Hibriyuhanen 12:14 - Manobo Western Bukidnon

¹⁴ Himuwa niw is taman te egkehimu niw su wey melinew is kebpekidepitè niw te minsan hentei ne wey niw metuman is metazeng he ulaula su emun kenè ki metazeng kenè ta is Megbevayà egkeahà keuzemà.

Hibriyuhanen 12:14 Referans Kwoze

2 Kurintu 7:1

Ne g̵eina te iyan heini impenaad kenita te Megbevayà, ne edlumpiyuwen ta is menge ulaula ta su wey wazà minsan hengkey he meremerik he ulaula te lawa ta wey meremerik he isip ta. Ne ebpurungan ta is ulaula ta su wey meheg̵eti is kebmetazeng ta pinaag̵i te layun ta kedtehuza kandin.

1 Tiselunika 4:7

Su nehimu kiw te Megbevayà he menge tumutuu kandin su wey mehimu is menge ulaula tew he zait te etew he g̵aked din. Kenà iyan din egkesuatan he meremerik is menge ulaula tew.

1 Pedro 3:11

Engkezi zin en is memezaat he ulaula ne layun meupiya is menge ulaula zin. Layun din pen-ahaa is melinawen he kedepitè dan te menge zuma zin.

Ruma 12:18

Himuwa niw is taman te egkehimu niw su wey melinawen is kebpekesavuk niw, ne wazà igkepeuki keniyu te minsan hentei.

Ruma 14:19

Umba ebpurungan ta is menge ulaula ta su wey kenà maawà is melinawen he kebpekidepitè ta te menge zuma ta ne wey zaan meheg̵et is kedtuu te kada sevaha kenitew.

1 Tiselunika 3:13

Berekati zin daan he mebmelig-en kew te kedtuu niw su wey wazà igkesewayi keniyu te menge g̵aked te Megbevayà emun diyè kew ed-etuvang te Amey tew he Megbevayà dutun te kebpekeuma te Nengazen tew he si Jesus he edumahan te langun he tumutuu kandin.

Ruma 6:22

Iyan, guntaan, nevelukasan ki en te Megbevayà, ne nelibri ki en te kebpekeulaula ta te mezaat. Ne tenged kayi menge sulug̵uen ki en te Megbevayà, ne utew zekelà is pulus kayi kenita su ebpeketuman ki en te egkesuatan din, ne iyan rimeg̵as kayi te mid-ulaula te Megbevayà is kegkeveg̵ayi kenita te untung he wazà pidtemanan.

3 Juan 1:11

Minahal ku he suled, kenè ta iyan ed-iringan is mezaat he ulaula he iring dutun, kekenà, iyan ta ed-iringan is meupiya he ulaula. Is minsan hentei he meupiya is menge ulaula zin, neg̵aked sikandin te Megbevayà. Is minsan hentei mulà he mezaat is ulaula zin, wazà diyà te g̵ehinawa zin is Megbevayà.

Ipisu 5:5

Su ibpesavut ku keniyu is utew tutuu. Is etew he meremerik is ulaula zin wey ke edhilavet te kenè din esawa, ne kenà sikandin egkehedian ni Kristu wey te Megbevayà. Ne iring din ded daan is leg̵ezen he etew su is menge vutang he igkeleg̵ezi zin, egkehimu he menge megbevayè din.

Hibriyuhanen 12:10

Is amey ta zini te kelibutan, ne seled te mevavè dà he timpu is kebmensuwa zin kenita sumalà is neisip din he meupiya. Ne, is Amey ta ziyà te langit, iyan ibmensuwa zin kenita su wey ki metevangi ne wey ki zaan mehimu he mebmetazeng he iring kandin.

1 Timoteo 6:11

Ne sikew mulà, sulug̵uen ka te Megbevayà; likayi nu is langun he iring kayi he menge ulaula. Hemeni nu is metazeng he ulaula, is kedtumana te egkesuatan te Megbevayà, is kedsarig kandin, is kegkeg̵eg̵awi nu te menge zuma nu, is kebmeinentusen te menge supak dan, wey is kelinew te ulaula nu.

1 Pedro 3:13

Wazà edhilavet keniyu ke edhamen kew te ked-ulaula te meupiya.

