2 Kurintu 13:11 - Manobo Western Bukidnon

¹¹ Menge suled, iyan dà heini menge lalag ku keniyu; berakat he mebmelipayen kew. Purungi niw is menge ulaula niw; tumana niw is menge sambag ku keniyu. Kinahanglan he mesevaha is gehinawa niw ne mebmelinawen is ked-ubpè niw. Su emun ebeelan niw heini, is Megbevayà he iyan puunà te g̵ag̵ew wey kelinew, layun eduma keniyu.

2 Kurintu 13:11 Referans Kwoze

Hibriyuhanen 12:14

Himuwa niw is taman te egkehimu niw su wey melinew is kebpekidepitè niw te minsan hentei ne wey niw metuman is metazeng he ulaula su emun kenè ki metazeng kenè ta is Megbevayà egkeahà keuzemà.

1 Kurintu 1:10

Menge suled ku tenged te kedtuu, duen idhangyù ku keniyu pinaag̵i te kebayàbayà kenitew te Nengazen tew he si Jesus; iyan is: kinahanglan he kenè kew mevahinbahin, kekenà, uyun-uyun kew su wey mesevaha is isip niw wey g̵ehinawa niw.

Ruma 12:16

Kinahanglan he mesevaha is gehinawa niw te menge tumutuu. Kenè kew mebmepelevawen, kekenà, mebpekiduma kew te menge etew he minus is pid-etawan dan. Ne kenè niw isipa he uluwanen kew kenà sikandan.

Ruma 15:33

Is Megbevayà he iyan puunà te kelinew, berakat he ulini kew zin.

Ruma 12:18

Himuwa niw is taman te egkehimu niw su wey melinawen is kebpekesavuk niw, ne wazà igkepeuki keniyu te minsan hentei.

Marcos 9:50

Ne kenà duen dà taman su meupiya is timus su ibmetaam te egkeenen, iyan, ke egkeawà duen te timus is taam din, wazè en paag̵i he ebpekelikù pa ebpekeuman is taam din. Ne iring din ded daan kinahanglan he iring te timus is menge ulaula niw wey kew mehimu he ibmeupiya te menge etew ne kinahanglan he mebmelinawen is kedepitè niw te kada sevaha keniyu.”

1 Pedro 3:11

Engkezi zin en is memezaat he ulaula ne layun meupiya is menge ulaula zin. Layun din pen-ahaa is melinawen he kedepitè dan te menge zuma zin.

2 Kurintu 13:14

Berakat he ikeg̵ag̵ew kew te Nengazen tew he si Jesu Kristu wey verakat he ipeehè keniyu te Megbevayà he mahal kew ziyà te g̵ehinawa zin wey verakat daan he meheg̵et is upakat niw te Wag̵as he Mulin-ulin. Iyan a si Pablo.

2 Kurintu 13:9

Egkelipey ad emun wazè niw supak, minsan ke henduen te wazè dey keg̵ehem. Ne kenà duen dà taman su id-ampù dey he mepurung meheg̵et is ked-ul-ulaha niw te hustu.

1 Pedro 5:10

Mevavè dà is ked-antus niw ne edheg̵eten te Megbevayà is kedsarig niw kandin. Ebig̵eran kew zin, edlig-enan kew zin wey ebeg̵ayan kew zin te zesen. Iyan sikandin puunà te minsan hengkey he tavang kenitew. Midhimu kiw zin he tumutuu su wey pinaag̵i te kebpekidsevaha tew ki Kristu mekeambit kiw te wazà pidtemanan he utew kegkelavew zin.

1 Pedro 3:8

Duen pa egkeg̵iyen ku keniyu te langun ne iyan is: kinahanglan he mesevaha is isip niw wey g̵ehinawa niw. Mebpepurpurungè kew wey megig̵ineg̵awè kew su iring kew en te teltelesuled. Kinahanglan he memetulanged kew wey kenè kew menge mepelevawen.

Santiago 1:4

Ne utew zaan kinahanglan he kenà mehugkà is kebpurung niw ked-antus su emun ebpurung ki ed-antus te merasey egkehimu ki he metau wey wazà igkesewayi kenita wey wazà kurang te kedtuu ta te Megbevayà.

2 Tiselunika 2:16

Berakat he lipaya kew wey lig-eni kew te Nengazen tew he si Jesu Kristu wey te Amey tew he Megbevayà su wey meupiya is langun he menge vaal niw wey is langun he menge lalag niw. Mahal kiw layun diyà te g̵ehinawa zin ne pinaag̵i te g̵ag̵ew zin kenitew zuen tew igkelipey he wazè din pidtemanan wey zuen tew zaan utew meupiya he ebperetengen.

