Hibriyuhanen 11:25 - Manobo Western Bukidnon

²⁵ Su iyan din midtumù he merasey sikandin duma te menge etew he sakup te Megbevayà, kenà te kedlipey pinaag̵i te menge salà dini te kelibutan he egkehitavù te mevavè dà he timpu.

Hibriyuhanen 11:25 Referans Kwoze

2 Kurintu 5:17

Ne sikan is etew he nekidsevaha en ki Kristu, beg̵u en sikandin he linimbag. Nahanew en diyà te kandin is daan he netag̵ù te isip din ne mid-ilisan en heini te veg̵u.

Impezayag 18:7

Utew subra is kebpurungi zin te kebpekesavuk din ne g̵untaan iyan bales kandin is kegkeseeng wey is merasey he kebpekesavuk. Su kenà sikandin ed-engked he ebpegalbu, ke sikandin diyà te isip din te, ‘Bai a ne kenà a valu. Kenà egkehimu he egkeumahan a te kemereg̵enan.’

1 Pedro 2:10

Su zengan kenè kiw menge sakup te Megbevayà ne g̵untaan menge sakup kiw zin en. Dengan wazè tew hanew zutun te hizu te Megbevayà, iyan, guntaan impezayag din en kenitew.

Santiago 5:5

Dini te kelibutan utew meupiya is kebpekesavuk niw ne edlipey kew layun, iyan, iring kew g̵untaan te nati he ibpelambù he edlepaan su kunaan niw ke kenè kew egkesaut te andew te kedsilut.

Santiago 1:20

Su emun egkepauk ki kenè ta zutun egketuman is egkesuatan te Megbevayà.

Hibriyuhanen 11:37

Duen daan mibpenhimetayan pinaag̵i te kedtulenga te vatu. Ne zuen pa zaan midliwazà tempeza, ne zuen pa zaan mibpenhimetayan pinaag̵i te tibas. Ne is duma pa, ne tenged te kenè dan ked-engkezi te kedtuu zan, ne iyan dà ugelingen dan is lundis te kerehidu wey kambing. Utew zan nengeayuayu. Mibpemesipelahan wey midlupig̵an sikandan te menge etew.

Hibriyuhanen 10:32

Isipa niw is timpu zengan hein sikan kew pa meteyawi te tutuu he tuluuwen ne midtuuwan niw. Utew mezakel is kemereg̵enan he nengeeg̵iyan niw, iyan, nekeantus kew ne wazà haazà ikeawà te kedtuu niw.

Hibriyuhanen 4:9

Ne tenged kayi, sikitew is menge sakup te Megbevayà guntaan, nesavut tew en he egkehimu kiw he ebpekeseled wey kiw mekehimeley zuma te Megbevayà iring te midhimeley is Megbevayà dutun te ikepitu he andew.

2 Timoteo 1:8

Ne tenged dutun kenè nu ikeeled is kebpenurù nu mehitenged te Nengazen tew ne kenà a zaan kenikew ikeeled is gaked din wey nepirisu tenged te kedsengyawa kandin, kekenà, pinaag̵i te g̵ehem te Megbevayà he idtavang kenikew, ambit ka zaan kayi te ked-entusa ku te kemeresayan tenged te kedsengyawa te Meupiya he Tudtulanen.

Kulusas 1:24

Maambe ke ebpekeantus a g̵untaan te merasey su iyan igkezeyzey niw. Igkelipey ku heini su iring te kegkerasey ni Kristu edhimesazan ku en is langun he mereg̵en he ibpaantus din kediey su wey mezeyzey is lawa ni Kristu, he ke và dà egkeg̵iya, is menge tumutuu kandin.

Ruma 5:3

Ne kenà duen dà taman su ebelesen te kelipey is menge kemereg̵enan he nengeseg̵azan ta su netuenan ta he pinaag̵i kayi edlumbazen ki wey ki mehimu he meinentusen.

Lucas 16:25

Iyan, midtavak ni Abraham haazà is mid-umew te, ‘Apù, tentenuzi nu he hein uuyag ke pa, ne mid-em-eminan nu en is kedlipeylipey nu. Iyan, si Lazaro mulà, ne neem-eminan din en is kemeresayan. Ne g̵untaan, si Lazaro, edlipayen; ne sikew, edresayen.

Mateo 13:21

Iyan, kenà egkeheg̵et is kedtuu zan ne kenà egkeug̵et ke egkeumahan sikandan te samuk wey ke kemeresayan be tenged te kedewata zan te Lalag te Megbevayà, edlikù dan diyà te zaan he ulaula zan.

Nengeulaula 7:34

Neehè ku is kebpesipelahi te menge tig-Ihiptu te menge pinilì ku he menge etew ne nezineg ku is dag-es dan. Umba zini ad guntaan te tanà su edlibriyen ku sikandan. Ne g̵enat ke en su edsug̵uen ku sikew ziyà te Ihiptu.’