Hibriyuhanen 1:13 - Manobo Western Bukidnon

¹³ Wazà belinsug̵uen te Megbevayà he migkeg̵iyan din te, “Dini ke zè pa pinuu te egkekewanan ku taman te kenè ku pa ibpeluhud diyà te kenikew is menge kuntada nu.”

Hibriyuhanen 1:13 Referans Kwoze

Marcos 12:36

Umba id-insè ku heini su mid-ulinan si Hadì David te Wag̵as he Mulin-ulin ne migkag̵i, ke sikandin te, ‘Migkag̵i is Megbevayà diyà te Nengazen ku te, “Kayi ka pinuu te zapit te egkekewanan ku taman te kenè ku pa ibpeluhud diyà te kenikew is menge kuntada nu.” ’ ”

Mateo 22:44

‘Migkag̵i is Megbevayà diyà te Nengazen ku te, “Kayi ka pinuu te zapit te egkekewanan ku taman te kenè ku pa ibpeluhud diyà te kenikew is menge kuntada nu.” ’ ”

Hibriyuhanen 1:3

Pinaag̵i kayi te Anak din ibpezayag is mekeg̵eg̵ehem he anlag te Megbevayà su neked-iring dan. Ke hengkey is Megbevayà ne iyan ded daan sikan is Anak din. Ne pinaag̵i te g̵ehem te kegkag̵i kayi te Anak ebeyveyaan din is minsan hengkey he linimbag. Ne hein nepasad din en is ked-ewaa zin te menge salè tew, mid-ulì diyà te langit ne mibpinuu ziyà te egkekewanan te Megbevayà su edhadì.

Nengeulaula 7:55

Ne si Esteban, nepurung sikandin ulini te Wag̵as he Mulin-ulin ne midlingahà diyà te langit ne neehè din is mekeg̵eg̵ehem he anlag te Megbevayà. Ne elin dutun neehè din si Jesus he ziyà edhithitindeg te zapit te egkekewanan te Megbevayà.

Lucas 20:42

Su ziyà te libru he Salmo, duen insurat ni Hadì David he edhenduen te, ‘Migkag̵i is Megbevayà diyà te Nengazen ku te, “Kayi ka pinuu te zapit te egkekewanan ku

Impezayag 20:15

Is minsan hentei zutun he wazà ilista is ngazan din diyà te libru te untung, in-agbur zaan sikandin diyà te ranew he egkeregreg.

Lucas 19:27

Ne mid-uman megkag̵i haazà is hadì te, ‘Ne sikan is menge etew he kenè dan egkesuat he iyan a mekehadì kandan, ne uwita niw zini ne penhimetayi niw sikandan dini te etuvangan ku.’ ”