Hibriyuhanen 10:22 - Manobo Western Bukidnon

²² Ne tenged kayi, ed-etuvang ki en te Megbevayà, ne kenà tarù is ked-ezapa ta kandin. Edheg̵eten ta is kedtuu ta ne kenè ki eduwazuwa. Su netuenan ta he nepelisan ki en te lengesa ni Jesus ne netuenan ta zaan he in-awà kayi is menge salè ta. Nengebewtismuwan kiw en he tuus te kedlumpiyuwi kenitew te Megbevayà.

Hibriyuhanen 10:22 Referans Kwoze

Juan 3:5

Ne ke si Jesus te, “Utew venar is egkeg̵iyen ku kenikew he wey zà ebpekeragkes is etew ziyà te menge etew he edhedian te Megbevayà ke id-anak sikandin pinaag̵i te wahig wey pinaag̵i te g̵ehem te Wag̵as he Mulin-ulin.

1 Pedro 3:21

Ne iyan teg̵ialung kayi te wahig is kebewtismu he ebpekelibri kenitew te silut. Ne haazà is kebewtismu, ne kenà iyan is kedlumpiyuwi te lawa tew ziyà te wahig, kekenà, iyan is kedhengyui tew te Megbevayà he maawè din is menge salè tew. Egkehimu heini tenged te mibanhew zin si Jesu Kristu.

Ipisu 5:26

ne wey kiw mezawat te Megbevayà. Midhimu zin heini pinaag̵i te kedlumpiyuwi zin kenitew pinaag̵i te kebewtismu wey pinaag̵i te lalag din.

1 Kurintu 6:11

Iring kayi is ulaula zengan te zuma keniyu, iyan, guntaan, nelumpiyuwan kew en te menge ulaula niw he mezaat ne nehimu kew en he menge g̵aked te Megbevaya. Ne pinaag̵i te g̵ehem te ngazan te Nengazen tew he si Jesu Kristu wey pinaag̵i te ked-ulini keniyu te Wag̵as he Mulin-ulin he ebpuun te Megbevayè tew, mid-isip kew en he metazang te Megbevayà.

Hibriyuhanen 7:19

su kenà egkehimu he ed-isipen kiw he metazeng pinaag̵i te kedtumana kayi. Ne tenged kayi, imbeg̵ey en kenitew te Megbevayà is meupiya pa he egkeserig̵an he paag̵i. Ne pinaag̵i kayi, egkehimu he pinaag̵i te ked-azap tew ebpekeetuvang kiw en te Megbevayà.

2 Kurintu 7:1

Ne g̵eina te iyan heini impenaad kenita te Megbevayà, ne edlumpiyuwen ta is menge ulaula ta su wey wazà minsan hengkey he meremerik he ulaula te lawa ta wey meremerik he isip ta. Ne ebpurungan ta is ulaula ta su wey meheg̵eti is kebmetazeng ta pinaag̵i te layun ta kedtehuza kandin.

Hibriyuhanen 4:16

Ne tenged kandin, wazà igkelenew te isip tew te ked-uvey zutun te etuvangan te mekeg̵eg̵ehem he Megbevayà pinaag̵i te ked-ampù su utew velig̵eg̵awen is Megbevayà. Ingkehizu kiw zin ne edtevangan kiw zin dutun te timpu te menge kemereg̵enan.

Hibriyuhanen 12:24

Mid-uvayan tew zaan si Jesus he iyan datù tew he midhimu te veg̵u en he paag̵i te kebpekidsevaha tew te Megbevayà. Pinaag̵i te lengesa zin nengepelisan is menge salè tew. Tuus is lengesa zin te g̵ag̵ew kenitew te Megbevayà he utew haazà meupiya kenà te lengesa ni Abel zengan su is lengesa ni Abel, iyan tuus te silut te Megbevayà.

Tito 3:5

midlibri ki zin te silut. Iyan ingkelibriya zin kenita is: kenà tenged te menge metazeng he ulaula he nehimu ta, kekenà, tenged dà te hizu zin kenita. Midlibri ki zin pinaag̵i te kedlumpiyuwi kenita he iyan is kebpeuman ta kebpaanak pinaag̵i te g̵ehem te Wag̵as he Mulin-ulin he nekeveg̵ey kenita te veg̵u he untung.

1 Pedro 1:2

Nengaaram kew te Megbevayà he Amey tew sumalà is kebayè din dengan he iyan is: edhimuwen kew zin he metazeng pinaag̵i te Wag̵as he Mulin-ulin wey kew mehimu he menge sakup ni Jesu Kristu ne wey kew zaan mepesaylu tenged te kebpelisi keniyu te lengesa ni Jesus. Berakat he ikeg̵ag̵ew kew zin wey mebmelinawen kew utew.

Ipisu 3:12

Ne g̵untaan tenged te kebpekidsevaha tew ki Jesus wey pinaag̵i te kedsarig tew kandin, egkehimu en he ebpekeetuvang kiw te Megbevayà pinaag̵i te ked-ampù ne wazè en igkeeled tew kandin.

Santiago 4:8

Aput kew ziyà te Megbevayà ne ed-uvayan kew zin. Sikiyu is mekesesalà, engkezi niw is menge ulaula niw he mezaat. Sikiyu is uvag dà is kedtuu zan, pelumpiyuwi niw te Megbevayà is isip niw wey g̵ehinawa niw.