1 Tiselunika 4:1

Ne g̵untaan, menge suled, tenged te kegkesevaha tew te Nengazen tew he si Jesus, duen ebuyuen dey wey edhengyuen dey ziyan te keniyu. Impenurù dey keniyu is ed-ul-ulahan he egkesuatan te Megbevayà, ne mid-ulaula niw en. Iyan, edhengyuen dey keniyu he ipeiseg niw pa is ked-ul-ulaha niw kayi.

Pilipus 4:9

Pen-ul-ulaha niw heini is langun he impenurù ku, wey impesavut ku keniyu pinaag̵i te menge lalag ku wey pinaag̵i zaan te menge ulaula ku. Ne zutun, is Megbevayà he iyan puunà te kelinew tew te wazè din pidtemanan, iyan ed-ulin keniyu.

Pilipus 1:27

Menge suled, ke minsan hengkey is egkehitavù kediey, utew kinahanglan he is menge ulaula niw, ne kenà ebpekesuwey te impenurù ni Kristu pinaag̵i te Meupiya he Tudtulanen. Su emun kenè kew edsuwey kayi, minsan ke kenà a ebpekelikù diyan, egketudtulan a he nesevaha is gehinawa niw wey tuyù niw te kedhag̵ù su wey metuuwi te mezakel he menge etew is Meupiya he Tudtulanen.

Ruma 16:20

Ne emun iyan heini egkehitavù, is Megbevayà he iyan puunà te kelinew, meg̵aan din en edhimuwa he mepurung niw mezaag si Setanas. Berakat he ikeg̵ag̵ew kew te Nengazen tew he si Jesu Kristu.

Ruma 15:13

Is Megbevayà he iyan puunà te langun he meupiya he ebpeebuten tew, berakat he veg̵ayi kew zin te utew zekelà he kelipey wey melinawen he kebpekesavuk tenged te kedtuu niw kandin su wey pinaag̵i te g̵ehem te Wag̵as he Mulin-ulin meheg̵et is kebpeebuta niw te langun he meupiya he egkezawat niw keuzemà.

Impezayag 22:21

Sikiyu is langun he menge g̵aked te Megbevayà, ikeg̵ag̵ew kew te Nengazen tew he si Jesus.

Hibriyuhanen 13:20

Is Megbevayà, mibanhew zin is Nengazen tew he si Jesus. Midtig̵is is lengesa zin he iyan tuus te veg̵u wey wazà pidtemanan he paag̵i te kebpekidsevaha tew te Megbevayà. Ne tenged dutun nehimu si Jesus he mekeg̵eg̵ehem he ed-elima kenitew te menge kerehidu zin.

2 Timoteo 2:22

Iniyug̵i nu is menge mezaat he kebayà te menge menguhed. Hemeni nu is metazeng he ulaula; layun ka sarig te Megbevayà; mahala nu ziyà te g̵ehinawa nu is minsan hentei he tumutuu; peniguduwi nu he melinew is kedepitè niw te menge zuma nu su iyan heini menge ulaula te langun he menge etew he ebpetavang te Megbevayà tenged te iyan dà egkesuatan dan is kedtumana zan te menge sug̵ù din.

2 Tiselunika 3:16

Berakat he iveg̵ey keniyu te Nengazen is melinawen he g̵ehinawa te minsan keenu he timpu wey te minsan hengkey is kebpekesavuk niw. Iyan sikandin ebeg̵ey te kelinew. Dumahi kew is langun te Nengazen.

1 Tiselunika 5:23

Is Megbevayà, ne iyan ebeg̵ey te kelinew, berakat he purungi zin lumpiyuwi is ulaula niw. Lig-eni zin is tivuuk he g̵ehinawa niw, isip niw, wey lawa niw su para wazà igkesewayi keniyu keuzemà te kedlikù te Nengazen tew he si Jesus.

1 Tiselunika 5:16

Ne g̵eina te nekidsevaha kew ki Jesu Kristu, iyan ebpeveelan keniyu te Megbevayà is: layun kew medlipey, layun kew med-ampù, wey layun kew mebpeselamat te Megbevayà minsan hengkey is egkeulaula niw.

1 Tiselunika 5:13

Kinahanglan he utew niw sikandan tehuza wey mahala tenged te menge vaal zan diyan te keniyu. Ne kinahanglan he melinew is kedepitè niw te kada sevaha.

1 Tiselunika 4:18

Umba ipedlilipayè niw heini is egkeg̵iyen ku.

Pilipus 4:4

Egkeg̵iyan ku sikiyu he sigudu kew lipey tenged te kebpekidsevaha niw te Nengazen, su meupiya ke zekelà layun is kelipey niw.

