1 Pedro 2:20 - Manobo Western Bukidnon

²⁰ Iyan, kenè ki zait he edtuvazan te meupiya emun iyan igkeentusa ta te kedsiluti kenita is mezaat he ulaula ta. Iyan, ke ebpekeantus ki te merasey te wazà mezaat he mid-ulaula ta, edtuvazan ki te Megbevayà.

1 Pedro 2:20 Referans Kwoze

1 Pedro 2:19

Su edtuvazan ki te Megbevayà emun tenged te kedtumana ta te egkesuatan din, egkeantus ta is kedresaya kenita te egalen ta minsan pa te wazè ki mekesalà.

1 Pedro 3:17

Deyzey ke ebpekeantus ki te merasey tenged te metazeng is ulaula ta, ke iyan intuvad kenita te Megbevayà, kenà ke ebpekeantus ki te merasey tenged te mezaat is ulaula ta.

1 Pedro 3:14

Iyan, minsan ke ebpekeantus kew te kebpesipala tenged te metazeng is ed-ul-ulahan niw, medlipey kew. Kenè kew mahandek te etew zà duen ne kenè kew meseeng.

Lucas 6:32

Kenè nu isipa he edsuhulan ka te Megbevayà emun iyan nu zà igkesuat is menge etew he igkesuat ke zan daan su minsan is menge mesinupaken he etew, ne igkesuat dan daan is menge etew he egkesuat kandan.

Mateo 5:47

Ne emun iyan niw zà idtetepian is menge emig̵u niw, hengkey is igkezelig̵i keniyu? Wazà, su minsan is menge etew he wazà med-azap te Megbevayà, ed-ul-ulahan dan is iring kayi.

1 Kurintu 4:11

Sikami, minsan guntaan, egkealang-alang key te egkeenen dey wey ed-inumen dey; ebpemug̵elen key ne minsan is hustu he ugelingen dey, ne wazà. Ne minsan is ed-ubpaan dey ne wazà daan.

Marcos 14:65

Ne is menge zuma zutun, mid-ilevan dan si Jesus, ne mibedbed dan is mata zin ne midsumbag dan te egkag̵i te, “Tegnaa nu ke hentei is midsumbag kenikew!” Ne migewezan sikandin te menge sundaru zutun ne mibpenabpì dan sikandin.

Mateo 26:67

Ne zutun mibpengilevan dan is ulu ni Jesus; ne mibug̵el zan. Ne is duma, midtabpì kandin

Pilipus 4:18

Nezawat ku en is impeuwit niw ne utew subra is imbeg̵ey niw. Ne kenà ad egkealang-alang su inhated en ni Ipepruditu zini is idtavang niw kedì. Iring heini te pemuhat he utew mehemut, he ke và dà egkeg̵iya, utew igkesuat te Megbevayà.

Ipisu 5:10

Purungi niw istudyuwi ke hengkey is menge ulaula he egkesuatan te Nengazen.

Gelasya 4:18

Utew meupiya ke ebpekid-emig̵u zan keniyu emun kenà mezaat is tuyù dan. Egkesuatan ku he kenà iyan e zà ebpekid-emig̵u keniyu. Emun kenà a ziyan, meupiya ke zuen pa ebpekid-emig̵u keniyu.