Hibriyuhanen 10:30 - Manobo Western Bukidnon

³⁰ Su netuenan tew he migkag̵i is Megbevayà te, “Iyan a ebales, iyan a edsilut kandan tenged te menge ulaula zan he mezaat.” Ne zuen daan insurat he lalag he edhenduen te, “Edsusiyen te Megbevayà is menge ulaula te menge sakup din.”

Hibriyuhanen 10:30 Referans Kwoze

Ruma 12:19

Kenè niw, menge minahal ku he suled, velesi is etew he ed-ulaula te mezaat diyà te keniyu, kekenà, pesegdana niw he iyan edsilut is Megbevayà su zuen insurat he Lalag te Megbevayà he edhenduen te, “Iyan a ebales; iyan a edsilut.”

2 Kurintu 5:10

Su is minsan hentei kenitew, kinahanglan he ziyà ed-etuvang keuzemà te ki Kristu su edsusiyen din is menge ulaula tew su wey mezawat te kada sevaha kenitew is suhul he zait te langun he mid-ulaula zin dini te kelibutan ke meupiya ve wey ke wazè din menge pulus.

Ruma 13:4

Ne haazà is etew he ed-uwit te velaud, ne sulug̵uen sikandin te Megbevayà su wey mebmeupiya is kebpekesavuk tew. Ne emun mezaat is ulaula tew ne hustu iyan he igkehandek tew su egkehimu he meveg̵at is idsilut din. Sulug̵uen sikandin te Megbevayà ne edtumanen din is egkesuatan te Megbevayà ke edsilutan din is menge mesinupaken.