2 Kurintu 10:3 - Manobo Western Bukidnon

³ Tutuu iyan he etew key zà duen, iyan, is paag̵i te kedsukuli zey te mezaat, ne kenà ebpuun te isip te etew zà duen.

2 Kurintu 10:3 Referans Kwoze

2 Kurintu 10:4

Su is menge ketezengan, he ke và dà gumaan, he idsukul zey te mezaat, ne kenà ebpuun te etew, kekenà, mekeg̵eg̵ehem utew su ziyà ebpuun te Megbevayà. Ne heini is menge ketezengan, kenà egkesukulan te minsan hengkey he tarù he ketezengan he igkuntada te Megbavayà minsan ke utew melig-en.

Gelasya 2:20

Tenged te kedsarig ku ki Kristu, inransang a te krus duma kandin su elili ku sikandin. Minatey a, iyan, uuyag a g̵ihapun su zini ed-ubpà te kediey si Kristu ne heini is kebpengungubpaan ku zini te kelibutan, pinaag̵i zà te kedsarig ku kandin te Anak te Megbevayà. Mahal a ziyà te g̵ehinawa zin ne mibpehimatey sikandin he elili kediey su wey a melibri.

Ruma 8:13

Su emun kenè niw iyan ed-iniyug̵an is menge suat te lawa niw, edsilutan kew te kemetayen he wazè din pidtemanan, iyan, ke pinaag̵i te kedtavang te Wag̵as he Mulin-ulin egkeiniyug̵an niw is menge mezaat he ulaula niw, ebeg̵ayan kew te untung he wazè din pidtemanan.

2 Timoteo 4:7

Nepasad ku en is kebenggaa kedì te Megbevayà; nekeuma ad te edungguan te edlumbà. Hustu is ked-ikula ku te tutuu he tuluuwen.

1 Timoteo 1:18

Ne sikew, Timoteo he anak ku, edteleenan ku sikew he ipenurù nu te menge etew heini is migkag̵i ku. Sungkad heini te netagnà dengan mehitenged kenikew. Ne idtelaan ku zaan he sumalà haazà is netagnà, pekezesen ka te kedsundaru nu tenged ki Jesu Kristu.

Hibriyuhanen 12:1

Ne sikitew zaan, menge suled, kayi te kedtuu tew te Megbevayà, ne iring kiw te ebpelumlumbeey. Ne g̵eina te utew mezakel is menge tumutuu zengan he nekepaahà kenitew he metinumanen is Megbevayà, kinahanglan he ed-engkezan tew en is minsan hengkey he ebpekesanggen kenitew te edlumbà wey is kenà hustu he ulaula he henduen be te layun tew egkeulaula, ne ebpekezesen kiw te ebpelelag̵uy taman te ebpekeuma kiw ziyà te edungguan tew.

Ruma 7:5

Su zengan hein kemulu tew pa edtumana is kenitew he kebayà, duen menge ulaula he indawey te kesug̵uan, ne tenged te indawey heini, ne nasì nehimu he iyan daan heini utew tew egkesuatan te ed-ulaula. Ne tenged te mid-ulaula tew is iring dutun, iyan dà egkepaabut tew zengan is kemetayen he wazè din pidtemanan.

Ruma 8:4

Umba mid-ulaula heini te Megbevayà su wey ki meketuman te hustu sumalà is insug̵ù te kesug̵uan. Ne egkehimu heini su wazè en kinahanglan he edtumanen ta is mezaat he suat te lawa ta, kekenà, ebpeketuman ki te hustu su edtevangan ki te Wag̵as he Mulin-ulin.

2 Kurintu 1:17

Ne g̵eina te wazè ku heini metuman kunaan niw vuwa ke layun edhalinhalin is isip ku. Kunaan niw vuwa zaan ke iring is menge isip ku te isip te etew he iyan ebayàbayà kandin is kandin dà he mezaat he suat. Kunaan niw ke zutun te kegkag̵i ku he ebpehendiyan a ne iyan bes neseled dini te g̵ehinawa ku is kenà a ebpehendiyan.