2 Kurintu 7:5 - Manobo Western Bukidnon

⁵ Ne hein nekeuma key en dini te prubinsya he Mesidunya, wazè key g̵ihapun meewai te menge seeng dey. Su nereg̵enan key te mezakel he samuk. Mibpekidtebek kenami is menge kuntada zey ne ingkeipeng dey is menge tumutuu.

2 Kurintu 7:5 Referans Kwoze

2 Kurintu 2:13

Iyan, utew zutun nesemuki is gehinawa ku su kenè ku egketuredu is suled tew he si Tito. Ne tenged kayi, mid-ewaan ku is menge tumutuu he meg̵inged dutun ne midlaus a ziyà te prubinsya he Mesidunya.

Nengeulaula 20:1

Ne si Pablo, hein mid-engked is menge etew he edsinamuk, midtig̵um din is menge sumusundan. Midweliyan din sikandan su wey meheg̵et is kedtuu zan ne impesavut din he edhipanew en sikandin. Ne migenat ne midlikù diyà te prubinsya he Mesidunya.

1 Tiselunika 3:5

Ne tenged kayi hein kenè ku en egkeantus is kegkeipeng ku keniyu, midsug̵ù ku ziyan si Timoteo wey ku metueni ke nemenumenu en is kedtuu niw. Nahandek a su kela ke nepenulayan kew ni Setanas ne naawà is pulus te kedhag̵ù dey ziyan te keniyu.

Gelasya 4:11

Utew ku sikiyu igkeipeng su kela ke kenà ebpulus is langun he impenurù ku keniyu.

2 Kurintu 2:9

Umba mibpeuwitan ku sikiyu te surat ku su wey ku maahà ke metinumanen kew ve te langun he menge sug̵ù ku.

2 Kurintu 2:3

Umba, menge suled, iyan mibeelan ku zutun is mibpeuwitan ku zà sikiyu te surat. Su kenè ku zutun egkesuatan he ebpenumbaley a ziyan su netuenan ku he sikiyu is menge etew he kinahanglan pezem he iyan igkelipey ku, ne igkeseeng ku zutun. Ne netuenan ku zaan he emun egkelipey a, egkelipey kew zaan.

1 Kurintu 16:5

Edhendiyan a te Kurintu emun egketapus ku is tuyù ku ziyà te prubinsya he Mesidunya su egkeisip ku he ziyà a ebayà te Mesidunya.

1 Kurintu 15:31

Su andew-andew, menge suled, egkeisip ku he kela ke edhimetayan a te menge kuntada te Megbevayà. Utew tutuu heini, menge suled; tutuu zaan he utew ku sikiyu igkelipey tenged te kedtuu niw te Nengazen tew he si Jesu Kristu.

Ruma 15:26

Su is menge tumutuu zini te prubinsya he Mesidunya, wey te prubinsya he Gerisya, neisip dan he meupiya ke ebeg̵ey zan te tavang diyà te menge tumutuu he egkengeayuayu ziyà te inged he Hiruselim.