2 Tiselunika 1:10 - Manobo Western Bukidnon

¹⁰ Egkehitavù heini keuzemà dutun te andew te kedlikù din. Iyan idlikù din dini te kelibutan su wey mezalig sikandin te menge etew he mibpesakup kandin. Dutun, ne ebentug̵en sikandin te langun he menge tumutuu kandin wey sikiyu zaan su neketuu kew te impesavut dey keniyu.

2 Tiselunika 1:10 Referans Kwoze

2 Timoteo 4:8

Ne g̵untaan integ̵ana en kedì te Nengazen is suhul he iyan ibeg̵ey zin diyà te langun he memetazeng he etew. Ibeg̵ey zin heini keuzemà te andew te kedsusiya zin te nengeulaula te tivuuk he menusiyà. Iyan sikandin kes metazeng is kedsusi zin. Ne kenà iyan e zà midteg̵enahan din te suhul, kekenà, midteg̵enahan din daan is langun he utew egkeg̵alew ke ebpekelikù sikandin.

Ipisu 1:18

Id-ampù ku he iveg̵ey zin daan keniyu is kebpurung kedsavut su wey niw metueni ke hengkey is langun he meupiya he egkeperateng tew keuzemà tenged te midhimu kiw en he menge tumutuu zin, ne wey niw zaan metueni he utew mezakel zutun is menge meupiya he idtuvad din kenitew.

1 Kurintu 3:13

Ne keuzemà dutun te andew te kedsusi te Nengazen te menusiyà, egezaman is baal te kada sevaha he tumutuu su wey metueni ke hustu ve wey ke kenà. Egezaman pinaag̵i te hapuy ne haazà is baal he iring te kayu wey karan wey ventung ne egkeawà. Ne haazà is baal he iring te vulawan, wey selapì, wey menge mahal he vatu, ne kenà mulà egkeawà.

Juan 17:10

Ne is menge etew he g̵aked nu, kediey zaan, ne is langun he kediey, kenikew zaan. Ne pinaag̵i kandan egkeahà is bentug̵an ku.

1 Pedro 2:9

Iyan, sikitew mulà, pinilì kiw zin. Menge memumuhat kiw te mibpilì he hadì he iyan si Kristu. Iyan kiw menge sakup din; iyan kiw menge g̵aked din he etew. Umba mibpilì kiw zin su wey tew mesangyew is tudtul te utew egkein-inuwan he menge vaal zin. Iyan sikandin nengelintau wey kiw meketuu wey kiw maawà dutun te kerusireman. Ne g̵untaan edteyawan kiw zin, he ke và dà egkeg̵iya, utew en meupiya is kedtuvazi zin kenitew.

2 Tiselunika 2:13

Menge suled he minahal te Nengazen, kenà egkehimu he kenà dekelà layun is kebpeselemati zey te Megbevayà tenged keniyu. Su zengan hein midlimbag din is langun, mibpilì kew zin wey kew zin melibri te silut pinaag̵i te g̵ehem te Wag̵as he Mulin-ulin he iyan ingkehimu niw he menge g̵aked din, wey pinaag̵i te kedtuu niw te tutuu he tuluuwen.

1 Kurintu 1:6

Ne utew en midmezesen is kedtuu niw te impesavut dey keniyu mehitenged ki Kristu.

2 Timoteo 1:18

Id-ampù ku layun he mehizuwi sikandin te Nengazen keuzemà te andew te kedsusi te Nengazen te langun. Ne netuenan nu en daan he zekelà is kedtevangi zin kedì diyan te Ipisu.

2 Timoteo 1:12

ne tenged kayi egkeantus ku g̵untaan heini is kemeresayan. Ne minsan pa zutun, netuenan ku ke hentei sikandin is midserig̵an ku, ne netuenan ku zaan he taman te andew keuzemà he edsusiyen din is nengeulaula te menusiyà, metau sikandin he ebantey te langun he insarig din kediey.

2 Tiselunika 1:12

Ne pinaag̵i kayi egkezalig niw is Nengazen tew he si Jesus, ne edelig̵en kew zin daan. Egkehimu heini pinaag̵i zà te g̵ag̵ew te Megbevayè tew wey te Nengazen tew he si Jesu Kristu.

1 Tiselunika 2:13

Ne elin daan layun dey ibpeselemati te Megbevayà is: hein impesavut dey keniyu is Lalag te Megbevayà, midawat niw su nesavut niw he Lalag te Megbevayà ne kenà lalag te etew zà duen. Su pinaag̵i te lalag din egkelig-enan is kedtuu tew te nemeketuu kandin.

1 Tiselunika 2:1

Menge suled, netuenan niw en he mibpulus is kedhendiyan dey te inged niw.

1 Tiselunika 1:5

su impesavut dey keniyu is Meupiya he Tudtulanen, kenà pinaag̵i te lalag dey zà, kekenà, pinaag̵i te g̵ehem te Wag̵as he Mulin-ulin. Midheg̵et te Megbevayà dutun is kedsevuta zey kayi. Ne netuenan niw zaan ke hengkey is menge ulaula zey he meupiya wey kew mezeyzey hein diyan key te keniyu.

