Hibriyuhanen 11:23 - Manobo Western Bukidnon

²³ Ne sikan daan is menge g̵inikanan ni Moises, ne zekelà is kedtuu zan te Megbevayà. Su minsan pa te insug̵ù te hadì he edhimatayan is langun he menge vatà he maama te menge Hudiyu, wazè dan mahandek ne zutun te ked-enaka ki Moises in-eles dan sikandin seled te tetelu he vulan su wey kenà sikandin mehimetayi su neehè dan he utew mekempet sikandin he vatà.

Hibriyuhanen 11:23 Referans Kwoze

Hibriyuhanen 13:6

Umba, menge suled, dekelà is kedsarig ta te Megbevayà ne ebpekekag̵i ki te, “Iyan edtavang kedì is Megbevayà, umba kenà a egkehandek te minsan hengkey he ed-ul-ulahan te etew zà duen dini te kediey.”

Mateo 10:28

Kenè kew mahandek te menge etew zà duen su iyan dà egkepatey zan is lawa niw; ne kenè dan egkepatey is gimukud niw. Iyan ikehandek niw is Megbevayà su egkepatey zin is lawa wey minsan is gimukud niw pinaag̵i te Impirnu.

Nengeulaula 7:20

Ne iyan haazà daan timpu te ked-enaka ki Moises. Utew sikandin mekempet he vatà ne ingkesuat te Megbevayà. Seled te tetelu he vulan is ked-elimahi kandin te lukes din.