Hibriyuhanen 11:39 - Manobo Western Bukidnon

³⁹ Ne utew igkelipey te Megbevayà is menge etew he iring kayi, iyan, minsan pa zutun wazè dan pa zutun mezawat is penaad kandan te Megbevayà.

Hibriyuhanen 11:39 Referans Kwoze

Hibriyuhanen 11:13

Ne heini sikandan he neketuu te Megbevayà, pudu zan minatey te wazè dan pa mezawat haazà is impenaad kandan te Megbevayà he egkeangken dan haazà is tanà. Ne minsan pa zutun te wazè dan pa mezawat haazà is impenaad te Megbevayà, wazè dan engkezi is kedtuu zan su netuenan dan he egkeug̵et pa zutun egkezawat dan is ebperetengen dan he impenaad te Megbevayà. Ne ingkepesavut dan he kenà sikandan hustu he meg̵inged dini te kelibutan su iyan hustu he inged dan is langit.

Hibriyuhanen 11:2

Is menge tipehuna he etew, nezelig̵an sikandan te Megbevayà tenged te midtuuwan dan sikandin.

1 Pedro 1:12

Impezayag kandan te Megbevayà he kenà kandan he ibmeupiya haazà is netagnè dan dutun, kekenà, kenitew g̵untaan. Ne g̵untaan impesavut en keniyu is tutuu mehitenged dutun te netagnè dan. Duen menge etew he midsug̵ù te Megbevayà su wey zan metudtul keniyu is Meupiya he Tudtulanen. Mid-ulinan sikandan te Wag̵as he Mulin-ulin he midsug̵ù te Megbevayà. Ne heini is impesavut dan keniyu, minsan is menge velinsug̵uen te Megbevayà ziyà te langit, egkesuatan dan he mesavut dan heini.

Hibriyuhanen 9:15

Ne tenged kayi zaan nehimu en si Kristu he zatù tew su wey zin metukud is beg̵u en he paag̵i te kebpekidsevaha tew te Megbevayà. Ne pinaag̵i kayi, is langun he midhimu te Megbevayà he meketuu, egkezawat dan is langun he meupiya he wazè din pidtemanan he impenaad te Megbevayà. Umba egkehimu heini su pinaag̵i te kebpatey ni Kristu nengepalis is langun he menge mezaat he ulaula he nehimu te menge etew zutun te timpu he nengesakup sikandan te nehuna he paag̵i.

Hibriyuhanen 10:36

Kinahanglan he meinentusen kew wey niw metuman is egkesuatan te Megbevayà ne human niw egkezawat is impenaad din keniyu.