1 Kurintu 7:31 - Manobo Western Bukidnon

³¹ Kinahanglan he ke egemiten ta is menge vutang dini te kelibutan, kenè ta utew edekelaan dini te g̵ehinawa ta. Umba egkeg̵iyen ku heini su meg̵aan en egkehanew is kelibutanen he kebpekesavuk tew g̵untaan.

1 Kurintu 7:31 Referans Kwoze

1 Juan 2:17

Egkehanew keuzemà is kelibutan wey egkehanew zaan is minsan hengkey he mezaat he egkesuatan te menge etew, iyan, sikan is edtuman te egkesuatan te Megbevayà, kenà mulà egkehanew, kekenà, duen din untung he wazà pidtemanan.

1 Pedro 4:7

Kenè en utew egkeug̵et is ketepusan te kelibutan. Ne tenged dutun, kinahanglan he hustu is ked-isip-isip niw. Kinahanglan daan he purungi niw is menge ulaula niw su wey mehustu is ked-ampù niw ziyà te Megbevayà.

Santiago 4:14

Turebung kew su minsan is keeselem dà he hitavù, kenè ta egketuenan. Is untung ta zini te kelibutan, ne utew mevavà ne iring te menipis he g̵apun he egketik-ew egkeahà ne egketik-ew zaan egkeawà.

Lucas 21:34

Ne ke si Jesus te, “Uram kew wey kew kenà kayi zà egketaman te kegkebibu wey kebpemenginum wey te kedlag̵ud niw te menge kelibutanen he menge kinahanglan niw. Su emun kenè kew ed-uram ne egketik-awan kew egkesaut te andew te kedlimasa te Megbevayà te menusiyà. Ne egkeiring kew te egketelebpì he rumat.

1 Pedro 1:24

Su zuen insurat he Lalag te Megbevayà he edhenduen te, “Is menusiyà, geina te mevavè dà utew is untung din, iring sikandin te sagbet. Su is kempet din, ne iring te kevukad te sagbet. Meg̵aan egkeg̵angu is sagbet, ne egkengeulug is kevukazan din.

1 Kurintu 9:18

Ne hengkey ve is suhul ku kayi? Iyan suhul ku kayi is: egkehimu he ibpesavut ku is Meupiya he Tudtulanen te wazà bayad diyà te menge etew minsan pa te zuen ku ketenged te kebuyù te igkeuyag ku.

1 Kurintu 7:29

Su ibpesavut ku keniyu, menge suled, he mevavè dà utew is timpu tew ne tenged kayi, puun guntaan is etew he zuen esawa zin, ne kinahanglan he tumana zin is ebpeveelan kandin te Nengazen he iring te wazè din esawa.

1 Kurintu 7:30

Ne iring din ded daan haazà is etew he egkeseeng, ne kinahanglan he iring te wazè din igkeseeng. Ne iring din ded daan is etew he zuen din igkelipey su kinahanglan he iring te wazè din igkelipey. Ne haazà daan is menge etew he ebpememasa, kinahanglan he kenè dan kenug̵uni is ebpemesahan dan, kekenà, isipa zan he kenà kandan haazà.

Hibriyuhanen 12:27

Ne iyan kehulug̵an kayi te menge lalag he edhenduen te, “ed-umanan din ibpekerker” is: id-awè din is minsan hengkey he egkewaleng su wey iyan dà metag̵ak is minsan hengkey he kenà egkewaleng.