Hibriyuhanen 11:40 - Manobo Western Bukidnon

⁴⁰ Su zuen meupiya pa utew he paag̵i he mid-isip te Megbevayà su mid-isip din he wey zin edtumana haazà is menge penaad din kandan ke ebpekeragkes kiw zutun te menge etew he edawat te menge penaad din.

Hibriyuhanen 11:40 Referans Kwoze

Impezayag 6:11

Ne zutun impemeg̵ey ziyà te uman sevaha kandan is meputì he kumbalà. Ne migkeg̵iyan sikandan te Nengazen he medhimeley zan dè pa taman te egkeamin egkevunù is menge zuma zan daan he sulug̵uen te Megbevayà he edhimetayan daan iring kandan.

Hibriyuhanen 8:6

Ne is baal ni Jesus te memumuhat, ne lavew pa utew he meupiya, kenà is baal te menge memumuhat dini te kelibutan. Ne iring din ded daan, meupiya pa utew is beg̵u he paag̵i he ed-ikulen din wey kiw mezawat te Megbevayà, kenà is daan he paag̵i. Su heini is beg̵u, ne nevig̵eran te tuwas pa he meupiya he penaad te Megbevayà.

Hibriyuhanen 7:19

su kenà egkehimu he ed-isipen kiw he metazeng pinaag̵i te kedtumana kayi. Ne tenged kayi, imbeg̵ey en kenitew te Megbevayà is meupiya pa he egkeserig̵an he paag̵i. Ne pinaag̵i kayi, egkehimu he pinaag̵i te ked-azap tew ebpekeetuvang kiw en te Megbevayà.

Hibriyuhanen 9:23

Ne haazà is simbahan te menge Hudiyu zini te kelibutan wey is menge g̵elemiten dan te ked-azap, ne menge alung dà te tutuu he simbahan diyà te langit. Ne egkepelengesahan is kelibutanen he simbahan pinaag̵i te kelibutanen he pemuhat, iyan, haazà is diyà te langit, ne kinahanglan he lavew pa he meupiya is ibpemuhat dutun.

Hibriyuhanen 5:9

Ne hein nepasad din en is langun he impetuman kandin te Megbevayà, nehimu sikandin he Menluluwas te langun he ebpemineg kandin su wey meveg̵ayi sikandan te untung he wazè din pidtemanan.

Hibriyuhanen 7:22

Ne tenged kayi te penaad te Megbevayà, pinaag̵i ki Jesus egkesiguru tew he utew pa meupiya heini is beg̵u he paag̵i he midtukud te Megbevayà te kedlibriya zin kenitew kenà is daan.

Hibriyuhanen 11:16

Su ebpen-ahaan dan is inged he utew pa meupiya, kenà haazà is mid-ewaan dan su iyan ebperetengen dan is egkeubpaan dan he inged diyà te langit. Ne g̵eina te iyan haazà, ne mid-angken sikandan te Megbevayà ne netuenan ta he kenè din igkeeled is kegngezani zan kandin he Megbevayà dan su mid-andam din en is inged he egkeubpaan dan.