2 Tiselunika 3:12 - Manobo Western Bukidnon

¹² Tenged te keg̵ehem te Nengazen tew he si Jesu Kristu, idsug̵ù dey wey idhangyù dey kandan he kinahanglan he medterebahu zan ne kenè dan medsamuk su wey zan meketig̵ayun te igkeuyag dan.

2 Tiselunika 3:12 Referans Kwoze

1 Tiselunika 4:11

Ne kenà duen dà taman su iyan layun pen-ahaa niw is melinew he kebpekesavuk. Tegteg̵ami te uman sevaha is kandin dà he vaal. Medhag̵ù sikandin wey zin mekuwa is igkeuyag din. Daan heini he insug̵ù dey keniyu.

Ipisu 4:28

Is tekawen, engkezi zin is kebpenakew ne medterebahu su wey hustu he paag̵i is kegkuwaa zin te igkeuyag din ne wey metevangi zin is egkengeayuayu.

2 Tiselunika 3:8

Wazè key mekevuyù te egkeenen dey ziyà te minsan hentei, kekenà, mibeyazan dey. Maandew wey mezukilem midhag̵ù key mebaal su wey kew kenà medlised tenged kenami.

1 Tiselunika 4:1

Ne g̵untaan, menge suled, tenged te kegkesevaha tew te Nengazen tew he si Jesus, duen ebuyuen dey wey edhengyuen dey ziyan te keniyu. Impenurù dey keniyu is ed-ul-ulahan he egkesuatan te Megbevayà, ne mid-ulaula niw en. Iyan, edhengyuen dey keniyu he ipeiseg niw pa is ked-ul-ulaha niw kayi.

Lucas 11:3

Beg̵ayi key te egkeenen he egkinehenglanen dey te kada andew.

1 Timoteo 2:2

Iampù dan daan is menge hadì wey is minsan hentei he zuen din keg̵ehem su wey mebmelinew is ked-ubpè tew wey wazà samuk te kebpurungi tew kedtumana te egkesuatan te Megbevayà wey te hustu he ulaula.