1 Timoteo 4:11 - Manobo Western Bukidnon

¹¹ Heini is menge sug̵ù ku wey penurù ku kenikew, isug̵ù nu wey ipenurù nu zaan diyà te menge zuma nu.

1 Timoteo 4:11 Referans Kwoze

1 Timoteo 6:2

Ke tumutuu ki Kristu is egalen, kinahanglan he kenà maawà is kedtahud kandin te sulug̵uen din he tumutuu tenged te telesuled dan pinaag̵i ki Kristu. Kinahanglan he tuwas pa he meupiya is baal te sulug̵uen din tenged te tumutuu wey minahal te Megbevayà sikan is egketevangan dan pinaag̵i te vaal zan. Iyan heini ipenurù nu wey ipesavut nu ziyà te menge tumutuu.

1 Timoteo 5:7

Heini is impenurù ku, ipurung nu isug̵ù diyà te menge tumutuu ziyan su wey wazà igkesewayi kandan.

Tito 2:15

Ne heini is langun he migkag̵i ku, ipenurù nu ziyà te menge etew ziyan. Gemita nu is keg̵ehem nu te kebayàbayà kandan. Sembag̵i nu wey dewaya nu sikandan. Kinahanglan he kenè ka lulupig̵an te minsan hentei.

Tito 3:8

Utew tutuu heini is impesavut ku kenikew. Egkesuatan ku he ipurung nu ipenurù heini ziyan su utew hustu wey zekelà is pulus kayi ziyà te minsan hentei. Ne emun nesavut en heini te menge tumutuu te Megbevayà iyan dekelà diyà te g̵ehinawa zan is ked-ul-ulaha zan te meupiya.

2 Timoteo 4:2

Ne tenged kayi iyan idtelaan ku kenikew is: ipesavut nu is Lalag te Megbevayà. Kinahanglan he layun ka andam te kebpesevuta te lalag din te minsan keenu he timpu ke zuen egkesuat he ebpemineg wey ke wazà. Dewaya nu is menge etew, sembag̵i nu he med-iniyug dan te mezaat he ulaula. Hengyui nu sikandan. Kinahanglan he layun ka mepelevayen is ebpenurù kandan.