2 Kurintu 5:20 - Manobo Western Bukidnon

²⁰ Umba midsug̵ù key ni Kristu su wey pinaag̵i kenami ebpekehangyù keniyu is Megbevayà. Ne tenged ki Kristu edhengyuan dey zaan sikiyu he itug̵ut niw he himuwa kew te Megbevayà he menge emig̵u zin.

2 Kurintu 5:20 Referans Kwoze

Lucas 14:23

Ne midtavak haazà is egalen din te, ‘Hendiyè ka te menge unayan wey vuntud ne ikula nu is menge zalan dutun ne teg̵ela nu is menge etew zutun he medtelavuk dan kayi te keemuran ku su wey mepurung meenget te menge etew heini is baley ku.

Ipisu 6:20

Umba nehimu a he sulug̵uen te Megbevayà su wey ku ikepenudtul heini is Meupiya he Tudtulanen. Ne tenged daan kayi te kebpenudtul ku, nehimu a he pirisu. Umba, menge suled, iampù a su wey kenà a mahandek te kebpenudtul su iyan heini ketengdanan he imbeg̵ey kediey te Megbevayà.

2 Kurintu 5:11

Ne g̵eina te netuenan dey he utew mekehandekhandek keuzemà haazà is kedsusiya te Nengazen te menge ulaula te menusiyà, edhimuwen dey pezem is taman te egkehimu zey wey meketuu is menge etew. Netuenan te Megbavayà he kenà mezaat is tuyù dey, ne egkesuatan ku he metueni niw zaan heini.

Juan 20:21

Ne mid-uman si Jesus megkag̵i ziyà te kandan te, “Mebmelinawen kew. Ne iring te midsug̵ù a te Amey tew he Megbevayà, edsug̵uen ku zaan sikiyu.”

2 Kurintu 3:6

Su iyan sikandin ebeg̵ey kenami te ketau wey zey ikepenurù is beg̵u he paag̵i he midtukud din te kebpekidsevaha zin te menusiyà. Ne wazà heini is beg̵u he paag̵i iveg̵ey pinaag̵i te insurat he kesug̵uan, kekenà, imbeg̵ey zin heini kenitew pinaag̵i te Wag̵as he Mulin-ulin. Su emun iyan ta edserig̵an is kedtumana ta te kesug̵uan, ne kemetayen he wazà pidtemanan is ebperetengen ta. Iyan, ke ibeg̵ey kenitew is Wag̵as he Mulin-ulin ne untung he wazà pidtemanan is ebperetengen ta.

Lucas 10:16

Ne zutun migkeg̵iyan din haazà is menge sumusundan din te, “Is minsan hentei he etew he ebpemineg te ibpenurù niw, ne iring te iyan e zin nepemineg. Ne sikan is etew he kenè kew zin edseg̵ipaan, ne iring te iyan a wazè din seg̵ipaa. Ne sikan is etew he kenà edseg̵ipà kedì, ne iyan wazè din seg̵ipaa is Megbevayà he midsug̵ù kedì.”

1 Tiselunika 4:8

Emun ebpesegdanen niw heini is penurù ku keniyu, kenè niw iyan dà egkepesagdan is penurù te etew, kekenà, iyan niw egkepesagdan is penurù te Megbevayà. Iyan sikandin kes mibeg̵ey kenitew te Wag̵as he Mulin-ulin.

2 Kurintu 6:1

Ne g̵eina te nehimu key en he menge timbang te Megbevayà, edhengyuan dey sikiyu he himuwa niw he mebpulus is gag̵ew zin keniyu.

Ruma 5:10

Su zutun te timpu zengan he kemulu ki kuntada te Megbevayà, tenged te kebpehimatey te Anak din, nehimu ki he emig̵u zin. Ne emun iyan haazà, guntaan te emig̵u ki zin en, wey ki pe be kenà mehimu he melibri keuzemà te silut tenged te nevanhew en sikandin.

2 Kurintu 12:10

Ne meupiya en utew te g̵ehinawa ku is kurang ku te ketau, is kedsumpelita wey is pesipala kediey te menge etew, wey is menge kemereg̵enan wey is kemeresayan tenged te kedtuu ku ki Kristu. Su netuenan ku he emun wazè en kediey he ketau, dekelà is ibeg̵ey kediey ni Kristu he ketau.

Kulusas 1:20

Ne egkesuatan din daan he pinaag̵i te Anak din meked-uliey te meupiya he kedepità sikandin wey is minsan hentei zini te tanà wey ziyà te langit. Ne pinaag̵i te kedtig̵is duen te lengesa te Anak din diyà te krus egkehimu he menge emig̵u zin is minsan hentei.