1 Pedro 2:10 - Manobo Western Bukidnon

¹⁰ Su zengan kenè kiw menge sakup te Megbevayà ne g̵untaan menge sakup kiw zin en. Dengan wazè tew hanew zutun te hizu te Megbevayà, iyan, guntaan impezayag din en kenitew.

1 Pedro 2:10 Referans Kwoze

Hibriyuhanen 4:16

Ne tenged kandin, wazà igkelenew te isip tew te ked-uvey zutun te etuvangan te mekeg̵eg̵ehem he Megbevayà pinaag̵i te ked-ampù su utew velig̵eg̵awen is Megbevayà. Ingkehizu kiw zin ne edtevangan kiw zin dutun te timpu te menge kemereg̵enan.

1 Timoteo 1:13

Dengan, mezaat is menge lalag ku mehitenged kandin; midrasey ku is menge sumusundan din ne midsumpalit ku sikandin. Ne minsan pa zutun, nehizuwan e zin su nehimu ku is menge mezaat he vaal ku tenged te wazè ku pa metueni is tutuu he tuluuwen wey wazè ku pa sikandin tuuwi.

Ruma 10:19

Ne kela ke kunaan ta ke wazà mesavut te menge kevuwazan ni Israyil is impenudtul kandan, iyan, nesavut dan en he zaan su zuen insurat he Lalag te Megbevayà dengan diyà te kandan pinaag̵i te lalag ni Moises he edhenduen te, “Edhimuwen ku keuzemà he egkeima kew is menge Hudiyu te kedtevangi ku te menge etew he kenà menge pinilì ku. Ne edhimuwen ku he egkepauk kew tenged te kegkehizuwi ku te menge etew he zengan wazè dan metueni ke hentei a,” ke sikandin.

1 Kurintu 7:25

Ne sikiyu zaan is wazè pa esawa, wazè ku sug̵ù keniyu he ebpuun te Nengazen, iyan, siak is nehimu he egkeserig̵an tenged te zekelà he hizu kediey te Megbevayà, duen sambag ku keniyu.

Ruma 11:30

Ne sikiyu zaan is kenà menge Hudiyu, dengan wazè kew mebpemineg te Megbevayà, iyan, guntaan nehizuwan kew zin tenged te kenà guntaan kebpemineg te menge Hudiyu.