2 Pedro 2:21 - Manobo Western Bukidnon

²¹ Meupiya pa ke wazè dan meturedu is paag̵i te kegkehimu kandan he metazeng, kenà te neturedu zan ne mid-iniyug̵an dan ne wazè dan medtuman te sug̵ù kandan te Megbevayà he impesavut kandan.

2 Pedro 2:21 Referans Kwoze

Santiago 4:17

Tentenuzi niw he ke netuenan te minsan hentei kenitew ke hengkey is meupiya he ed-ul-ulahan ne kenè din ed-ul-ulahan, nekesalà sikandin diyà te Megbevayà.

Lucas 12:47

Ne sikan is sulug̵uen he netuenan din en is ibpeveelan kandin te egalen din, iyan, wazà med-andam ne wazà medtuman te ibpeveelan kandin te egalen din, ne kenà sikandin ed-uraman te ebug̵el zutun te egalen din.

Juan 15:22

Angin ke wazà a mekehendini te kelibutan ne wazà a zaan mekepesavut kandan su kenà sikandan egkevesulan tenged te salè dan, iyan, guntaan wazè dan en igkepesangil.

1 Tiselunika 4:2

Netuenan niw is insug̵ù dey keniyu he ebpuun te Nengazen tew he si Jesus.

Juan 9:41

Ne midtavak si Jesus te, “Emun wazè niw metueni he lakap is kedsavut niw, wazè niw g̵eina salà, iyan, geina te egkag̵i kew he meupiya is kedsavut niw te hustu, kenà egkeawà is salè niw.”

Mateo 21:32

Su nekeuma si Juan, ne impeehè din keniyu is paag̵i wey kew mebmetazeng ne wazè niw sikandin tuuwi, iyan, midtuuwan mulà sikandin te menge limbungan he menunukut wey menge vahi he ebpemenapì te zengeg dan. Ne minsan te netuenan niw heini, wazè niw iniyug̵i is memezaat he ulaula ne wazè kew zaan medtuu kandin.”

Ruma 7:12

Is kesug̵uan, diyà ebpuun te Megbevayà, ne is langun he menge sug̵ù dutun, menge sug̵ù te Megbevayà, ne kenà haazà mezaat, kekenà, meupiya wey metazeng.

Gelasya 6:2

Layun kew mebpetebtevangà te uman sevaha keniyu su emun ed-ul-ulahan niw heini egketuman niw is insug̵ù kenitew ni Kristu.

Hibriyuhanen 10:26

Ne emun nesavut te en is tutuu he tuluuwen, iyan, edtuyuen te pa maan is layun ked-ulaula te mezaat he ulaula, wazè en minsan hengkey he kebpemuhat he edewaten te Megbevayà wey maawà is salè ta.

2 Pedro 3:2

Egkesuatan ku he meisip-isip niw is menge lalag he insurat dengan te ebpemeneuven te Megbevayà wey is sug̵ù te Nengazen tew he Menluluwas tew he imbeg̵ey zin kenitew pinaag̵i kenami te menge epustul.

Hudas 1:3

Minahal ku he menge suled, minsan pa te iyan aney he egkesuatan ku is ebaal a te surat he ibpeuwit ku ziyan wey ku ikeseysey ziyan te keniyu is kedlibriya kenitew te Megbevayà, iyan, utew en guntaan epiki he ebpesuratan ku sikiyu wey ku sikiyu mesembag̵i. Kinahanglan, menge suled, he pekezesen kew sukul te menge etew he edhelinen dan pezem is tutuu he tuluuwen he imbeg̵ey te Megbevayà. Haazà is tuluuwen, imbeg̵ey zin kenitew te menge g̵aked din ne kinahanglan he kenè en ed-umanan te minsan hentei.