2 Kurintu 7:2 - Manobo Western Bukidnon

² Mahala key keniyu ziyan te g̵ehinawa niw su wazè dey salà te minsan hentei ziyan; wazà minsan hentei ziyan he nezeetan dey is kedtuu zin. Wazà minsan hentei ziyan he midlimbungan dey.

2 Kurintu 7:2 Referans Kwoze

2 Kurintu 11:9

Ne hein diyan a te keniyu ke zuen kinahanglan ku he selapì, wazè ku vuyua ziyan te keniyu su is menge suled tew he ebpuun diyà te prubinsya he Mesidunya, imbeg̵ey zan kedì is minsan hengkey he egkinehenglanen ku. Sikiyu is tigGerisya, wazè ku pa sikiyu vuyui te igkeuyag ku, ne kenà daan egkehimu he ebuyù a ziyan te keniyu te minsan keenu he timpu.

Nengeulaula 20:33

Is selapì wey minsan manggad te minsan hentei keniyu, kenà iyan tuyù ku.

2 Juan 1:10

Ke zuen ebpekeuma he minsan hentei he ebpenurù te tuluuwen ne kenè din iyan ibpenurù is tutuu he tuluuwen he impenurù ni Kristu, kenè niw ipepemenahik diyan te valey niw. Kenè niw zaan igalewg̵alew sikandin.

Ruma 16:18

Su is menge etew he ed-ulaula te iring kayi, kenè dan edtumanen is sug̵ù te Nengazen tew he si Kristu, kekenà, iyan dan edtumanen is kandan he menge suat. Pinaag̵i te ketau zan te kegkag̵i wey pinaag̵i te mekempet he egkeg̵iyen dan, egkeekalan dan is isip te menge paglung he etew.

Mateo 10:40

Is etew he edawat keniyu, edawat daan kediey; ne is edawat kediey, edawat daan te Megbevayà he midsugù kedì.

Mateo 10:14

Ne ke zuen inged he wazà dutun egalewg̵alew keniyu, wey ke wazà ebpemineg te ibpesavut niw kandan, ewai niw sikandan wey tektaka niw is menge eliyavuk diyà te menge paa niw he tuus diyà te kandan he edsilutan sikandan te Megbevayà.

Pilimun 1:17

Ne emun ed-isipen a kenikew he timbang nu, ig̵alewg̵alew nu si Unisimu iring te kegelg̵elawa nu kediey.

Pilimun 1:12

Ibpeulì ku en diyan te kenikew si Unisimu he utew ku pezem minahal.

1 Tiselunika 2:10

Ebpeketistig̵us kew, ne ebpeketistig̵us daan is Megbevayà he hein diyan key te keniyu te nemeketuu wazà igkesewayi te menge ulaula zey, kekenà, metazeng key wey metinumanen key te egkesuatan te Megbevayà.

Kulusas 4:10

Ebpengemusta keniyu si Eristarku he zuma ku he pirisu. Si Marcos, is id-ag̵ew ni Bernabe, ne ebpengemusta zaan keniyu. Gelg̵elawa niw sikandin emun ebpekeuma ziyan. Netuenan niw en is intelaan ku keniyu mehitenged kandin.

Pilipus 2:29

Umba, kinahanglan he meg̵alew kew te kebpekeuma zin su suled tew sikandin tenged te kedtuu zin te Nengazen. Is langun he iring kayi he etew, tehuza niw

2 Kurintu 11:16

Edsublien ku te egkag̵i he kinahanglan he kenà isipa te minsan hentei keniyu he tulebung a tenged te menge lalag ku keniyu. Iyan, minsan ke ed-isipen niw he tulebung a, entusa niw te ebpemineg su wey a mekezantal te kenà utew egkeug̵et.

2 Kurintu 4:2

Sikan is menge mahawag he ulaula he meeles he ebeelan te zuma, kenè dey mulà ebeelan. Kenè key edtarùtarù ne kenè dey edhelinen is Lalag te Megbevayà, kekenà, hustu is kedsengyawa zey su wey mesavut te minsan hentei he kenà tarù is ebeelan dey. Iyan edsusi kayi is Megbevayà.

2 Kurintu 1:12

Duen, menge suled, idantal zey ne netuenan dey he tutuu heini, ne iyan is: layun meupiya is ulaula zey ziyà te minsan hentei he etew, lavew en diyan te keniyu. Su layun key edtuman te egkesuatan te Megbevayà ne utew hustu is tuyù dey. Wazè dey g̵emita is ketau zey te etew zà duen, kekenà, iyan igkehimuwa zey te langun is mekeg̵eg̵ehem he tavang te Megbevayà.

Lucas 10:8

Ne emun ebpekeuma kew ziyà te inged ne zuen egalewg̵alew keniyu, minsan hengkey is keenen dan he ibpekaan dan keniyu, ne keena niw.