Marcos 9:50

Ne kenà duen dà taman su meupiya is timus su ibmetaam te egkeenen, iyan, ke egkeawà duen te timus is taam din, wazè en paag̵i he ebpekelikù pa ebpekeuman is taam din. Ne iring din ded daan kinahanglan he iring te timus is menge ulaula niw wey kew mehimu he ibmeupiya te menge etew ne kinahanglan he mebmelinawen is kedepitè niw te kada sevaha keniyu.”

2 Pedro 3:11

Ne g̵eina te zuen andew keuzemà he zutun egkehanew is langun te iring kayi, kinahanglan he ebpurungan tew is kedsunud tew te Megbevayà para wazà igkesewayi kenitew.

1 Kurintu 1:10

Menge suled ku tenged te kedtuu, duen idhangyù ku keniyu pinaag̵i te kebayàbayà kenitew te Nengazen tew he si Jesus; iyan is: kinahanglan he kenè kew mevahinbahin, kekenà, uyun-uyun kew su wey mesevaha is isip niw wey g̵ehinawa niw.

Lucas 1:75

Ne egkehimu he metinumanen wey metazeng is ked-ezapa tew kandin andew-andew te kemulu kiw pa zini te lumpad te kelibutan.”

2 Timoteo 2:22

Iniyug̵i nu is menge mezaat he kebayà te menge menguhed. Hemeni nu is metazeng he ulaula; layun ka sarig te Megbevayà; mahala nu ziyà te g̵ehinawa nu is minsan hentei he tumutuu; peniguduwi nu he melinew is kedepitè niw te menge zuma nu su iyan heini menge ulaula te langun he menge etew he ebpetavang te Megbevayà tenged te iyan dà egkesuatan dan is kedtumana zan te menge sug̵ù din.

1 Tiselunika 5:15

Kenè niw itug̵ut he zuen minsan hentei keniyu he ebales te mezaat, kekenà, mebpepurpurungè kew layun. Purungi niw zaan is minsan hentei he etew.

2 Pedro 3:18

Kinahanglan he pinaag̵i te kegkeg̵eg̵awi keniyu te Nengazen tew wey Menluluwas tew he si Jesu Kristu, med-iseg is kedsevuta niw te ibpesavut din. Berakat he iyan sikandin edelig̵en guntaan wey te wazà pidtemanan.

Pilipus 3:12

Kenè ku iyan ibpesavut kayi he netuman en dini te kedì heini is langun wey ke nehimu e en he etew he wazè en duen igkesawey, kekenà, ebpenigudu a wey heini metuman su iyan heini tuyù ni Jesu Kristu zutun te kedhimuwa zin kedì he sakup din.

2 Kurintu 6:17

Ne tenged kayi migkag̵i zaan is Megbevayà te, “Suwayi niw is ebpemen-azap te kenà tutuu he ed-ezapen ne sivey kew kandan. Engkezi niw is minsan hengkey he meremerik he ulaula ne edewaten ku sikiyu.

1 Kurintu 13:12

Ne iring din ded daan, sikita, su g̵untaan iyan dà egketuenan ta is iring te alung he egepunen he egkeehè ta ziyà te peg̵elungan. Kenè te pa egkesavut is hustu. Iyan, keuzemà, kenà alung dà is egkeehè ta, kekenà, iyan en si Jesu Kristu is egkeehè ta. Ne zutun hustu mulà is kegkesevuta ta te langun iring te is Megbevayà, hustu is kegkesevuta zin kenita.

Gelasya 3:21

Ne kunaan niw vuwa ke kenà egkeuyun is kesug̵uan wey is menge penaad dengan te Megbevayà, iyan, kenà egkehimu he kenà heini egkeuyun. Su ke zuen kesug̵uan he pinaag̵i kayi egkeveg̵ayan kiw te untung he wazè din pidtemanan ne siguradu egkehimu kiw he metazeng pinaag̵i zaan kayi te kesug̵uan.

Hibriyuhanen 9:28

Ne si Kristu zaan, kesevaha zà is kebpehimatey zin he iyan kebpemuhata zin te lawa zin wey zin maawà is menge salà te utew mezakel he menge etew. Ne ed-uman pa ebulus si Jesus dini te kelibutan, kenà te ked-ewaa zin te menge salè tew, kekenà, edhimesazen din is kedlibriya zin te langun he utew zekelà is perateng dan kandin.