Hibriyuhanen 12:3 - Manobo Western Bukidnon

³ Ne si Jesus, ne utew merasey is impeseg̵azan kandin tenged te kebpesipelahi kandin te menge lalung he etew. Tenged kayi isipa niw layun sikandin su wey kenà maawà is kedhamen niw te kedsarig niw, ne kenè kew edtepulen te ked-ulaula te meupiya.

Hibriyuhanen 12:3 Referans Kwoze

Gelasya 6:9

Umba kenè ki ebpepepeg̵ul te ked-ulaula te meupiya su emun ebpeniguduwan ta heini, egkeuma is timpu keuzemà he zuen idsuhul kenita te Megbevayà he utew meupiya.

2 Kurintu 4:16

Ne tenged kayi kenà egkeawà is pulus te kedhag̵ù dey. Kada andew ne ed-iseg is kebmeg̵urang wey kebmeg̵uyà te lawa zey. Ne minsan pa zutun kada andew zaan ne ibpeiseg te Megbevayà is kedlig-eni zin te kedtuu zey.

Impezayag 2:3

Netuenan ku he ed-antus kew te mereg̵en tenged te kedtuu niw kediey ne minsan pa zutun kenè niw ed-isipen he ed-engkezan niw is kedtumana niw te menge sug̵ù ku.

1 Kurintu 15:58

Na, menge mahal ku he menge suled, geina te iyan heini, heg̵eta niw is kedsarig niw te Megbevayà su wey wazà ebpekezezaat te kedtuu niw. Peniguduwi niw tumana is ebpeveelan keniyu te Nengazen; hag̵ù kew te taman te egkehimu niw su netuenan niw he emun iyan edtumanen niw is ebpeveelan te Nengazen, kenà egkehimu he wazà pulus te vaal niw.

Hibriyuhanen 12:2

Edhemenan ta is kedsarig ta ki Jesus su iyan sikandin puunà te kedtuu ta ne pinaag̵i zaan kandin egkeheg̵et is kedtuu ta. Mid-antus din is kedrensanga kandin dutun te krus. Ne wazè din ikeeled haazà is kedhimetayi kandin, kekenà, mid-isip din he utew zin igkelipey is egkeulaula zin emun egkeipus haazà is ked-antus din. Ne g̵untaan mibpinuu en sikandin dutun te utew lavew he pinuuwà su ziyà te zapit te egkekewanan te Megbevayà.

Hibriyuhanen 3:1

Ne tenged kayi, menge suled ku te kedtuu, mid-umbita kew zaan te Megbevayà wey kew mekeubpà keuzemà diyà te langit. Purungi niw isipa si Jesus. Iyan sikandin kes midsug̵ù te Megbevayà dini te kelibutan wey sikandin mehimu he lavew he memumuhat he edtavang kenitew kayi te kebpesakup tew te Megbevayà.

2 Kurintu 4:1

Nehizuwan key te Megbevayà ne midtezù key zin wey zey metuman is ebpeveelan din kenami mehitenged te kedsengyawa te veg̵u he paag̵i ne tenged dutun kenà egkeawà is gustu zey te kedtumana kayi.

Juan 5:16

Umba puun dutun nepeukan si Jesus te menge punuan he menge Hudiyu su utew zan ingkeepes haazà is kebewii zin te egkezeruwan dutun te andew he Sebadu.

Hibriyuhanen 12:5

Kela ke nelipatan niw en is sambag te Megbevayà diyà te keniyu te menge anak din su zuen insurat he Lalag te Megbevayà he edhenduen te, “Sikew, anak ku, emun edsewayen ku sikew, purungi nu susiya is menge ulaula nu. Ne emun ebmensuwen ku sikew kinahanglan he kenà heini igkeawà te kedhamen nu kedsarig kediey.

Lucas 14:1

Ne sevaha maan he Andew te Kedhimeley, ne mid-umbite en maan si Jesus te sevaha he pengulu te menge Perisiyu he ziyà ibpekaan te valey zin. Ne is menge kuntada ni Jesus, mibpurungan dan sikandin bentayi ke egkesupak din is kesug̵uan.

2 Tiselunika 3:13

Ne sikiyu zaan, menge suled, kenè kew meevek te ked-ulaula te meupiya.

Juan 18:22

Ne te nekag̵i ni Jesus haazà, midsumbag sikandin te sevaha he pulis he edhithitindeg dutun te uvey zin ne migkag̵i haazà is pulis te, “Maan is nekeg̵ehem ka he edtavak te iring keniyan diyà te lavew he memumuhat?”

Juan 8:52

Ne migkag̵i kandin is menge Hudiyu te, “Netuenan dey he tutuu iyan he edlelungen ka te mezaat he mulin-ulin! Minsan si Abraham wey is langun he menge ebpeneuven dengan te Megbevayà, minatey zan en pudu, ne maan is egkag̵i ka he is minsan hentei he edtuman te ibpenurù nu kandin, kenè en ebpekeag̵i te kemetayen!

