1 Kurintu 7:6 - Manobo Western Bukidnon

⁶ Kenè ku sikiyu edsug̵uen he mebpees-eseweey kew, kekenà, sambag ku zà keniyu.

1 Kurintu 7:6 Referans Kwoze

2 Kurintu 8:8

Kenà heini kesug̵uan ku keniyu, kekenà, ibpesayud ku keniyu is dekelà he g̵ustu te zuma he menge tumutuu te kedtavang te menge zuma zan. Umba ibpesayud ku heini su wey niw meiringi. Ne pinaag̵i kayi egketuenan ku ke tutuu ve is keniyu he g̵ag̵ew.

1 Kurintu 7:25

Ne sikiyu zaan is wazè pa esawa, wazè ku sug̵ù keniyu he ebpuun te Nengazen, iyan, siak is nehimu he egkeserig̵an tenged te zekelà he hizu kediey te Megbevayà, duen sambag ku keniyu.

1 Kurintu 7:12

Ne sikiyu is duma, duen sug̵ù ku keniyu. (Kediey heini he sug̵ù su wazà isug̵ù heini zengan te Nengazen tew he si Jesus.) Iyan is: ke zuen maama he tumutuu he zuen esawa zin he wazà medtuu, ne kenà egkesuat haazà is bahi he ebpesuwayè dan, ne kenà egkehimu he ed-engkezan dutun te maama haazà is esawa zin.

2 Kurintu 11:17

Heini is egkeg̵iyen ku keniyu, ne kenà iyan ibpekag̵i kedì te Nengazen, su iring a te tulebung is edantal.

1 Kurintu 7:10

Ne sikiyu is telteleesawa, duen ku zaan sug̵ù keniyu. Kenà kediey zà heini, kekenà, sug̵ù te Nengazen tew. Iyan is: is bahi, ne kinahanglan he kenà mebpekidsuwey te esawa zin. Ne is maama, ne kinahanglan daan he kenè din engkezi is esawa zin. Iyan, ke zuen bahi he mibpekidsuwey en te esawa zin, kenà egkehimu he ed-uman ebpeesawa. Egkehimu ke ebpeuliey sikandan.

1 Kurintu 7:40

Iyan, meupiya pa is kebpekesavuk dutun te vahi ke kenè en sikandin ebpeesawa. Kediey zà he isip heini, iyan, edtuuwan ku he impinted kediey heini te Wag̵as he Mulin-ulin.