2 Pedro 2:18 - Manobo Western Bukidnon

¹⁸ Uvag mezalem is menge lalag dan, iyan, wazà pulus te egkeg̵iyen dan. Duen menge etew he ed-engkezan dan pezem is menge zaan he zuma zan he ed-ulaula te sayep, iyan, ebpenulayen sikandan dutun te menge menunudlù pinaag̵i te meremerik he kebayà te lawa zan.

2 Pedro 2:18 Referans Kwoze

2 Pedro 2:20

Ke zuen menge etew he nekesavut en mehitenged te Nengazen tew he si Jesu Kristu, egkelibri zan en pezem te mezaat he ulaula zini te kelibutan he ebpekezezaat kandan. Iyan, ke egkepenulayan sikandan ne edlikuan dan en maan haazà is daan he kegkeuripena kandan te mezaat he ulaula, tuwas pa he merasey is egketemanan dan.

2 Pedro 1:4

Iyan heini kedtumana zin te penaad din he utew zekelà wey mahal is idtuvad din kenitew. Umba impenaad din heini su wey mekeiring is menge ulaula tew te menge ulaula te Megbevayà ne mekelikey kiw zini te kelibutan te kedtumana te menge mezaat he kebayè tew su ebpekezezaat heini kenitew.

Ruma 13:13

Ed-ul-ulahan tew is hustu su iyan heini ulaula he zait te menge etew he neteyawan te Megbevayà. Kenè ki en edtampu te ketig̵uman te ebpemelelangut ne kenè ta egkevuten is kenè ta esawa. Kenè ki ebpekid-eg̵et wey kenè ki egkesina.

Santiago 5:5

Dini te kelibutan utew meupiya is kebpekesavuk niw ne edlipey kew layun, iyan, iring kew g̵untaan te nati he ibpelambù he edlepaan su kunaan niw ke kenè kew egkesaut te andew te kedsilut.

2 Tiselunika 2:4

Edsukulan din wey edlevawan din pezem is minsan hengkey he mid-isip te menge etew he megbevayà wey is minsan hengkey he ed-ezapen dan. Ne ebpinuu sikandin minsan diyà te simbahan he Valey te Megbevayà su egkeg̵iyen din he iyan sikandin Megbevayà.

Impezayag 13:11

Ne zutun selakew en maan he langgam is neehè ku. Midlepew haazà he ebpuun diyà te zizalem te tanà. Dezuwa is sungey zin su iring te nati he kerehidu, iyan, emun egkag̵i, ne is kegkag̵i zin ne iring te kegkag̵i zuen te utew zekelà he uled he egngezanan te deragun.

Hudas 1:13

Iring daan sikandan te utew zezekelà he vag̵el ziyà te zag̵at ke zuen bagyu su iring is menge mekeeled-eled he ulaula zan te meremerik he vuràburà he ebpenlepew ziyà te veyvey. Iring sikandan te menge vituen he nekesuwey te hustu he nesevukan dan su kenè en egkeserig̵an is ibpenurù dan. Midteg̵ana te Megbevayà is utew merusirem he egkeubpaan dan te wazà pidtemanan.

Nengeulaula 8:9

Ne zuen etew he tigSemarya he selemengkiru he egngezanan ki Simon. Nepipira en he tuig ne kemulu zà duen igkengeinuinu te menge etew is menge vaal zin. Impetuu zin is menge tigSemarya he kenà sikandin etew zà duen.

Nengeulaula 2:40

Ne mezakel he menge ketezengan is insambag ni Pedro kandan, ke sikandin te, “Likayi niw is limas te Megbevayà kayi te menge etew g̵untaan he memezaat is ulaula.”

Ipisu 4:17

Tenged te sug̵ù a te Nengazen, ebpeketelteleenan ku sikiyu he engkezi niw en is menge mezaat he ulaula he iyan ed-ul-ulahan te menge etew he kenà edtuu te Nengazen wey wazà pulus te ed-isipen dan.

2 Pedro 2:2

Ne minsan pa zutun mezakel is edsunud te meremerik he menge ulaula zan, ne pinaag̵i zutun egkesawey kiw is edsunud te tutuu he tuluuwen su kunaan te menge etew ke zuma tew sikandan.

2 Pedro 2:14

Egkeerig̵an dan te minsan hentei he vahi; kenà egkepenù is suat dan te mezaat he ulaula. Ebpeeyatan dan is menge etew he kenè pa ebpekesavut te hustu. Utew zan leg̵ezen, iyan, kenà egkehimu he kenà sikandan egkesilutan te Megbevayà.

2 Pedro 3:17

Minahal ku he menge suled, geina te netuenan niw en heini he zaan, andam kew su wey kenè kew meketuu te menge tarù he ibpenurù te menge lalung he etew ne egkelipatan niw is tutuu he tuluuwen he midtuuwan niw.