Hibriyuhanen 12:15 - Manobo Western Bukidnon

¹⁵ Bantey kew su kela ke zuen duma keniyu he kenà edawat te g̵ag̵ew te Megbevayà. Su is iring kayi he etew, ne ebpekeiring te sagbet he ebpemeg̵as te mepait he ebpekehilu. Ebpekesamuk sikandin te menge tumutuu ne mezakel he etew is ebpekeiring kandin te ed-ulaula te mezaat.

Hibriyuhanen 12:15 Referans Kwoze

Hibriyuhanen 3:12

Umba, menge suled, susiya niw is gehinawa niw. Kinahanglan he wazà minsan sevaha keniyu he mezaat is ed-isipen din nè wazè din kedtuu, su pinaag̵i kayi egkeengkezan din is wazè din kemetayen he Megbevayà.

Gelasya 5:4

Is minsan hentei keniyu he kunaan din ke pinaag̵i te kedtumana te kesug̵uan is kebpeketezenga kandin te Megbevayà, nekesuwey en sikandin ki Kristu. Neewaan din en is gag̵ew te Megbevayà kandin.

2 Kurintu 6:1

Ne g̵eina te nehimu key en he menge timbang te Megbevayà, edhengyuan dey sikiyu he himuwa niw he mebpulus is gag̵ew zin keniyu.

2 Juan 1:8

Andam kew wey kenà maawà diyan te keniyu is midheg̵uan niw su wey kenà meterini keuzemà is suhul te Megbevayà keniyu.

1 Kurintu 15:33

Iyan, kenè niw itug̵ut he meketuu kew te iring kayi su tarù. Tutuu iyan is erubasa he egkag̵i te, “Emun ebpekiduma ka te etew he mezaat is ulaula zin ne egkeiringan nu is ulaula zin wey ked-isip din.”

2 Pedro 3:14

Na menge suled, geina te kemulu tew pa edteg̵azi haazà is andew, kinahanglan he ebpurungan tew edtengkai is menge ulaula tew su wey wazà igkesewayi kenitew te Megbevayà ne wey melinew is kedepità te uman sevaha kenitew ziyà te kandin.

Hibriyuhanen 4:1

Ne minsan pa zutun, wazà iawà te Megbevayà is daan he penaad din he zuen menge etew he ebpekeseled dutun te inged din wey zan mekehimeley zuma kandin. Ne tenged kayi kinahanglan he ebpekeandam kiw su wey wazà minsan sevaha kenitew he kenà edtug̵utan te Megbevayà he mekeseled dutun.

1 Kurintu 5:6

Maan is ebpegalbu kew? Netuenan niw is erubasa he edhenduen te, “Minsan ke zuen deisek dà he tapey ne egketepayan din is sengebisin en he erina he ebeelan he supas.”

Hibriyuhanen 4:11

Umba, sikitew zaan, ebeelan tew is taman te egkehimu tew wey kiw zaan mekeseled dutun te edhimelayan he midteg̵ana te Megbevayà. Kenè tew ed-iringan haazà is menge etew zengan he wazà mebpemineg te Lalag te Megbevayà su wey wazà minsan sevaha kenitew he kenà ebmehimuwen he mekeseled dutun te edhimelayan.

2 Kurintu 13:5

Susiya niw is gehinawa niw wey niw metueni ke tutuu ve is kedtuu niw ki Kristu. Wazè niw ve metueni he midlumunan kew ni Kristu? Ne emun wazà, ne tarù is kedtuu niw ne wazè kew mezawat ni Kristu.

1 Kurintu 10:12

Ne tenged kayi, haazà is etew he egkeisip din he mezesen en is kedtuu zin, ne kinahanglan he purungi zin pa heg̵eta is kedtuu zin su kela ke mekesalà sikandin gihapun.

Hibriyuhanen 6:11

Ne is kada sevaha keniyu, egkesuatan dey he kenè niw zaan engkezi is kedhag̵ù niw taman te kedlikù ni Jesus dutun te ketepusan he timpu keuzemà su wey zutun metuman diyan te keniyu is langun he meupiya he ebpeebuten tew.

2 Pedro 2:18

Uvag mezalem is menge lalag dan, iyan, wazà pulus te egkeg̵iyen dan. Duen menge etew he ed-engkezan dan pezem is menge zaan he zuma zan he ed-ulaula te sayep, iyan, ebpenulayen sikandan dutun te menge menunudlù pinaag̵i te meremerik he kebayà te lawa zan.

Kulusas 3:5

Umba, menge suled, kenè niw en itug̵ut he tumana niw is mezaat he kebayè niw; kenè niw ul-ulaha is mahawag wey meremerik he ulaula ne kenè niw mehimuwa he zuen suat niw te kenè niw esawa; engkezi niw is mezaat he ulaula wey is keleleg̵ed su emun leg̵ezen ki te menge azen, henduen be te egkeilisan dini te g̵ehinawa ta is tutuu he Megbevayà te menge azen.

Ipisu 5:3

Ne g̵eina te menge sakup kew te Megbevayà kinahanglan he kenè niw ul-ulaha is keleleg̵ed wey is minsan hengkey he ulaula he meremerik. Kenè niw hileveti is kenè niw esawa. Minsan is ked-isipa wey kegkeg̵iya kayi ne kenè niw ul-ulaha.

Gelasya 2:13

Ne iring din ded daan dutun is mid-ulaula te zuma he menge tumutuu he Hudiyu su midlikey zan daan, ne minsan si Bernabe, ne neuwit daan dutun.

1 Kurintu 13:8

Haazà is ketau te kedseysey te impesavut te Megbevayà, ne zuen timpu he egkeawà. Ne haazà is ketau te kegkag̵i te selakew he kineg̵iyan, ne egkeawà daan, ne iring din ded daan haazà is kegkesavut te menge mezalem he penurù su egkeawà daan. Iyan, is kebmahala te zuma he etew he ibeg̵ey te Megbevayà, ne kenà egkeawà su wazè din pidtemanan.

2 Pedro 3:11

Ne g̵eina te zuen andew keuzemà he zutun egkehanew is langun te iring kayi, kinahanglan he ebpurungan tew is kedsunud tew te Megbevayà para wazà igkesewayi kenitew.

2 Pedro 1:10

Menge suled, geina te mibpilì kiw ne midhimu kiw te Megbevayà he menge tumutuu kandin, edhimuwen tew is taman te egkehimu tew wey maahà he tutuu iyan is kebpilia zin kenitew wey is kedhimuwa zin kenitew he menge tumutuu zin. Su emun iyan heini ed-ul-ulahan tew kenè kiw ebpekesuwey te hustu he ibayà,

Lucas 22:32

Iyan, in-ampù ku sikew, Simon, diyà te Megbevayà he kenà maawà is kedtuu nu kediey. Ne emun melig-en en is kedtuu nu kediey ne himuwa nu he mebmelig-en daan is kedtuu te menge zuma nu.”

Tito 1:15

Ke zuen etew he nelumpiyuwan te Megbevayà, wazà minsan hengkey he ibmeremerik din. Iyan, ke zuen etew he wazà melumpiyuwi te Megbevayà, wazà minsan hengkey pa he paag̵i he igkelumpiyu kandin su kenè sikandin edtuu ne nelalung utew is isip din wey g̵ehinawa zin.