2 Kurintu 7:9 - Manobo Western Bukidnon

⁹ Ne g̵untaan nelipey ad, kenà tenged te neseeng kew, kekenà, tenged te mibpurungan niw is menge ulaula niw pinaag̵i zutun te kegkeseeng niw. Ne haazà is kegkeseeng niw, himan te Megbevayà umba inmeupiya niw haazà is surat dey.

2 Kurintu 7:9 Referans Kwoze

Lucas 15:7

Ne ke si Jesus te, “Egkeg̵iyen ku keniyu he iring din ded daan, utew zekelà is kelipey ziyà te langit ke zuen sevaha he mesinupaken he ed-iniyug̵an din is memezaat he ulaula zin, kenà dutun te kesiyawan wey siyew he menge etew he kunaan dan ke memetazeng is ulaula zan wey kenà kinahanglan he ed-iniyug̵an dan haazà is mezaat he ulaula zan.”

Nengeulaula 20:21

Hudiyu se kenà Hudiyu, ne wazè ku impelavi su pudu ku midweliyi he kinahanglan he edtumanen dan is ebpeveelan kandan te Megbevayà he iniyug̵i zan is menge mezaat he ulaula zan ne medtuu zan te Nengazen tew he si Jesus.

2 Kurintu 2:16

Ne haazà is menge etew he kenà ebpelibri, is ibpesavut dey kandan ne henduen be te utew memahù su nesavut dan he neangken dan en is kemetayen. Ne haazà mulà is menge etew he ebpelibri ki Kristu, is ibpesavut dey kandan, ne henduen be te utew mehemut su nesavut dan he neangken dan en is untung he wazà pidtemanan. Hentei vuwa is dait te kedsengyawa kayi te tudtul?

2 Kurintu 1:12

Duen, menge suled, idantal zey ne netuenan dey he tutuu heini, ne iyan is: layun meupiya is ulaula zey ziyà te minsan hentei he etew, lavew en diyan te keniyu. Su layun key edtuman te egkesuatan te Megbevayà ne utew hustu is tuyù dey. Wazè dey g̵emita is ketau zey te etew zà duen, kekenà, iyan igkehimuwa zey te langun is mekeg̵eg̵ehem he tavang te Megbevayà.

Lucas 15:10

Ne migkag̵i si Jesus med-uman te, “Egkeg̵iyen ku keniyu he iring kayi is kedlipey ziyà te langit te menge velinsug̵uen te Megbevayà emun duen sevaha he mesinupaken he ed-iniyug̵an din is memezaat he ulaula zin.”

Lucas 15:32

Ne kenè ta egkeeg̵en is kelipey ta, su heini is hazi nu, ne iring sikandin te minatey, ne g̵untaan neuyag̵an en. Netazin sikandin, ne g̵untaan neturedu en.’ ”

Mateo 3:8

Emun tutuu he mid-iniyug̵an niw en is ulaula niw he mezaat, ipeehè niw pinaag̵i te menge meupiya he vaal niw.

2 Kurintu 7:8

Su minsan ke pinaag̵i zutun te surat ku ne neseeng kew, neisip ku he meupiya utew te neveelan ku haazà. Hein aney, nekedsendit a su maan is neveelan ku is nehimu he ingkeseeng niw, iyan, petuluy zà naawà haazà is kegkeseeng niw.