1 Kurintu 7:2 - Manobo Western Bukidnon

² iyan, geina te utew mezakel is menge etew he egkevut te kenè dan esawa, deyzey ke ebpengesawa is maama ne ebpeesawa is bahi su kela ke meuwit kew zuen te menge etew he meremerik is ulaula zan.

1 Kurintu 7:2 Referans Kwoze

Ipisu 5:28

Ne iring din ded daan is maama, ne kinahanglan he mahala zin diyà te g̵ehinawa zin is esawa zin iring te kebmahala zin te keugelingen din he lawa. Su is kebmahala zin te esawa zin ne iyan ded daan kebmahala zin te keugelingen din he lawa, su is teleesawa, sevaha zà sikandan he lawa.

Ipisu 5:33

Iyan, kenà duen dà taman su egkehimu zaan he elin egkeg̵iyen din is teleesawa. Kinahanglan he mahala te maama is esawa zin ne kinahanglan daan he tehuza te vahi is kandin he esawa.

1 Kurintu 7:9

iyan, ke kenè niw egkeeg̵en is suat niw ne deyzey ke ebpees-eseweey kew su zeyzey is duen din esawa kenà is egkereg̵enan tenged te suat te lawa zin.

1 Kurintu 6:18

Likayi niw is kegkevuta te kenè niw esawa su utew heeyan mezaat he salà. Is duma he menge salà ne mezaat daan, iyan, kenà pinaag̵i te lawa. Haazà is meremerik he ulaula, ne utew ebpekezezaat kenitew su pinaag̵i te lawa ta.

1 Timoteo 4:3

Ibpenurù dan he indawey te Megbevayà is kebpengesawa ne egkeg̵iyen dan he zuen menge egkeenen he indawey zaan. Iyan, heini is menge egkeenen, midlimbag te Megbevayà he egkeenen tew te menge tumutuu he nekesavut te tutuu he tuluuwen. Ne kinahanglan he ebpeselematan tew te Megbevayà emun egkeenen tew.

Mateo 5:32

Ne iyan kedì he penurù is: emun ed-engkezan te maama is esawa zin he wazà sikandin is maama selselai zutun te esawa zin, heini he maama, ne ebpekesalà su pinaag̵i kayi ibpesavut din he nekesalà kandin is esawa zin. Ne ebpekesalà daan is maama he ebpengesawa zutun te vahi he mid-engkezan te esawa zin.

1 Kurintu 7:1

Ne idsurat ku is tavak ku zuen te menge insè niw zuen te surat niw. In-insè niw ke meupiya ve ke kenè ki ebpengesawa. Ne meupiya iyan ke kenè ki is maama ebpengesawa,

1 Kurintu 7:3

Ne sikiyu is teleesawa, kinahanglan he ebpehulizè kew. Kenà meupiya ke kenà edhulid is maama wey ke kenà edhulid is bahi.

1 Tiselunika 4:4

Kinahanglan he is uman sevaha keniyu te menge maama, ne mebpengesawa te paag̵i he meupiya wey kenà meremerik,