kurintu 16:16

Ne tenged dutun, edhengyuen ku keniyu he pemineg̵a niw is sambag te menge etew he iring engki Istipenas wey is minsan hentei he menge zuma tew he ebpurung edtuman te ebpeveelan kandan te Nengazen tew.

Pilipus 2:12

Ne umba, menge suled, iring te layun kew ebpememineg te menge sug̵ù ku, ne kenà dutun dà te kebpekiduma ku keniyu, kekenà, minsan te wazà a ziyan te keniyu, ne iring din ded daan guntaan kinahanglan is uman sevaha keniyu, ne himuwa zin is taman te egkehimu zin he edumahan te kegkehandek te Megbevayà su wey mepasad haazà is nepuunan en te Megbevayà te kedlibriya zin keniyu te silut.

Pilipus 2:29

Umba, kinahanglan he meg̵alew kew te kebpekeuma zin su suled tew sikandin tenged te kedtuu zin te Nengazen. Is langun he iring kayi he etew, tehuza niw

Ruma 14:12

Ne zutun diyè kiw ebpekeetuvang te Megbevayà su edsusiyen kiw zin ne egkekag̵i ta kandin is langun he mid-ulaula ta zini te kelibutan.

2 Tiselunika 3:14

Ke zuen minsan hentei he tumutuu he kenà ebpemineg te menge sug̵ù he insurat dey kayi te surat, kilelaa niw ne kenè kew mebpekiduma kandin su wey meeled sikandin,

Hibriyuhanen 13:24

Ipengemusta a keniyu te langun he menge egalen niw wey te langun he menge sakup te Megbevayà diyan. Is menge suled tew zini te Italya, ne ebpengemusta zaan sikandan keniyu.

Pilipus 4:1

Umba menge minahal ku he menge suled, heg̵eta niw is kedtumana niw te menge sug̵ù te Nengazen. Utew a mibulung keniyu. Igkelipey ku sikiyu wey ibmeupiya kew te g̵ehinawa ku.

Pilipus 3:18

Dengan ku zà heini layun egkeg̵iya, iyan, guntaan ed-umanan ku egkeg̵iya zuma is menge luhè ku he ebpenig̵is, tenged te mezakel he menge etew he egkeg̵iyen dan he sakup sikandan ni Kristu, iyan, egketuusan pinaag̵i te ulaula zan he kuntada sikandan te kebpesevuta mehitenged te kebpehimatey ni Kristu ziyà te krus.

Santiago 4:7

Ne tenged dutun, pesakup kew te Megbevayà. Sukuli niw si Setanas ne ebpelag̵uy keniyu.

Pilipus 1:4

Ne emun id-ampù ku sikiyu utew a egkelipey

Lucas 16:2

Ne hein nezineg haazà dutun te sepian, ne midtawag din haazà is sulug̵uen din ne migkeg̵iyan din te, ‘Tutuu heini is sumbung mehitenged kenikew. Iulì nu kediey is langun he insarig ku kenikew su kenè en egkehimu he iyan ka ibpezumala kayi te menge ketig̵eyunan ku.’

Pilipus 2:16

he edtayew kandan su ibpesavut niw kandan is lalag he ebpekeveg̵ey kandan te untung he wazà pidtemanan. Ne emun iyan heini ed-ul-ulahan niw, utew ebmeupiya is g̵ehinawa ku keuzemà dutun te andew te kedlikù ni Kristu su egketuenan ku zutun he zekelà is pulus te kedhag̵ù ku ziyan te keniyu.

Ipisu 5:21

Mebpetetehuzè kew te kada sevaha tenged te kedtahud niw ki Kristu.