2 Kurintu 8:23 - Manobo Western Bukidnon

²³ Si Tito, iyan timbang ku te kedhimuwa ku te kedtavang keniyu. Ne heini is menge suled tew he zezuwa he eduma kandin pehendiyan, menge sug̵ù sikandan te menge g̵urupu te tumutuu zini. Pinaag̵i kandan egkevantug layun si Kristu ziyà te menge etew.

2 Kurintu 8:23 Referans Kwoze

Pilipus 2:25

Ne elin daan kayi te isip ku he kinahanglan he ibpehendiyan ku is suled tew he si Ipepruditu, kes midsug̵ù niw pehendini wey e zin metevangi. Iyan sikandin duma ku wey timbang ku kayi te ebpeveelan kedì te Megbevayà.

Pilimun 1:17

Ne emun ed-isipen a kenikew he timbang nu, ig̵alewg̵alew nu si Unisimu iring te kegelg̵elawa nu kediey.

2 Kurintu 8:6

Ne g̵eina te iyan si Tito nemuunà te vaal ziyan te keniyu te kebpenguwaa te idtavang niw ziyà te menge tumutuu he tigHudiya, midsembag̵an dey sikandin he ipelaus din en su wey kew zin metevangi te kedhimesaza kayi te ulaula mehitenged te g̵ag̵ew niw.

3 Juan 1:8

Ne tenged dutun kinahanglan he iyan ki is tumutuu ebeg̵ey ziyà te kandan su wey ki meketavang dutun te kedsengyawa zan te tutuu he tuluuwen.

Pilimun 1:24

Ebpengemusta zaan keniyu ensi Marcos, si Eristarku, si Dimas, wey si Lucas. Menge timbang ku sikandan kayi te ebpeveelan te Megbevayà.

1 Tiselunika 2:2

Su wazè niw melipati is nehitavù kenami ziyà te inged he Pilipus hein wazè key pa mekeuma ziyan te Tiselunika. Wazè key zan urami te kebpemug̵el wey te kebpeelimungawi. Ne minsan pa zutun, tenged te kedtavang te Megbevayà wazè key mahandek he ebpenudtul ziyan te keniyu te Meupiya he Tudtulanen he ebpuun diyà te kandin, iyan, nereg̵enan key utew.

Kulusas 1:7

Impenurù keniyu heini ni Ipapras he minahal he zuma zey he sulug̵uen ni Kristu. Metinumanen sikandin te menge sug̵ù ni Kristu pinaag̵i te kedtavang din kenami.

Pilipus 4:3

Ne sikew zaan is timbang ku ziyan, egkesuatan ku he tevangi nu heini is menge vahi wey zan heini metuman su mibpenigudu zan te kedtavang kedì te kedsengyawa ku te Meupiya he Tudtulanen. Ne elin daan si Clemente wey zuen pa menge zuma niw he midtavang kedì. Is menge ngazan dan te langun, ne nekesurat en diyà te libru te Megbevayà he zutun inlista zin is mibeg̵ayan te untung he wazè din pidtemanan.

2 Kurintu 12:18

Midhengyuan ku si Tito he medhendiyan te keniyu, ne impezuma ku zaan kandin is sevaha he menge suled tew. Midlimbungan kew zan be? Wazè niw egkekag̵i he iring kayi, su si Tito wey siak ne neked-iring is paag̵i zey wey ed-ul-ulahan dey su pudu memetazeng.

2 Kurintu 8:19

Ne kenà duen dà taman su nepilì sikandin te menge gurupu te menge tumutuu zini he iyan eduma kenami zutun te kedhated dey kayi te idtavang diyà te egkengeayuayu. Umba iyan key edhated su wey mevantug is Nengazen ne wey zaan metueni he utew key egkesuat he edtavang.

2 Kurintu 8:16

Dekelà is kebpeselemati zey te Megbevayà su imbeg̵ey zin ki Tito is dekelà he g̵ustu te kedtavang keniyu iring te kenami zaan he g̵ustu.

2 Kurintu 7:6

Iyan, is Megbevayà he metau he edlipey te egkengeseeng, midhimu zin he meupiya is gehinawa zey pinaag̵i te kebpekeuma ni Tito.

Lucas 5:10

Elin daan nengeinuinu zutun is menge anak ni Sibidiyu he si Santiago wey si Juan he menge zuma ni Simon te ebpenlaya. Ne migkag̵i si Jesus diyà te ki Simon te, “Kenè ka mahandek. Menlelaya ka te pait, iyan, puun guntaan iyan ku ibpeveelan kenikew is kebpen-ahà te etew wey mehimu he menge sumusundan ku.”

Lucas 5:7

Ne migkapey zan is menge zuma zan dutun te sevaha he avang wey zan mekeug̵up. Ne hein nekeuma haazà is menge zuma zan, impen-ahuk dan is pait dutun te zezuwa he avang ne samè dà kenà melavu haazà is menge avang tenged te utew nepenù.

Juan 13:16

Utew venar is egkeg̵iyen ku keniyu he is sulug̵uen, kenà lavew sikandin te egalen din, ne is sug̵ù daan, kenà sikandin lavew te midsug̵ù kandin.

1 Kurintu 11:7

Is maama mulà, ne kenà kinahanglan he egkekalù ke ed-ampù su alung sikandin te zagwey wey g̵ehem te Megbevayà. Ne is bahi, alung sikandin te zagwey te maama.

2 Kurintu 8:18

Ibpezuma zey kandin is sevaha kayi te menge suled tew he tenged te kedhag̵ù din te kedsengyawa te Meupiya he Tudtulanen, utew sikandin telehuzen te menge tumutuu te langun he menge inged.

2 Kurintu 8:22

Ne zuen pa suled tew he ibpezuma zey engki Tito. Mibpurungan ku sikandin susiya ne utew zekelà is gustu zin te edtavang te menge tumutuu, iyan, tuwas pa zekelà is gustu zin te edtavang keniyu g̵eina te zekelà is kedsarig din keniyu.

2 Timoteo 4:10

su mid-ewaan a ni Dimas tenged te iyan egkenug̵unan din is untung din dini te kelibutan. Midhendiyà sikandin te Tiselunika. Ne si Krisinti, midhendiyà te Gelasya, ne si Tito zaan, midhendiyà te Delmasya.