Juan 8:59

Ne zutun migkuwa zan te menge vatu su idtuleng kandin su edhimetayen dan pezem, iyan, mid-eles si Jesus ne mid-awà dutun te simbahan he Valey te Megbevayà.

Juan 8:13

Ne hein nezineg heini te menge Perisiyu, migkag̵i zan te, “Kenà egkeserig̵an is kebpenistig̵us nu te keugelingen nu. Umba kenè key ebpeketuu te lalag nu su iyan ka ebpenistig̵us te keugelingen nu.”

Juan 7:12

Ne egkesumpakì is mezakel he menge etew he nengetig̵um diyà te inged he Hiruselim. Egkag̵i is duma kandan te, “Meupiya sikandin he etew.” Ne edtavak daan is duma te, “Kenà, su tarù is ibpenurù din te menge etew.”

Lucas 16:14

Ne zuen dutun menge Perisiyu he iyan dekelà diyà te g̵ehinawa zan is selapì. Ne hein nezineg dan haazà is penurù ni Jesus ne midsumpalit dan sikandin.

Lucas 15:2

Ne utew heini ingkeepes te menge Perisiyu wey menge menunudlù te kesug̵uan he zutun daan, ne ke sikandan te, “Heini si Jesus, ne ebpemekiduma kayi te menge etew he utew mesinupaken te kesug̵uan tew ne egkaan daan sikandin duma kandan.”

Lucas 5:21

Ne zutun, is menge Perisiyu wey is menge menunudlù te kesug̵uan, neisip dan diyà te g̵ehinawa zan is: “Hentei heini he etew is edsupak te Megbevayà? Megbevayà sikandin uvag su hentei is ebpekepesaylu te menge salà, kekenà, iyan dà is Megbevayà.”

Lucas 2:34

Ne in-ampù daan sikandan ni Simeon he tuvazi sikandan te Megbevayà ne migkeg̵iyan din si Maria, sikan is iney zuen te vatà te, “Heini is anak nu, nepilì sikandin te Megbevayà su wey pinaag̵i kandin mevahinbahin kiw is menge kevuwazan ni Israyil. Ne is edsundan kandin ne egkelibri, ne sikan is kenà edsundan, ne edsilutan te Megbevayà. Egketuusan he sugù sikandin te Megbevayà, iyan, edsumpeliten sikandin te mezakel he menge etew,

Mateo 22:15

Ne zutun mid-ewaan si Jesus te menge Perisiyu su ed-uyunan dan ke hengkey is kegkepulutikahi zan ki Jesus wey mehimu he ikesumbung dan.

Mateo 21:46

Iyan, hein ed-isipen dan en edekepa si Jesus, kenè dan egkehimu su egkehandek dan te mezakel he menge etew su midtuu is menge etew he ebpeneuven si Jesus te Megbevayà.

Mateo 21:23

Midlikù si Jesus diyà te simbahan he Valey te Megbevayà ne mibpenurù din is menge etew zutun. Ne nemekeuma is menge lavew he memumuhat wey menge ebmeg̵urangen te menge Hudiyu zutun ne mid-insè dan ki Jesus te, “Heini is langun he ed-ul-ulahan nu zini te simbahan, duen nu ve ketenged te ked-ulaula kayi, wey hentei is mibeg̵ey kenikew te ketenged wey nu meulaula heini?”

Mateo 15:2

“Is menge sumusundan nu, maan is edsupaken dan is menge tuluuwen he imbilinbilin kenitew te lukes tew? Su is menge sumusundan nu, kenè dan ebpenlùlù te menge velad dan te hustu he paag̵i te kegkaan te kenè dan pa ebpuun egkaan.”

Mateo 12:24

Ne zuen menge Perisiyu zutun ne hein nezineg dan haazà migkag̵i zan te, “Umba zuen gehem din he ebpekeulì te edlelungen te mezaat he mulin-ulin su iyan mibeg̵ey kandin te g̵ehem si Endedaman, sikan is egalen te menge mezaat he mulin-ulin.”

Mateo 11:19

Ne siak is Kakey te Menusiyà, wazà a medsalang megkaan ne mid-inum a mulà te vinu ne neinuinu kew ne migkag̵i niw he vuleg̵uk a wey pereinum te vinu. Ne ke sikiyu zaan he emig̵u a te menge lalung he etew iring te menunukut te vuhis wey menge mesinupaken. Iyan,” ke si Jesus, “egketuusan ta he utew metau is Megbevayà pinaag̵i te egkeveelan din.”

Juan 9:40

Ne zuen menge Perisiyu he nekezineg dutun te menge lalag din, ne ke sikandan te, “Lakap bes is kedsavut dey?”

Juan 10:20

Mezakel kandan is egkag̵i te, “Ebuneg̵en sikandin wey mid-ulinan te mezaat he mulin-ulin. Kenè tew ebpemineg̵en sikandin.”

1 Pedro 2:23

Hein edsumpeliten sikandin duen te kedrensanga kandin wazà sikandin medtavak te mezaat; wazà sikandin mebpenrawak. Is kebelesi zutun te edrasey kandin, insarig din diyà te Megbevayà he iyan kes metazeng is kedhukum din.