Hibriyuhanen 9:19

Ne tenged kayi, hein aney ipenurù ni Moises diyà te langun he menge etew is langun he ibpetuman kandan te Megbevayà dutun te kesug̵uan, migkuwa zin is lengesa te menge nati he vaka he impemuhat, ne mid-emutan din te wahig. Midhames din dutun is bulvul te kerehidu he midtinà te merig̵à wey is subpang te kayu he egngezanan te hisup. Ne mibpirikan din dutun is libru he zutun isurat is kesug̵uan wey mibpirikan din daan is langun he menge etew.

Mateo 3:11

Wahig is ibewtismu ku keniyu,” ke si Juan, “he tuus te mid-iniyug̵an niw is mezaat he ulaula, iyan, duen etew he ed-ilis kediey ne iyan ibewtismu zin keniyu is Wag̵as he Mulin-ulin, ne emun kenà, ne hapuy. Lavew sikandin kedì, ne minsan is ked-uwit dà te sepatus din, kenè e pa zait he sulug̵uen din.

Santiago 1:6

Ne emun ebuyù kew te ketau ziyà te kandin kinahanglan he edtuu kew he egkezawat niw te wazà duwazuwa. Su is etew he eduwazuwa, egkehalinhalin layun is isip din. Iring sikandin te vag̵el ziyà te zag̵at he minsan hendei zà duen hiyupa te keramag.

Hibriyuhanen 11:28

Ne tenged te kedtuu zin midtuman din is Pista te Kedlevayi ne insug̵ù din he ebpelisan te lengesa te nati he kerehidu is gemawan te menge valey te menge kevuwazan ni Israyil. Umba midhimu zin heini su wey kenà mehimetayi is menge penganey he anak dan te velinsug̵uen te Megbevayà he ibpepenhimatey te langun he menge penganey he anak te menge etew ziyà te Ihiptu.

Hibriyuhanen 10:19

Ne, menge suled, tenged te mibpehimatey si Jesus ne impetig̵is is lengesa zin, wazè en kegkelenew ta te kedseled pinaag̵i te ked-ampù dutun te utew mahal he rug̵u he seled te kurtina.

Hibriyuhanen 9:10

Su heini he paag̵i te ked-ezapa te Megbevayà, ne pinaag̵i zà te menge sug̵ù mehitenged te vetasan te kegkaan, ked-inum, kebpenlùlù, wey kedhemesa te lawa he paag̵i he insug̵ù te Megbevayà. Menge sug̵ù heini he edtumanen te menge etew pinaag̵i zà te lawa wey tenged dà te insug̵ù ne kenà tenged te iyan diyà te g̵ehinawa zan. Ne is pulus kayi te paag̵i, ne taman dà heini kayi te timpu g̵untaan te ked-ilisi te Megbevayà kayi te veg̵u he paag̵i.

1 Timoteo 4:2

pinaag̵i te menge tarù te menge uvag kun tumutuu he kenè en ibmezaat te g̵ehinawa zan is menge mezaat he ulaula zan.

Ipisu 6:5

Sikiyu is menge sulug̵uen, purungi niw tumana is menge sug̵ù keniyu te menge egalen niw zini te kelibutan. Tehuza niw sikandan ne kinahanglan he ebpuun te meupiya he g̵ehinawa niw is kedtumana niw te menge sug̵ù dan iring te iyan si Kristu edsug̵ù keniyu.

Nengeulaula 8:21

Wazè nu kelavet wey ketenged kayi te ebpeveelan kenami su netuenan te Megbevayà he kenà metazeng is egkeisip nu.

Juan 8:9

Ne hein nezineg te menge Perisiyu haazà is migkag̵i zin, nemen-awè dan dutun he tigseselimbaha. Midhuna is utew meg̵urang ne henduen dà duen. Ne hein naamin dan en, netag̵ak haazà is bahi ziyà te etuvangan ni Jesus.

Lucas 1:1

Minahal he Teofilo: Mezakel is migezam medsurat te g̵ug̵ud te langun he neulaula zini te kenami he inged mehitenged te menge vaal ni Jesus.

Nengeulaula 22:16

Ne kenè ka medlanganlangan, kuwa ke en wey ka mebewtismuwi. Pengumew-umew ka te Nengazen wey ka mepesaylu te menge salè nu.’

Hibriyuhanen 6:11

Ne is kada sevaha keniyu, egkesuatan dey he kenè niw zaan engkezi is kedhag̵ù niw taman te kedlikù ni Jesus dutun te ketepusan he timpu keuzemà su wey zutun metuman diyan te keniyu is langun he meupiya he ebpeebuten tew.

Hibriyuhanen 10:1

Ne egkesavut te en he is kesug̵uan he imbilinbilin ni Moises, ne alung dà; ne is langun he meupiya he egkehimu pinaag̵i ki Kristu, ne iyan hustu he impaalung dutun te kesug̵uan. Su insug̵ù dutun te kesug̵uan he kinahanglan kada tuig, ne layun edhimuwa is menge kebpemuhat. Ne tenged kayi egkesavut ta zaan he pinaag̵i kayi te kebpemuhat kenà egkehimu he ebmetazeng is menge etew.