Hibriyuhanen 10:4 - Manobo Western Bukidnon

⁴ Su kenà egkehimu te minsan hengkey he paag̵i he igkeawà te menge salè tew is lengesa te menge vaka wey menge kambing.

Hibriyuhanen 10:4 Referans Kwoze

Hibriyuhanen 10:11

Ne zutun te zaan he paag̵i te ked-azap, is menge memumuhat he Hudiyu, ne andew-andew ziyè dan te simbahan edhithitindeg is edterebahu su edtumanen dan is baal zan te kebpemuhat. Ne heini is menge kebpemuhat dan, ne kenà gihapun ebpekeawà te menge salà te menge etew.

1 Juan 3:5

Netuenan niw en he umba mibpeetew si Kristu su wey zin maawà is menge salè tew. Ne netuenan niw zaan he wazà minsan sevaha he salà he nehimu zin wey egkehimu zin.

Ruma 11:27

Ne zutun te ked-ewaa ku te menge ulaula zan he mezaat, human egketuman is penaad ku zengan kandan,” ke sikandin.

Hibriyuhanen 10:8

Midhunaan din te egkag̵i he kenà egkesuatan te Megbevayà is menge halad wey menge kebpemuhat he edtutungen wey is lengesa te menge ayam he ibpemalis te salà. Ne migkag̵i zin heini minsan pa te intelaan heini te kesug̵uan.

Hibriyuhanen 9:9

Ne alung heini he ibpesavut kenita he is menge ibpemuhat dutun he menge langgam wey is menge halad, kenà heini ebpekeawà te menge salà te menge etew he ed-azap dutun su nesavut dan he pinaag̵i kayi wazè dan pa himuwa he metazeng.

Juan 1:29

Hein mid-ilis he andew zutun, naahà ni Juan si Jesus he edhendiyà te kandin, ne ke si Juan diyà te menge etew, “Iyan heini sikan is etew he egngezanan te ibpemuhat he Nati he Kerehidu he ibeg̵ey te Megbevayà su pinaag̵i kandin egkeawà is menge memezaat he ulaula te menusiyà.

Marcos 12:33

Ne is kebmahala ta te Megbevayà he Nengazen diyà te g̵ehinawa ta, diyà te isip ta, diyà te kedsavut ta wey ziyà te tivuuk he ulaula ta, wey is kebmahala ta te zuma ta he iring en sikandin te keugelingen ta he g̵ehinawa, ne lavew pa heini kenà te langun he menge pemuhat he edtutungen wey menge halad.”

Hibriyuhanen 10:1

Ne egkesavut te en he is kesug̵uan he imbilinbilin ni Moises, ne alung dà; ne is langun he meupiya he egkehimu pinaag̵i ki Kristu, ne iyan hustu he impaalung dutun te kesug̵uan. Su insug̵ù dutun te kesug̵uan he kinahanglan kada tuig, ne layun edhimuwa is menge kebpemuhat. Ne tenged kayi egkesavut ta zaan he pinaag̵i kayi te kebpemuhat kenà egkehimu he ebmetazeng is menge etew.