1 Kurintu 7:35 - Manobo Western Bukidnon35 Kenè ku iyan igkeg̵iya kayi is wey kew kenà meked-eeseweey, kekenà, egkesuatan ku he mesembag̵i kew su wey metengkai is menge ulaula niw ne wey kenà mesanggen is hustu he kedtumana niw te ebpeveelan keniyu te Megbevayà. Gade chapit la |
Ne haazà is benì he ziyà mengeulug te tanà he zug̵iyen is menge sagbet dutun, ne iyan is Lalag te Megbevayà he nezineg te menge etew, iyan, tenged te menge seeng dan wey is suat dan te selapì, wey is menge kelipey he kayi te kelibutan, egkelipatan dan is nezineg dan ne kenà ebpulus diyà te kandan is Lalag te Megbevayà.
Ne ke si Jesus te, “Uram kew wey kew kenà kayi zà egketaman te kegkebibu wey kebpemenginum wey te kedlag̵ud niw te menge kelibutanen he menge kinahanglan niw. Su emun kenè kew ed-uram ne egketik-awan kew egkesaut te andew te kedlimasa te Megbevayà te menusiyà. Ne egkeiring kew te egketelebpì he rumat.
Su kenè en ed-iring-iring is ketezengan te etew ke maan is kenè dan ebpengesawa wey egkeesawa. Is duma, kenà ebpekeesawa wey egkeesawa su iyan en haazà kegkeetew-etew zan; ne is duma zaan tenged te migkapun; ne is duma pa, kenà ebpekeesawa wey egkeesawa su wey zan metuman is insug̵ù kandan te Megbevayà tenged te kedhadì din. Sikan is ebpekezawat te kenè din kebpengesawa, wey ke kenè din kebpeesawa, ne meupiya ke edewaten din en.”
Ne emun ebpengesawa is maama ne kenà daan salà haazà ne emun ebpeesawa is bahi ne iring din ded daan su kenè man salà. Iyan dà igkekeg̵iya ku he meupiya ke kenè kew ebpees-eseweey su emun ebpees-eseweey kew ne mereg̵en is egkeulaula niw zini te kelibutan ne egkesuatan ku pezem he kenè niw meseg̵azi is iring dutun.