Hibriyuhanen 10:39 - Manobo Western Bukidnon

³⁹ Iyan, sikitew, menge suled, kenè kiw iring te menge etew he edsuwey ne edsilutan sikandan te Megbevayà su mezesen mulà is kedtuu tew ne pinaag̵i kayi nelibri kiw en te silut.

Hibriyuhanen 10:39 Referans Kwoze

1 Juan 5:5

Hentei is ebpekezaag ki Setanas? Iyan dà sikan is midtuu he Anak te Megbevayà si Jesus.

1 Pedro 1:5

Kenitew en haazà is integ̵ana zin. Tenged te nekesarig kiw kandin, nelig-enan kiw te g̵ehem te Megbevayà te kemulu kiw pa edtag̵ad te kedtulusa zin kenitew keuzemà te ketepusan he timpu.

Marcos 16:16

Ne sikan is edtuu kayi wey ebpebewtismu, ebeg̵ayan te untung he wazà pidtemanan. Ne sikan is kenà edtuu ne edhukuman te silut.

1 Juan 5:16

Ke zuen minsan hentei he neehè din he nekesalà is duma zin, iyan, is rimeg̵as dutun te salà, ne kenà kemetayen, ne kinahanglan he iampù din ne is Megbevayà, ibeg̵ey zin is untung he wazà pidtemanan dutun te nekesalà. Iyan egkeg̵iyen ku kayi is etew he nekesalà he kenà kemetayen is rimeg̵as dutun te salè din. Duen salà he iyan rimeg̵as dutun is kemetayen. Kenè ku iyan egkeg̵iyen he id-ampù tew is etew he nekesalà te iring dutun.

2 Pedro 3:7

Ne haazà is Lalag te Megbevayà he iyan inlimbag din dengan, pinaag̵i zutun midteg̵enahan din en is langit wey tanà su wey melimas din te hapuy keuzemà dutun te andew te kedsusiya zin wey kedsiluti zin te menge etew he wazè dan kedtahud kandin.

Hibriyuhanen 11:1

Emun duen kedtuu ta te Megbevayà, egketuenan ta he egkezawat ta is meupiya he ebperetengen ta. Pinaag̵i te kedtuu ta, egketag̵ù dini te g̵ehinawa ta is kedewata ta keuzemà te menge vutang he wazè te pa maahà.

1 Tiselunika 5:9

Su is Megbevayà, wazè din ivanglis kenitew is silut, kekenà, midluwas kiw zin pinaag̵i te Nengazen tew he si Jesu Kristu.

Juan 17:12

Te kemulu e pa zuma zan, is menge etew he imbeg̵ey nu kediey, midlig-enan ku sikandan pinaag̵i te g̵ehem te ngazan nu he iyan daan kes ngazan he imbeg̵ey nu kediey. Mibentayan ku sikandan ne wazà minsan sevaha he egketazin kandan. Sikan is etew he netagnà is kedsiluti kandin, egketazin sikandin su egketuman is tagnà diyà te insurat he Lalag te Megbevayà.

Juan 6:40

Is langun he nesayud ke hentei a is anak din, ne edtuu kediey, egkesuatan te Amey ku he meveg̵ayi te untung he wazà pidtemanan ne ebenhawen ku keuzemà dutun te ketepusan he andew.”

Lucas 11:26

Ne zutun edlikù edhipanew su ebpengakat te pitu he zuma zin he menge mezaat he mulin-ulin he tuwas pa he memezaat kenà sikandin. Ne ed-ahuk dan ne ed-ubpè dan dutun te etew. Ne zutun ed-iseg pa ebmezaat is kebpekesavuk dutun te etew, kenà te nehuna he kebpekesavuk din.”

2 Tiselunika 2:3

Kinahanglan he kenè niw tuuwi is minsan hengkey he lalag te minsan hentei he teruen he etew. Su haazà is andew, ne kenè pa egketuman emun wazè pa mehitavù is kedsukul te menge etew ziyà te Megbevayà. Ne zutun ibpeg̵awag̵awa sikan is etew he lavew he mesinupaken. Iyan imbanglis kandin is kegkeimpirnu.

Juan 20:31

Ne iyan insurata ku kayi te menge egkein-inuwan su wey kew meketuu he iyan si Jesus Anak te Megbevayà wey sikan is mibpilì te Megbevayà he ibpahadì, ne emun edtuu kew kandin ebeg̵ayan kew te untung he wazà pidtemanan.)

Impezayag 17:11

Ne is kehulug̵an dutun te langgam he zengan uuyag ne g̵untaan minatey, ne ikewalu sikandin he hadì he edsunud dutun te pitu he hadì. Ne edsilutan sikandin daan keuzemà diyà te Impirnu.

Hibriyuhanen 10:26

Ne emun nesavut te en is tutuu he tuluuwen, iyan, edtuyuen te pa maan is layun ked-ulaula te mezaat he ulaula, wazè en minsan hengkey he kebpemuhat he edewaten te Megbevayà wey maawà is salè ta.

1 Timoteo 6:9

Is menge etew he egkesuat he medsepian, melemu sikandan egkepenulayi wey egkeseleizi. Mezakel is menge suat dan he wazà pulus ne ebpekezezaat heini. Ebpekezezaat heini kandan wey egkehimu zaan he ibpatey zan heini.

Juan 5:24

Utew venar is egkeg̵iyen ku he is minsan hentei he ebpemineg te menge lalag ku ne edtuu te Megbevayà he midsug̵ù kediey zini, iyan ebpekeangken te untung he wazà pidtemanan. Kenà sikandin keuzemà edsilutan su nekelikey en te kemetayen is gimukud din wey naangken din en is untung he wazà pidtemanan.

Impezayag 17:8

Heeyan is langgam he egkeehè nu, ne zini sikandin te kelibutan dengan, iyan, wazè en guntaan. Ne meg̵aan en maan edlepew he ebpuun te vitu he wazà pidtemanan is kezalem din, ne zutun te kedlepew zin, id-agbur sikandin diyà te Impirnu su edsilutan. Ne is langun he menge etew he zengan te wazè pa limbag̵a is kelibutan, wazà isurat is menge ngazan dan diyà te libru he zutun ilista is langun he ebeg̵ayan te untung, utew zan egkengeinuinu zutun te ked-ehè dan te langgam. Iyan igkengeinuinu zan su haazà is langgam, dengan uuyag ne minatey en guntaan, iyan, egkevanhew zed.

Hibriyuhanen 10:38

Ne haazà is menge sakup ku he nengehimu en he metazeng tenged te kedtuu zan kedì, ebeg̵ayan ku sikandan te untung he wazè din pidtemanan. Iyan, ke zuen minsan hentei kandan he edsuwey tenged te kegkehandek, utew ku igkeepes,” ke sikandin.