Pilipus 4:2

Edhengyuan ku sikiyu, Ibudya wey Sintiki, he melinew is kebpekid-upakat niw su telesuled kew tenged te upakat niw te Nengazen.

Pilipus 3:16

Iyan, kinahanglan guntaan he edtumanen tew is daan he impenurù kenitew te Megbevayà.

Ipisu 6:23

Is Amey tew he Megbevayà wey is Nengazen tew he si Jesus, berakat he sikiyu is menge suled dey, tuvazi kew zan te melinawen he kebpekesavuk, wey ipeehè dan keniyu is kebmahala zan keniyu ziyà te g̵ehinawa zan wey heg̵eta zan is kedtuu niw kandan.

2 Kurintu 1:4

Edtevangan kiw zin te langun he menge seeng tew ne tenged kayi ebpeketavang kiw zaan te zuma he etew he zuen din minsan hengkey he seeng. Is idtavang tew kayi, ne iyan ded is intavang kenitew te Megbevayà.

Nengeulaula 23:30

Ne hein netuenan ku he ed-eyanan sikandin te menge Hudiyu, neisip ku he ibpeuwit diyan. Ne migkeg̵iyan ku is menge midsumbung kandin he ziyan dan ebpekeetuvang te kenikew.”

Nengeulaula 18:21

Su ke sikandin dutun te kegenat din te, “Edlikù a zini ke edtug̵ut is Megbevayà.” Ne nekeuntud te barku ne mid-awà diyà te Ipisu.

Nengeulaula 15:29

Ne iyan is: kenè niw keena is impemuhat diyà te kenà tutuu he Megbevayà. Kenè niw keena is lengesa, ne kenè niw zaan keena is edlepaan he kenà ebpekelelengesa; kenè niw hileveti is kenè niw esawa. Emun edtumanen niw heini, meupiya en. Iyan dà heini lalag dey.”

Juan 17:23

Su ziyà a te kandan ne zini ka zaan te kedì wey mehustu is kegkesevaha te isip dan su wey metueni te tivuuk he menusiyà he midsug̵ù a kenikew, ne wey metueni zaan te menusiyà he mahal sikandan diyan te g̵ehinawa nu iring daan te mahal a ziyan te g̵ehinawa nu.

Lucas 9:61

Ne zuen pa zutun sevaha he etew he egkag̵i zaan diyà te ki Jesus te, “Datù, edsundan a kenikew, iyan, ed-ulì e pa su ibpesayud ku is bevelayan ku.”

Marcos 10:49

Ne zutun te kegkezineg̵a ni Jesus kayi te ebpengumew, midteren sikandin ne migkag̵i te, “Ipehendini niw heeyan is etew.” Ne zutun migkeg̵iyan te menge etew haazà is lakap te, “Na, hitindeg kad su ibpehendiyè ke zin.”

Mateo 5:48

Kinahanglan he meheg̵et is kebpurungi niw te minsan hentei. Su kes Amey tew ziyà te langit, utew meheg̵et is kebpurungi zin te menusiyà.”

Mateo 1:23

“Ebmeg̵ingey is rag̵a ne id-anak din is maama, ne iyan ngazan te vatà si Imanwil,” he ke và dà egkeg̵iya, nekeamur is Megbevayà kenitew.

Ipisu 4:3

Purungi niw is menge ulaula niw su wey kenà maawà is kegkeupakat niw he imbeg̵ey keniyu te Wag̵as he Mulin-ulin su pinaag̵i kayi te upakat egkesevaha is gehinawa niw.

Ruma 14:19

Umba ebpurungan ta is menge ulaula ta su wey kenà maawà is melinawen he kebpekidepitè ta te menge zuma ta ne wey zaan meheg̵et is kedtuu te kada sevaha kenitew.

Ipisu 4:12

Umba imbeg̵ey zin heini is menge ketau su wey kiw mehimani ne wey tew meulaula is ebpeveelan kenitew te Megbevayà ne wey melig-eni is kedtuu tew te menge tumutuu he iyan lawa ni Kristu.

1 Tiselunika 3:10

Su maandew wey mezukilem ebpenigudu key ed-ampù he itug̵ut din he memeked-uuma kiw en maan wey zey meheg̵et is kedtuu niw ke zuen din kurang.

2 Tiselunika 3:1

Ne g̵untaan, menge suled, iampù key keniyu wey meg̵aan mekeeneb ne mezawat diyà te minsan hendei is kebpesevuta zey te Lalag te Nengazen iring te kegkezewata niw kayi ziyan te keniyu.