1 Tiselunika 1:9 - Manobo Western Bukidnon

⁹ Nezineg dan en ne iyan sikandan ebpenudtul mehitenged te kegelg̵elawa niw kenami. Ebpenudtul zan he mid-engkezan niw kes ked-azap te menge kenà tutuu he ed-ezapen. Mid-engkezan niw kun wey kew mekeazap te tutuu he Megbevayà he wazè din kemetayen.

1 Tiselunika 1:9 Referans Kwoze

1 Timoteo 4:10

Tenged kayi ebpenigudu ki edhag̵ù wey metuuwi heini te langun he menge etew su nekesarig ki en te wazè din kemetayen he Megbevayà ne iyan sikandin Menluluwas te langun he menge etew, lavew en is menge tumutuu kandin.

1 Kurintu 12:2

Netuenan niw he zengan te wazè kew pa meketuu ki Jesus ne zuen ebpengelintau keniyu he mekeazap kew te menge ledawan, ne pinaag̵i kayi te menge wazè dan gehinawa he ledawan ne layun egketazin dengan is menge isip niw.

1 Tiselunika 2:13

Ne elin daan layun dey ibpeselemati te Megbevayà is: hein impesavut dey keniyu is Lalag te Megbevayà, midawat niw su nesavut niw he Lalag te Megbevayà ne kenà lalag te etew zà duen. Su pinaag̵i te lalag din egkelig-enan is kedtuu tew te nemeketuu kandin.

1 Tiselunika 2:1

Menge suled, netuenan niw en he mibpulus is kedhendiyan dey te inged niw.

Nengeulaula 14:15

“Maan is ed-ezapen key keniyu, menge suled? Menge etew key zà daan; menusiyè key zaan iring keniyu! Midhendini key te inged niw wey zey ikepesavut keniyu is Meupiya he Tudtulanen wey niw meengkezi heini is menge ulaula niw he wazè din pulus ne wey niw zaan tuuwi is Megbevayà he wazè din kemetayen. Iyan sikandin nenlimbag te langit wey tanà wey zag̵at wey is minsan hengkey he tag̵ù kayi.

Impezayag 17:2

Nekehilavet kandin is menge hadì diyà te kelibutan. Ne is binu zin, he ke và dà egkeg̵iya, is ked-ezapa zin te menge ledawan, ingkelangut te menge meg̵inged diyà te kelibutan.”

Hibriyuhanen 12:22

Iyan, sikitew mulà, kenà iring dutun is ked-uvey tew te Megbevayà su iring te ed-uvayan tew is buntud he Siyun he zutun is inged te Megbevayà he wazè din kemetayen. Iyan haazà kes inged he Hiruselim diyà te langit he zutun nengetig̵um is egkengelipey he edliblibuwen he menge velinsug̵uen te Megbevayà.

Ruma 9:26

Ne zuen daan Lalag te Megbevayà, he edhenduen te, “Ne heini is menge etew he kenà Hudiyu, egkehimu he zutun te inged he migkeg̵iyan ku sikandan he kenè dan menge sakup ku, egngezanan ku sikandan gihapun he menge anak ku te wazè din kemetayen he Megbevayà.”

Mateo 16:16

Ne zutun midtavak si Simon Pedro te, “Iyan ka sikan is mibpilì te Megbevayà he ibpahadì din te menusiyà; iyan ka sikan is Anak te wazè din kemetayen he Megbevayà.”

1 Juan 5:21

Menge anak ku, likayi niw is ked-ezapa te minsan hengkey he kenà iyan is tutuu he Megbevayà.