Ipisu 3:16

Ne edhengyuan ku sikandin he puun te utew zekelà he g̵ehem din, beg̵ayi kew zin te utew melig-en he kedtuu pinaag̵i te ked-ulini keniyu te Wag̵as he Mulin-ulin,

Ipisu 3:10

Umba wazà heini zengan ipezayag su wey g̵untaan pinaag̵i zà te menge tumutuu ki Jesus, ibpaahà te Megbevayà diyà te menge kedesenan wey menge egalen diyà te langit ke hengkey kezekelà is ketau zin he wazè med-iring-iring.

Ipisu 2:7

Umba mid-ulaula zin heini su wey ikepeehè din kenitew is utew lavew he kezekelà te g̵ag̵ew zin wey kedtavang din kenitew pinaag̵i ki Jesu Kristu te wazè din pidtemanan.

Ipisu 1:14

Is ked-ulini kenitew te Wag̵as he Mulin-ulin, ne iyan tuus kenitew he keuzemà ibeg̵ey zin kenitew te menge sakup din is langun he impenaad din kenitew. Ne pinaagi kayi egketuenan tew he keuzemà edhimesazen din is kedlibriya kenitew te kebpekesalè tew. Edelig̵en tew sikandin is mekeg̵eg̵ehem!

Ipisu 1:6

Edelig̵en tew is Megbevayà tenged te utew zekelà he mekeg̵eg̵ehem he g̵ag̵ew zin he intuvad din kenitew pinaag̵i te kebpekidsevaha tew te mahal he Anak din he si Jesus.

Gelasya 1:24

Ne tenged dutun midalig dan is Megbevayà tenged te neketuu a ki Jesus.

Juan 11:4

Ne hein nezineg haazà ni Jesus migkag̵i te, “Kenà ibpatey ni Lazaro is daru zin, kekenà, iyan ketezengan ke maan is egkezeruwan sikandin su wey mevantug is Megbevayà ne wey e zaan mevantug is Anak te Megbevayà.”

Lucas 10:12

Egkeg̵iyen ku keniyu,” ke si Jesus, “he lavew pa is idsilut te Megbevayà dutun te inged emun egkeuma keuzemà is andew te kedsilut, kenà te silut din dengan diyà te menge lalung he etew he meg̵inged diyà te inged he Suduma.”

Mateo 25:31

Siak is Kakey te Menusiyà, dutun te kedlikù ku he utew zekelà is gehem te ked-anlag ku wey edumahan ad te langun he menge velinsug̵uen ku, ebpinuu ad is edhadì.

Mateo 24:36

Is Amey tew he Megbevayà, iyan dà nesayud ke keenu egketuman heini is langun. Ne g̵awas kandin wazè en nesayud te andew wey uras ke keenu heini egkehitavù. Is menge velinsug̵uen te Megbevayà diyà te langit, wazè dan mesayud, wey minsan siak is Anak te Megbevayà, wazà a zaan mesayud.

Mateo 7:22

Ne zutun keuzemà te andew te kedsilut, mezakel is ebpehizuhizu zini te kedìey he egkag̵i te, ‘He Nengazen, pinaag̵i te g̵ehem nu neketagnè key, ne nengeulian dey is ebpenlelungen te mezaat he mulin-ulin, ne mezakel is menge egkein-inuwan he nengehimu zey.’

Mateo 16:27

Su Siak is Kakey te Menusiyà, imbanglis kedì he mekelikù a keuzemà he edumahan te menge velinsug̵uen ku wey edsun-uzan ad te mekeg̵eg̵ehem he anlag te Amey ku he Megbevayà. Ne zutun edsuhulan ku is langun he menge etew sumalà is mid-ulaula te uman sevaha.

Mateo 16:28

Kenè niw heini lipati he zuen menge zuma tew kayi he kenà ebpatey taman te egkeehè e zan is Kakey te Menusiyà he ebpekeuma su edhadì.”

1 Tiselunika 2:12

Midsembag̵an dey sikiyu; iyan key midlangan te g̵ehinawa niw ne midhengyuan dey sikiyu he med-ulaula kew te sungkad te egkesuatan te Megbevayà. Iyan sikandin midhimu keniyu he tumutuu wey kew zin mehedii wey kew tulusa.

1 Timoteo 3:16

Ne netuenan tew te langun he lavew pa te langun is imbugnà he tuluuwen he midtuuwan tew. Mibpeetew si Kristu; midtistig̵usan te Wag̵as he Mulin-ulin he metazeng sikandin; naahà sikandin te menge velinsug̵uen te Megbevayà; insangyew sikandin diyà te menge etew he kenà menge Hudiyu; duen menge tumutuu kandin dini te tivuuk he kelibutan; midtulus sikandin pehendiyà te langit.