1 Kurintu 7:24 - Manobo Western Bukidnon

²⁴ Menge suled, minsan hengkey is kebpekesavuk niw zutun te kebpeketuu niw te Nengazen ne kinahanglan he kenè niw helina su iyan metau is Megbevayà.

1 Kurintu 7:24 Referans Kwoze

1 Kurintu 7:20

Ipelaus niw en haazà is kebpekesavuk niw puun dutun te aney he kebpetuuwa keniyu te Nengazen tew.

1 Kurintu 7:17

Ne minsan hengkey is kebpekesavuk te kada sevaha kenitew zini te kelibutan, kinahanglan he edtumanen te kada sevaha is ebpeveelan kandin te Megbevayà sumalà ke hengkey is kebpekesavuk din dutun te kebpetuuwa kandin te Nengazen tew. Ibpenurù ku heini te menge tumutuu ziyà te minsan hendei he inged.

1 Kurintu 10:31

Ne iyan tavak ku zutun is: minsan hengkey he ed-ul-ulahan niw, te kegkaan niw wey te ked-inum niw, ne kinahanglan he iyan id-ul-ulaha niw zutun su wey mezalig is Megbevayà tenged te ulaula niw.

Mateo 12:45

Ne zutun edlikù edhipanew su ebpengakat te pitu he zuma zin he menge mezaat he mulin-ulin he tuwas pa he memezaat kenà sikandin. Ne ed-ahuk dan ne ed-ubpè dan dutun te etew. Ne zutun ed-iseg pa ebmezaat is kebpekesavuk dutun te etew kenà te nehuna he kebpekesavuk din. Iring dutun is egkeulaula te menge etew g̵untaan su ed-iseg ebmezaat is kebpekesavuk dan.”